Депрессия оғир кунларингиздан эсдалик... Депрессия – бу ўзи | Zebiniso Ahmedova — psixolog blogi

Депрессия оғир кунларингиздан эсдалик...

Депрессия – бу ўзингизннинг яхши яшашингиздан кечиб бошқаларнинг ҳаёти ва эҳтиёжини қониқтириш учун бошингиздан ўтказган оғир кунларингиздан қолган бир эсдаликдир.

Мен шу ҳаётда мана шу мақсадга эришишим учун ўзимдан кечишим керак: қийналганларимни ичимга ютишим керак, ўзим учун сўрамаслигим керак, менга хўжайин бўлган инсонларимни юзини ерга қаратмаслигим керак, хўрланишлар сабрим билан енгилади, менгаям ёруғ кун келар... ўзим ёмондирман... мен айбдордирман... мен қилолмадим... мен ожизман...

Ҳаётингиздаги бу ички сўзлашувнинг кетма-кетлиги сизга депрессия деган эсдалик қолдиради. Сиз энди тушкунлик билан, кўзингиздаги ёш билан йиғлайверасиз, йиғлайверасиз, йиғлайверасиз... Бесабаб ва ўз-ўзидан қуйилиб келадиган йиғи, тушкун кайфият энди сизга ўша кунлардан қолган қалб азобларини кўз ёшиб билан эслатади. Тўғрироғи эслашни ҳам истамайсиз. Сизни шу кунга қолишингизга сабабчи бўлган инсонларга нисбатан нафратингиз ҳам қолмаган. Шу билан бирга ҳаётга қизиқишнинг йўқолиши, бирор бир қадрга эга бўлган ҳаётдан маъно топа олмаслик ривожланишни бошлайди.

Бугунги кунингизда бўлиши мумкин бўлган яхши харакатларни бажаришни орқага ташлайверасиз. Ушбу холатни перфекционизм дейилади. Тушиб қолган хозирги холатинигизга айбдорларга нисбатан нафрат ва курашиш хам қолмаганлигини ич-ичингиздан сезасиз. Уйқунинг бузилишлари жудаям кўп ухлаш ва ухламай қўйиш тарзида бўлиши мумкин. Ҳар икки холатларда ҳам миянинг дам олмаётганлиги, кўп туш кўриш ҳолати пайдо бўлади. Умуман иштаҳа йўқлиги ёки тўйиб овқатланишни исташ инсонни тарк этмайди.

Бесабаб йиғи, ўз ўзидан қуйилиб келувчи йиғиларга уланиб кетиши ҳам мумкин. "Мен хеч кимга керак эмасман" каби ўйловлар азоб берувчи қалб оғриқларига айланиши ҳам мумкин.

Кимда шу холат кузатилмоқда? У инсонга оғир... Унга ёрдам керак... Шифокор ёрдами керак...

Зебинисо Аҳмедованинг "Насияга олинган бахт ёки тушкунликдан чиқиш сири" китобидан лавҳа.

_____ ИНФО _____
Консультация олиш учун мурожаат қилинг:
Тел: +998908055580
Тел: +998909444612

Каналга уланиш: @zebinisopsixolog