2021-02-16 21:59:50
Taziya
{كُلُّ نَفْسٍ ذَائِقَةُ الْمَوْت}
"Har bir jon o'limni totuvchidir"
Shayx, qori, o'n qiroat sohibi, xodimi Qur'on, Qur'on va tajvid ilmlarida ko'p yillar ustozlik qilgan, Misr diyorida ko'zga ko'ringan, Shayx Xasanin Jibril nomi bilan mashxur, ko'plab shogirtdlar chiqargan, Shayx Alijon qori akaning ustozlaridan biri, Fazilatli Shayx Alloma Muhammad Xasanin Ibrohim Muhammad Afifiy Jibril
(Alloh u zotni rahmatiga olsin) bugun tongda 2021 yil 16- fevral kuni foniy dunyodan boqiy dunyoga rihlat qildi. Alloh rahmatiga olsin joylarini jannat bog'laridan qilsin.
إِنَّا لِلَّهِ وَإِنَّا إِلَيْهِ رَاجِعُونَ
Fazilatli Shayx Alloma Xasanin Jibril haqida qisqacha ta'rif.
Fazilatli Shayx Muhammad Xasanin Ibrohim Muhammad Afifiy Jibril Misrning Qalyubiya viloyatini Tohiriya qishlog'ida 1928-yil 22- avgustda dunyoga keldi.
Otasi yoshligida vafot etgan va u yetim bo'lib o'sgan, shuning uchun unga bobosi Muhammad va buvisi Xadicha g'amxo'rlik qildilar.
Qur'oni karimni Shayx Abdul Robb bin Abdul Hodiydan yodladi.
Shundan so'ng fazilatli Shayx Abdulmajid bin Xayrulloh huziriga borib, u kishiga Nafi' qiroatini o'qib berdi.
Shayx o'zi haqqida shunday deydi:
Amakilarimning istagi meni o'zlari bilan dalada ekin-tikin ishlarida ishlashtish edi, lekin bobom Muhammad bunga rozi bo'lmadi, meni o'qitishni qasd qildi.
Bobomning qasdi, Allohni menga bergan bir in'omi edi. Bobomnning kelajagim uchun, qilgan rejasi men uchun dunyo-oxirat saodatini kaliti bo'ldi.
Bobom meni "Barmuniy" madrasasiga (hozirgi paytda Al-Azhar” kollejlaridan biri) o'qishga kiritdi.
Bobom (Alloh u kishini rahmatiga olsin) o'sha yili vafot etdi.
Mening Al Azhar madrasasiga kirib, o'qishimda va undan keyin
Qur'on va qiroat ilmlarini egallashimda bobomnning ulishi buyukdir.
Madrasani tamomlaganimdan so'ng Alloh menga viloyatimizdan tashqarida joylashgan Qiroat ilmlariga xoslangan inustitga kirib o'qishimni iroda qildi, va menga Shayx Abdulfattoh al-Marsafiyni - Alloh uni rahmat qilsin hamroh qildi.
Biz birgalikda Qiroat inustitiga Oliy bochqichini ikkinchi kursidan o'qishga kirdik so'ngra "Ixtisoslashuv" bosqichiga o'tdik. Shayx Abdulfattoh al-Marsafiy bilan birgalikda o'qishni tamomladik.
Qiroat inustitini bitirgannimizdan keyin, birgalikda hozirgi paytdagi Al-Azhar unversiteti qoshidagi "Shariat va huquq" fakulitetini "Islomshunoslik va Arabshunoslik" bo'lmiga o'qishga kirdik, va u erda shariat, arab tili va boshqa ilmlarni qo'lga kiritdik.
Ul zotning Shayxlari:
Shayx Ali Ahmad Hasan al-Qalyubiy Ul zotdan o'nta sug'ro qiroatini ta'lim oldi.
Shayx Ahmad al-Zayyot Ul zotdan o'nta kubro qiroatini ta'lim oldi.
O’qishni tugatgandan keyin
Damanxur institutida dars berishni boshladi.
Bu institut Al-Azhar institutlari tarkibiga 1967 yilda qo'shildi.
Shayx bir qancha olimlar bilan uchrashgan, ularning boshida Shayx Abdulfattoh Al-Qoziy turadi. Keyin Sharqiyya viloyatidagi Belbeys diniy institutga ko'chib o'tdi.
- u erda shar'iy va arab tili va qiroat ilmlaridan dars berdi.
Keyin shayx o'z shahriga yaqin bo'lgan Shebin al-Qonatir institutiga ko'chib dars bera boshladi.
Keyin Qolyubiya mintaqasida Qur'on ishlari bo'limida tekshiruvchi bo'lib ishlab keldi.
Shayx Xasanin Jibril ko'plab yillar, umrining oxirgi damlarigacha Qur'on xodimi bo'lib, Qur'on karim va Tajvid ilmlarida tolibi ilmlarga ustozlik qilib, o'n qiroat (sug'ro va kubro) qiroatlaridan va tajvid matnlaridan ijozalar berib keldi.
Ko'plab shogirtlar chiqargan.
Ulardan ba'zilari.
Xomid bin Ahmad bin Akram al-Buxoriy (Ul zot u kishiga ash-Shotibiya va al-Taysir va al-Durra va al-Taxbir va Toyyiba an-Nashr yo'li bilan o'nta kubro qiroatini to'liq o'qib, berdi.)
Valid bin Idris al-Munisiy (Ul zot ash-Shotibiya va al- Durra, va al- Toyyiba yo'li bilan o'nta qiroatni o'qib berdi.)
Ustozimiz
Shayx Alijon qori hamda
“Alquranuz” jamoasi nomidan, Shayx
Muhammad Xasanin Ibrohim Muhammad Afifi Jibrilni shogirdlari, oilalari va yaqinlariga chuqur taziya izhor qilamiz!
Shayx Alijon qori rasmiy
sahifalariga ulaning
Telegram|Facebook|Youtube|Instagram
15.5K views18:59