2024-04-09 13:54:40
#BIR_SHINGIL__TAFAKKUR
FITR SADAQASI ”Batahqiq, kim pok bo‘lsa, yutuq topadir. Va Robbisi ismini zikr qilsa va namoz o‘qisa hamdir” (“A’la” surasi, 14-15-oyatlar). Abu Sa’id al-Xudriy va Abdulloh ibn Umar roziyallohu anhumlar bu oyatlar haqida shunday degan:
“Albatta, bu fitr sadaqasi (14-oyat) va Hayit namozi (15-oyat) haqida nozil bo‘lgan” (“Tafsir al-Qurtubiy”).
Ushbu oyatlarning ketma-ketligiga muvofiq tarzda, dastlab fitr sadaqasi beriladi, so‘ng hayit namozi o‘qiladi. Ya’ni firt sadaqasi hayit namozidan oldin berilishi kerak.
Fitr sadaqasi Ramazon ro‘zasining kamchiliklarini to‘ldiradi:
Imom Vaki’ ibn Jarroh rahimahulloh shunday degan:
“Ramazon oyining fitr sadaqasi namozdagi sajdai sahvga o‘xshaydi. Sajdai sahv namozning nuqsonini to‘ldirgani kabi, fitr sadaqasi ham ro‘zaning kamchiligini bartaraf qiladi”.
Ma’lumot uchun:
O‘zbekiston musulmonlari idorasi Fatvo markazining milodiy 2024 / hijriy 1445 yilgi Ramazon oyi uchun zakot nisobi, fitr sadaqasi va fidya miqdori bo‘yicha qarorlari qabul qilindi, unga ko‘ra:
Fitr sadaqasining miqdori quyidagicha belgilandi:
bug‘doydan – 14 000 (o‘n to‘rt ming) so‘m;
arpadan – 20 000 (yigirma ming) so‘m;
mayizdan – 110 000 (bir yuz o‘n ming) so‘m;
xurmodan – 180 000 (bir yuz sakson ming) so‘m deb belgilandi.
Har kim o‘z imkoniyatiga qarab ushbu to‘rt mahsulotning xohlagan bir turidan fitr sadaqasini berishi mumkin bo‘ladi.
Abdulloh Abdulmajid tayyorladi
Shayx Alijon qori rasmiy
sahifalari
Telegram |
Facebook |
Youtube |
Instagram
34.6K viewsedited 10:54
A
