𝘼𝙨𝙡𝙞𝙙𝙙𝙞𝙣 𝙆𝙖𝙢𝙤𝙡

2022-10-05 19:59:09 O'zbekiston va Vengriya.

Aholi soni:
O'zbekiston ~ 35 mln.
Vengriya ~ 10 mln.

Yalpi milliy mahsulot aholi jon boshiga nisbatan:
O'zbekiston ~ 2 000$
Vengriya ~ 18 000$

Davlat boshqaruvi:
O'zbekiston - prezidentlik respublikasi
Vengriya - parlamentar respublika

Demokratiya indeksi:
O'zbekiston - 150 o'rin
Vengriya - 56 o'rin

Elektron hukumat rivojlanganligi reytingi:
O'zbekiston - 87 o'rin
Vengriya - 52 o'rin

lnternet tezligi reytingi:
O'zbekiston - 86 o'rin (40 Mbit/s)
Vengriya - 27 o'rin (96 Mbit/s)

Okeanga chiqish yo'li:
O'zbekiston - yo'q
Vengriya - yo'q

Korrupsiyani qabul qilish reytingi:
O'zbekiston - 140 o'rin (28 bal)
Vengriya - 73 o'rin (43 bal)

OAVning erkinligi indeksi:
O'zbekiston - 133 o'rin (yomon)
Vengriya - 85 o'rin (muammoli)

lnsonlarning rivojlanganlik indeksi (ИЧР):
O'zbekiston - 106 o'rin (yuqori)
Vengriya - 46 o'rin (juda yuqori)

Top 1000ka kirgan universitetlar soni:
O'zbekiston - 0 ta
Vengriya - 6 ta

Pul birligining AQSh dollariga nisbati:
1 AQSh dollari ~ 11 000 so'm
1 AQSh dollari ~ 425 forint

Pasport indeksi (vizasiz kirish mumkin bo'lgan davlatlar soni):
O'zbekiston - 25 ta
Vengriya - 113 ta

Nobel mukofoti sovrindorlari:
O'zbekiston - 0 ta
Vengriya - 4 ta

@AsliddinKamol Ochish/sharhlash

2022-10-04 19:39:00 Prezidentlar uchrashuvi va qurilishi davom etayotgan bitmagan bino. Bizdan farqli o‘laroq har xil bannerlar bilan berkitilib qo‘yilmagan va hech kim bunga e’tibor berayotgani yo‘q.

@AsliddinKamol Ochish/sharhlash

2022-10-04 10:04:50 1938-yil 4-oktyabrda otilgan bir guruh millat ziyolilari:
1. Fitrat
2. Abdulla Qodiriy
3. Cho‘lpon
4. Po‘lat Soliyev
5. Gʻozi Olim Yunusov
6. Abdulhay Tojiyev
7. Akbar Islomov
8. Anqaboy Xudoybaxtov
9. Sanjar Siddiq
10. Qurbon Beregin
11. A’zam Ayyub
12. Otajon Hoshimov

Oradan 84 yil o‘tibdi. Marhumlarni kimlar sotgan, kimlar so‘roq-savol qilgan, kimlar sud qilgan va kimlar qatlni ijro etganligi hanuzgacha xalqqa oshkor qilinmadi. Millat xoinlarini nomlari e'lon qilinmadi. Jinoyatchilar javobgarlikka tortilmadi. Yopigʻli qozon yopigʻligicha qolmoqda. Bu esa tarixning qaytalanish ehtimoli yuqoriligini anglatadi.

Unutilgan tarix takrorlanaveradi.

@AsliddinKamol Ochish/sharhlash

2022-10-04 08:58:37 Bugun sotilmaganlar otilgan, otilmaganlar sotilgan kun.
Millatning toza qonlari soʻrilgan, parazitlari qoldirilgan kun.
4-oktyabr Oʻzbek xalqi uchun motam kuni boʻlishi kerak.

@AsliddinKamol Ochish/sharhlash

2022-10-04 07:52:31 #tarixda_bugun

1927 yilning 4 oktyabrida Samarkandda O‘zbekiston madaniyat xodimlarining qurultoyi bo‘ldi. Unda ma’ruza qilgan O‘zbekiston Kompartiyasi Markaziy Komitetining Birinchi kotibi Akmal Ikromov Cho‘lpon haqidagi munozaraga ham yakun yasab, shunday deydi: «Bizda Ayn(Olim Sharafiddinov)ning Cho‘lpon ijodi haqidagi maqolasi bahonasida qator munozaralar bo‘lib o‘tdi. Ayn Cho‘lpon ijodining g‘oyaviy tuturiqsizligini to‘g‘ri ta’kidladi. Bu taqrizning adabiyotshunoslik jihatidan qanday qimmatga egaligi haqida gapirishga jur’at etmayman. Faqat shuni takror aytamanki, mafkura sohasida shunday sog‘lom tanqid bo‘lishi zarurligi shak-shubhasizdir».

Shu tarzda bolshavoylar fatvosi va Aynga o‘xshagan «madaniyat xodimlari»ning fatvosi bilan Cho‘lponning yuziga qora tortildi. U yo‘qsul xalqdan uzoq millatchi ziyolilar shoiri deb e’lon qilindi, ijodi mafkuraviy jihatdan zararli deb topildi. Cho‘lpon ustidan birinchi ma’naviy katliom shu tarzda sodir bo‘lgan edi. taqdirning g‘alati o‘yinini qarangki, oradan ropparosa o‘n bir yil o‘tgach, ayni 4 oktyabr kuni uni otib tashlaydilar.

SSSR Oliy sudi Harbiy kollegiyasining 1938 yil 4 oktyabrdan 16 oktyabrgacha bo‘lgan sayyor yig‘ilishlarida 507 nafar o‘zbekistonlik siyosiy mahbuslar ustidan hukm chiqarilgan. Harbiy Kollegiyaning 1938 yil 4 oktyabrdagi yig‘ilishida otuv jazosiga hukm qilinganlar ro‘yxatini ko‘zdan kechirar ekanmiz, ular orasida Rahim Inog‘omov, Usmonxon Eshonxo‘jayev, Rustam Islomov, Fayzulla Rahimboyev, Akbar Islomov, Sa’dullaxo‘ja Tursunxo‘jayev kabi davlat va jamoat arboblari, Abdulla Qodiriy, Abdulhamid Cho‘lpon, Abdurauf Fitrat kabi xalqning ardoqli shoir va yozuvchilari, Gʻozi Olim Yunusov, Qayum Ramazon, Otajon Hoshimov, Majid Qodirov, Ziyo Saidov kabi adabiyotshunos olimlar ham borligini ko‘ramiz. Ular hukm chiqarilgan kuniyoq, 1938 yilning 4 oktyabrida, qatl etilgan. Bu mudhish kundan oldinroq Munavvar Qori, Botu qatl etilgan edi, keyinchalik shahidlar safiga Usmon Nosir kabi millatning benazir o‘g‘loni qo‘shildi.

O‘zbek xalqining buyuk farzandlari xotirasi oldida bosh egaylik. Oxiratlari obod, ruhlari shod bo‘lsin!

@AsliddinKamalov Ochish/sharhlash

2022-10-02 21:27:37 Yangi va eski Oʻzbekiston

@AsliddinKamol Ochish/sharhlash

2022-10-02 19:05:39 Bugun bir sirni sizlar bilan boʻlishaman. Amaldorlarning koʻpchiligi, ayniqsa hokim-u, zam hokimlar har kuni restoranlarda qarzga ziyofatxoʻrlik qilishadi. Restorandan 200-300 mlngacha qarzi bor bir amaldorni koʻrganman. Qarz yigʻilib boraveradi, shaharda qanaqadir tadbir, forum yoki mehmonlar kelganida oʻsha restorandan byudjet hisobidan ovqatlantirishadi. Shu vaqtda hamma qarzlarini qoʻshib yuborishadi. Restoranlar ham buni biladi uchun ularga qarzga xizmat koʻrsatishdan har doim manfaatdor.
Soʻzlarimga ishonishmasa ba'zi tashkilotlar restoranlarga reyd tashkil qilib, qarz daftarlarini tekshirib koʻrishsin.
Rasmdagi forum harajatlarida ham byudjet (xalqning) pullari oʻzlashtirilganini anglash qiyin emas. Bir kishi 1.200.000 ga kechgi ovqat. Braziliyadan keltirilgan Karkidon goʻshtini yegan boʻlsa kerak.

@AsliddinKamol Ochish/sharhlash

2022-10-02 16:32:24 Bugun onasining shirintoyi boʻlgan begʻubor bola, ertaga millionlab kishilarning qotili boʻlishi mumkin.

Stalinning onasi Yekaterina Jugashvili, Gruziya, 1931-yil.

@AsliddinKamol Ochish/sharhlash

2022-10-02 12:05:57 1940 yil 20 avgust kuni bolsheviklar josusi Roman Merkader Meksikada Stalinning eng katta siyosiy raqibi muxolifatchi Lev Davidovich Troskiyni o‘ldiradi. Qotil o‘tkir tig‘li teshaga o‘xshagan qurol (lesorub) bilan chunonam qattiq uradiki, tig‘ Troskiyning boshini 7 sm ga teshib yuboradi. O‘sha voqealarning guvoxlarini aytishlaricha Troskiy misli ko‘rilmagan mudxish ovozda qichqirgan ekan. Qotil 1960 yilda sovet xukumati tomonidan sovet ittifoqi qahramoni unvoni bilan mukofotlanadi.

SSSR ana shunday qotillar mamlakati edi.

@AsliddinKamol Ochish/sharhlash

2022-10-02 11:02:48 Ustoz otangDEK ulugʻmi? Yoki ustoz otangDAN ulugʻmi?

Bugungacha ushbu savol bahsli boʻlib kelmoqda. Bugungi olimlarning ba'zilari birinchisi to'g'ri deyishadi. Ammo tarixiy manbalarga tayanilsa, buyuklarning koʻpchiligi ikkinchisini to'g'ri deb bilganlar.
Bu masalada Mavlono Rumiy Hazratlari quyidagini yozganlar:

Otam meni yerga tushirdi, Ustozim osmonga uchirdi.

@AsliddinKamol Ochish/sharhlash