Адвокат хизмати

2021-01-26 17:04:49 Демак юқорилагиларни ҳисобга олиб шуни айтишимиз жоизки, биринчи навбатда ФҲДЁ органига бориб болага тўғилганлик туғрисида гувоҳнома олиниши керак. Шундан сўнг фарзандликка олиш учун васийлик ва ҳомийлик органининг фарзандликка олишнинг асослилиги ва фарзандликка олинаётган боланинг манфаатига тўғри келиши ҳақидаги хулосаси билан фуқаролик ишлари бўйича ариза берилиши жоиз.

Каналга уланиш:
@advocateabf

АДВОКАТГА САВОЛ ЮБОРИШ:
@advocateabf_bot Ochish/sharhlash

2021-01-26 17:04:49 ТАНИШИМНИНГ ФАРЗАНДИНИ АСРАБ ОЛМОҚЧИМАН

САВОЛ:
Ассалому алайкум. Саволим: менинг бир танишим боласидан воз кечмокчи у болага тугулганлик гувохнома хам олинмаган. Мен шу болани асраб олмокчиман. Уни номимга расмийлаштириб тугилганлик хакида гувохнома олиш кандай ва кай тартибда иш олиб боришим керак?

ЖАВОБ:
Биринчидан, Болага туғилганлик ҳақидаги гувоҳнома олиш масаласи.
Ушбу масала юзасидан Ўзбекистон Республикаси Адлия Вазирлигининг “Фуқаролик ҳолати далолатномаларини ёзиш органларида иш юритиш тартиби тўғрисидаги йўриқномага ўзгартириш ва қўшимчалар киритиш тўғрисида”ги буйруғи асосида жавоб берамиз. Мазкур Буйруқнинг 476-бандига асосан, туғилишни қайд этиш учун бир ойлик муддат ўтказиб, бола ўн олти ёшга тўлгунга қадар мурожаат этилган ҳолларда туғилишни қайд этиш рад қилинмайди ва умумий асосларда амалга оширилади. Бола бир ёшга тўлганидан сўнг, унинг туғилиши бола туғилган жойда ёки ота-онасидан бирининг доимий яшаш жойида қайд этилади. Ўн олти ёшгача бўлган боланинг туғилишини қайд этиш учун ФҲДЁ органига туғилишни қайд этиш муддатини ўтказиб юборганлик сабаблари кўрсатилган ариза боланинг ота-онаси, ота-онанинг қонуний никоҳи мавжуд бўлган ҳолларда улардан бири ёки ишончнома асосида бошқа манфаатдор шахс, ота-онанинг ўрнини босувчи шахс ёхуд васийлик ва ҳомийлик органларининг мансабдор шахслари томонидан тақдим этилади./

Иккинчидан, Фарзандликка олиш муаммоси юзасидан,
Ҳозирги кунда болани фарзандликка олишни истаган шахсларнинг (шахснинг) аризасига кўра, васийлик ва ҳомийлик органининг фарзандликка олишнинг асослилиги ва фарзандликка олинаётган боланинг манфаатига тўғри келиши ҳақидаги хулосаси ҳисобга олинган ҳолда суд томонидан фарзандликка берилади.
Ўзбекистон Республики Фуқаролик Процессуал кодексининг 298-моддасига биноан, фарзандликка олиш тўғрисидаги ариза болани фарзандликка олишни истаган Ўзбекистон Республикаси фуқаролари томонидан фарзандликка олинаётган боланинг яшаш (турган) жойидаги фуқаролик ишлари бўйича туманлараро, туман (шаҳар) судига берилади.
Фарзандликка олиш тўғрисидаги аризага қуйидагилар илова қилинган бўлиши керак:
никоҳда турган шахслар (шахс) томонидан фарзандликка олинганда — фарзандликка олувчиларнинг (олувчининг) никоҳ тузилганлиги тўғрисидаги гувоҳномасининг кўчирма нусхаси;
эр-хотиндан бири томонидан фарзандликка олинганда — бошқасининг розилиги. Агар эр-хотин оилавий муносабатларни тугатган, бир йилдан ортиқ бирга яшамаётган бўлса ва эрнинг (хотиннинг) яшаш (турган) жойи номаълум бўлса, шунингдек бу ҳолатларни тасдиқловчи ҳужжатлар мавжуд бўлса, фарзандликка олишда унинг розилиги талаб қилинмайди;
никоҳда турмаган шахс томонидан фарзандликка олинганда — фарзандликка олувчи паспортининг кўчирма нусхаси ва никоҳда турмаслиги ҳақидаги маълумотнома;
фарзандликка олувчиларнинг (олувчининг) соғлиғи ҳолати тўғрисидаги тиббий хулоса (психиатрия, сил касаллигига қарши кураш ва наркология муассасаларидан, шунингдек ОИТСга қарши кураш марказидан маълумотномалар);
фуқаро фарзандликка олишга номзод сифатида ҳисобга қўйилганлиги тўғрисидаги ҳужжат,
фарзандликка олувчиларнинг (олувчининг) иш жойидан эгаллаб турган лавозими ва иш ҳақи тўғрисидаги маълумотнома ёки бошқа даромад манбалари ҳақидаги маълумотнома;
турар жойга бўлган мулк ҳуқуқини ёки турар жойдан фойдаланиш ҳуқуқини тасдиқловчи ҳужжат.
Ўзбекистон Республикаси фуқароларининг бошқа давлат фуқароси бўлган болани фарзандликка олиш тўғрисидаги аризасига ушбу модданинг биринчи қисмида кўрсатилган ҳужжатлардан ташқари қуйидагилар илова қилинади:
фарзандликка олинаётган боланинг Ўзбекистон Республикаси ҳудудида доимий яшаши учун Ўзбекистон Республикаси ваколатли органининг розилиги;
фарзандликка олинаётган бола қонуний вакилининг ва бола қайси давлат фуқароси бўлса, ўша давлат ваколатли органининг розилиги;
фарзандликка олинаётган боланинг туғилганлик тўғрисидаги далолатнома ёзувидан кўчирма; Ochish/sharhlash

2021-01-05 11:41:52 ОРТИҚЧА ИШЛАГАН ВАҚТИМ УЧУН ҲАҚ ТЎЛАНМАЯБДИ

Савол:

Салом саволим бор иди мен хамшира булиб ишлайман кунига 12 соат давомида ишласаму лекин менга кунига 8 соаттан табел ёзиб ойлик маош берилса бир ойда 12×30=360 соат ишладим лекин менга 8×30=240 соат ёзилса бу тугрми шунда менрнг колган 120 соат толанмайдими пракуратурагаям ёздим лекин фойдаси боради менга маслахат бенринг мен нима килай жавоб учин олдиндан рахмат

Жавоб:

Ходим учун белгиланган кундалик иш (смена) муддатидан ташқари ишлаш иш вақтидан ташқари иш деб ҳисобланади.
Иш вақтидан ташқари ишлар ходимнинг розилиги билан қўлланиши мумкин.
Иш сменасининг муддати ўн икки соатдан иборат бўлганда, шунингдек меҳнат шароити ўта оғир ва ўта зарарли ишларда иш вақтидан ташқари ишларга йўл қўйилмайди.
Иш вақтидан ташқари ишлар, дам олиш кунлари ва байрам кунларидаги ишлар учун камида икки ҳисса миқдорида ҳақ тўланади. Тўланадиган ҳақнинг аниқ миқдори жамоа шартномасида, агар у тузилмаган бўлса, — иш берувчи томонидан касаба уюшмаси қўмитаси ёки ходимларнинг бошқа вакиллик органи билан келишиб белгиланади. Меҳнат кодекси 157-модда.

Каналга уланиш:
@advocateabf

АДВОКАТГА САВОЛ ЮБОРИШ:
@advocateabf_bot Ochish/sharhlash

2021-01-03 20:33:19 СУДЛАНГАНЛИГИМ УЧУН ИШГА ОЛИШМАЯБДИ.

Савол:
Ассалому алайкум. Мен саволим куйидагича :олий маьлумотли бошлангич синф укитувчисиман 15 йиллик стажим бор 2016_йилдан буен богча сохасида ишлаб келдим мактабгача Таьлим йуналишини 2_мутахассислик буйича тугатганман 2018_йилда богчада рахбарлик фаолиятида ишлаб юрганимда судланиб колдим 210бн менга 3 йил озодликни чеклаш жазоси ва 1 йил 45_моддани берди 2020_йил март ойида жазоларим бекор килинди мен богчада хужалик ишлари мудири булиб ишлаб юрган эдим яшаш жойим узгариб бошка олис туманга кучиб келдик иш сураб ташкилотларга мурожаат килдим айрим ташкилотларда рахбарлик штати вакант турибди лекин мени судлангансиз рахбарликка ишлолмайсиз деб рад жавоби беришмокда Шу тугрими менинг вояга етмаган уч нафар фарзандим бор елгиз онаман кичик фарзандим хали уч ешга тулмаган кандай маслахат бера оласиз жавоб ун олдиндан рахмат.

Жавоб:

Меҳнат кодексининг 6-моддасига кўра Барча фуқаролар меҳнат ҳуқуқларига эга бўлиш ва улардан фойдаланишда тенг имкониятларга эгадир. Жинси, ёши, ирқи, миллати, тили, ижтимоий келиб чиқиши, мулкий ҳолати ва мансаб мавқеи, динга бўлган муносабати, эътиқоди, жамоат бирлашмаларига мансублиги, шунингдек ходимларнинг ишчанлик қобилиятларига ва улар меҳнатининг натижаларига алоқадор бўлмаган бошқа жиҳатларига қараб меҳнатга оид муносабатлар соҳасида ҳар қандай чеклашларга ёки имтиёзлар белгилашга йўл қўйилмайди ва булар камситиш деб ҳисобланади.

Ушбу кодексининг 78-моддасига кўра муқаддам судланган шахсларни ишга қабул қилмаслик, бундан қонун ҳужжатларида назарда тутилган ҳоллар мустасно, ёхуд шахсларни уларнинг яқин қариндошлари судланганлиги муносабати билан ишга қабул қилмаслик ишга қабул қилишни ноқонуний рад этиш ҳисобланади.

Каналга уланиш:
@advocateabf

АДВОКАТГА САВОЛ ЮБОРИШ:
@advocateabf_bot Ochish/sharhlash

2020-11-20 14:04:28 #ҲуқуқингизниБилибОлинг

ГАЗ ЙЎҚ ҲУДУДЛАРДА АҲОЛИНИ КЎМИР БИЛАН ТАЪМИНЛАШ ЗАРУРЛИГИДАН ҲАБАРИНГИЗ БОРМИ?

Газ бўлмайдиган ҳудудларда аҳоли кўмир маҳсулоти билан узлуксиз равишда таъминланади.

Бунинг учун қуйидагилар амалга оширилади:

қиш мавсумида газ бўлмайдиган ҳудудларга етарли миқдорда кўмир етказиб бериш бўйича тегишли ҳужжатлар тасдиқланади (Вазирлар Маҳкамаси – вилоят ҳокимликлари – туман ҳокимликлари);

туман ҳокимлиги томонидан тасдиқланган аҳолини кўмир билан таъминлашга оид жадвал маҳалла фуқаролар йиғинига етказилади;

маҳалла фуқаролар йиғини келиб тушган аризаларга мувофиқ кўмирни сотиб олиш бўйича реестрни шакллантиради ва уни кўмир омборларига етказиб беради;

кўмир омборлари маҳалла фуқаролар йиғини томонидан тақдим этилган реестрга ва тасдиқланган жадвалга асосан аҳолини кўмир маҳсулоти билан Молия вазирлиги томонидан тасдиқланадиган нархлар асосида узлуксиз таъминлаш чораларини кўради.

Каналга уланиш:
@advocateabf

АДВОКАТГА САВОЛ ЮБОРИШ:
@advocateabf_bot Ochish/sharhlash

2020-11-04 16:06:37 Жамоа шартномаси — корхонада иш берувчи билан ходимлар ўртасидаги меҳнатга оид, ижтимоий-иқтисодий ва касбга оид муносабатларни тартибга солувчи норматив ҳужжатдирЖамоа келишуви — муайян касб, тармоқ, ҳудуд ходимлари учун меҳнат шартлари, иш билан таъминлаш ва ижтимоий кафолатлар белгилаш борасидаги мажбуриятларни ўз ичига олувчи норматив ҳужжатдир.Жамоа шартномалари ва келишувлари ходимлар билан иш берувчиларнинг меҳнатга оид муносабатларини шартнома асосида тартибга солишга ва уларнинг ижтимоий-иқтисодий манфаатларини мувофиқлаштиришга ёрдам бериш мақсадида тузилади
Каналга уланиш:
@advocateabf

АДВОКАТГА САВОЛ ЮБОРИШ:
@advocateabf_bot Ochish/sharhlash

2020-10-20 14:36:56 САВОЛ
Ӯғлим 1997 йилга туғилган. 2017 йилдан ҳозиргача Россия Федерациясига ишлаб юрибти. САВОЛ: август ойида туман ҳарбий комиссариатдан ходимлар келиб ӯғлим учун СЧР хизмати учун 4775690 сӯм (ҳар ойи 955138 сӯм) тӯлашимни билдирди. Шу талаб қонун доирасида ми.

ЖАВОБ
Ўзбекистон Республикаси Конституциясининг 52-моддасига кўра, Ўзбекистон Республикасини ҳимоя қилиш — Ўзбекистон Республикаси ҳар бир фуқаросининг бурчидир. Фуқаролар қонунда белгиланган тартибда ҳарбий ёки муқобил хизматни ўташга мажбурдирлар.
ЎЗРнинг "УМУМИЙ ҲАРБИЙ МАЖБУРИЯТ ВА ҲАРБИЙ ХИЗМАТ ТЎҒРИСИ"ДАги Қонунинг 6 моддасига асосон, Ҳарбий хизматга яроқли, шу жумладан чекловлар билан яроқли бўлган ҳамда чақирилиш муддатини кечиктириш ва чақирилишдан озод этилиш ҳуқуқига эга бўлмаган, бироқ Қуролли Кучлар сафига навбатдаги муддатга чақирилмаган шахслар сафарбарлик чақируви резерви сафига олинадилар. Сафарбарлик чақируви резервидаги хизмат ҳудудий принцип асосида ойлик йиғинлар тарзида ташкил этилади ҳамда чақирилувчилар томонидан Ўзбекистон Республикаси Мудофаа вазирлигининг махсус ҳисобварағига пул бадаллари киритилишини назарда тутади.
Ўзбекистон Республикаси фуқароларининг сафарбарлик чақируви резервида хизматни ўташи тартиби тўғрисида
НИЗОМнинг 7-бандига мувофиқ, сафарбарлик чақируви резервидаги хизмат сафига олинган шахслар томонидан пул бадаллари тўлаш хизматга олингандан кейин бир йил мобайнида тўланади. Томонларнинг келишувига кўра тўлов шартномада белгиланган муддат мобайнида тўлиқ ҳажмда бир йўла ёхуд босқичма-босқич амалга оширилиши мумкин.

Демак, юқорида келтирилган асосларга мувофиқ шуни айтишимиз мумкинки, мансабдор шахс фуқародан СЧР хизмат сафига олинган сўнг пул бадалини тулашни талаб қилиши мумкин.

Шуни унутмангки, Ўзбекистон Республикаси Маъмурий жавобгарлик туғрисидаги Кодекснинг 237-моддасига асосон, Муддатли ҳарбий хизмат ёки муқобил хизматга чақирувдан, сафарбарлик чақируви резерви хизмати сафига олинишдан ёки хизматни Ўзбекистон Республикаси Қуролли Кучлари резервида ўташдан бўйин товлаш
базавий ҳисоблаш миқдорининг икки бараваридан беш бараваригача миқдорда жарима солишга сабаб бўлади.
Каналга уланиш:
@advocateabf

АДВОКАТГА САВОЛ ЮБОРИШ:
@advocateabf_bot Ochish/sharhlash

2020-10-16 07:48:43 САВОЛ:
Ассалому алейкум, мени келиним 7 йил яшаб 2 та угил фарзандлик булди, куп жанжал килиб кетиб колади, шу сафар хам яшамайман деб кетганди, закси йук, бизага руйхатга турмайди, лн боласига фамилиямизни берганмиз. Яшамаса алимент тулаймизми? Боласини 1тасини олишга хаккимиз борми? Келиним уйимдан нима олиб кетишга хакки бор? Маслахат беринг.

ЖАВОБ:
Оила Кодексининг 96-моддасига асосан , ота-она вояга етмаган болаларига таъминот бериши шарт.Вояга етмаган болаларига таъминот бериш мажбуриятини ихтиёрий равишда бажармаган ота (она)дан суднинг ҳал қилув қарорига ёки суд буйруғига асосан алимент ундирилади.Вояга етмаган болаларга алимент тўлаш ҳақида ота-она ўртасида келишув бўлмаганда ёки алимент ихтиёрий равишда тўланмаганда ва ота-онадан бирортаси ҳам алимент ундириш тўғрисида судга даъво ёхуд ариза билан мурожаат қилмаган ҳолларда, васийлик ва ҳомийлик органлари, шунингдек ўн тўрт ёшга тўлган бола вояга етмаган боланинг таъминоти учун ота ёки онадан қонунда белгиланган миқдорда алимент ундириш тўғрисида даъво қўзғатишга ҳақлидир.

Демак
Яшамаса алимент тулаймизми?
Бу мажбурий ота-она боласини таминоти учун алимент тулашга мужбурдирлар.
Боласини 1тасини олишга хаккимиз борми?
Агарда ота-она ўртасида нотариал тартибдаги келишув бўлса фарзандлардан бири отаси билан қолиш мумкин. Бундан ташқари, агар суд низони куриб чиқадиган тақдирда, суд ушбу масалани хамма жиҳатларни қамраб олиб, фарзандни кимда қолишини ҳал қилади (Лекин асосан фарзанд онада қолади)
Келиним уйимдан нима олиб кетишга хакки бор?
Келинингиз ўзига тегишли бўлган мол-мулкини олиб кетиши мумкин (сарпо, унга ҳадялар)

Каналга уланиш:
@advocateabf

АДВОКАТГА САВОЛ ЮБОРИШ:
@advocateabf_bot Ochish/sharhlash

2020-10-03 15:07:54 ЗАЩИТНИК В УГОЛОВНОМ ПРОЦЕССЕ
Защитник приглашается подозреваемым, обвиняемым, подсудимым, их законными представителями, а также другими лицами по просьбе или с согласия подозреваемого, обвиняемого, подсудимого.
По просьбе подозреваемого, обвиняемого или подсудимого участие защитника в деле обеспечивают дознаватель, следователь, прокурор или суд.
В случаях, когда вступление в дело избранного защитника невозможно в течение двадцати четырех часов, дознаватель, следователь, прокурор или суд должен предложить подозреваемому, обвиняемому, подсудимому либо их родственникам пригласить другого защитника или самому обратиться в адвокатские формирования, определяемые территориальным управлением Палаты адвокатов Республики Узбекистан с предложением назначить защитника. Защитник избранный подозреваемым, обвиняемым, подсудимым вправе вступить в дело в любое время

Каналга уланиш:
@advocateabf

АДВОКАТГА САВОЛ ЮБОРИШ:
@advocateabf_bot Ochish/sharhlash

2020-10-02 11:07:13 Қуйидагилар болали оилаларга нафақа, бола парвариши бўйича нафақа ва моддий ёрдам олишда устунлик ҳуқуқига эга:

ота-онасининг иккисини ҳам йўқотган, болалар тарбияси билан эса қариндошлар шуғулланаётган оилалар;

ота-оналардан бири ёки ҳар иккиси ҳам ногирон бўлган оилалар;

14 ёшгача бўлган икки ва ундан ортиқ болаларни тарбиялаётган, бошқа қариндошлардан алоҳида яшаётган бева аёллар (бева эрлар);

ногирон боласи (болалари) бўлган оилалар;

болани (болаларни) тўлиқ бўлмаган оилада тарбиялаётган оналар (оталар). Бунда боланинг амалда тўлиқ бўлмаган оилада она (ота) томонидан тарбияланишини фуқароларнинг ўзини ўзи бошқариш органи белгилайди;

ота-оналардан бири ёки ҳар иккиси ишсиз бўлган ва иш изловчи сифатида бандликка кўмаклашиш марказларида ҳисобда турган оилалар;

ёлғиз пенсионерлар.

Каналга уланиш:
@advocateabf

АДВОКАТГА САВОЛ ЮБОРИШ:
@advocateabf_bot Ochish/sharhlash