2021-08-10 10:10:16
Skaner qurilmalari to‘g‘ri ishlamoqda
Itjimoiy tarmoqlarda ayrim abituriyentlarning javoblar varaqalari keltirilgan holda skaner qurilmalari xato ishlayapti degan mazmunda fikrlar bildirilmoqda.
Bu bo‘yicha quyidagilarni ma’lum qilamiz:
1. Test topshirig‘iga javob belgilanmasada to‘g‘ri deb olinishi e’tirozlar blankasi bilan bog‘liq va bu bo‘yicha ushbu rasmiy munosabatda to‘liq ma’lumot berilgan.
2. Bir nechta javob belgilanganda ulardan biri to‘g‘ri javob sifatida olinishi AQSHning SCANTRON korporatsiyasining iNSIGHT turkumiga kiruvchi optik qurilmalarining dasturiy ta’minoti va maxsus algoritmi bilan bog‘liq bo‘lib, bu holat xato hisoblanmaydi.
Ya’ni mazkur qurilmalar javobni o‘qishda aylananing bo‘yalganlik holatini tekshiradi va kattaroq bo‘yalgan aylana belgilangan javob sifatida olinadi. Aylanalarning bo‘yalganlik holati bir-biriga yaqin bo‘lganda esa birdan ortiq javob belgilangan hisoblanadi va test topshiruvchiga mazkur test topshirig‘i uchun ball berilmaydi.
Umuman olganda SCANTRON korporatsiyasining optik skanerlari dunyodagi eng ishonchli qurilmalardan hisoblanib, AQSh, Yaponiya, Turkiya kabi rivojlangan davlatlar ham aynan shu qurilmalardan foydalanadi.
Ijtimoiy tarmoqlarda tarqalayotgan javoblar varaqalari esa mazkur shaxslarning millionlab abituriyentlar uchun juda muhim bo‘lgan, ularning kelajagini belgilab beradigan davlat tadbiriga bepisandlik bilan qarayotganligi, zamirida yigirmadan ortiq tashkilotning juda katta mehnati va zahmati yotgan jarayonni obro‘sizlantirishga harakat qilayotganligi va test sinoviga katta maqsadlar qo‘ygan holda talaba bo‘lish uchun emas, balki boshqa bir g‘arazli niyatlarni ko‘zlagan holda kelayotganligidan darakdir.
Davlat test markazining rasmiy sahifalari:
Batafsil
https://t.me/joinchat/V1AHHKmbD0ue-1HU
13.5K views07:10
A
