Xayrulla HAMIDOV ijodi /official

2024-06-22 20:46:13 Ироқ чўлларидек дардим бепоён,
Армон карвонлари ҳадсиз ўтар жим...
Нигоҳингдан оққан изҳорлар аён,
Юрак сўзларига кўзлар - мутаржим!

@Xayrulla_Hamidov_adabiyot Ochish/sharhlash

2024-06-22 20:44:01 Даҳо - одамлардан анчайин йироқ,
Ва жуда яқиндир уларга бул дам.
Ҳа, Даҳо ҳаммага ўхшайди, бироқ
Унга ўхшолмайди биронта одам!

@Xayrulla_Hamidov_adabiyot Ochish/sharhlash

2024-06-21 20:44:01 Бир куни ёзувим сатри битади,
Руҳим ўз танини ташлаб кетади.
Жасадим чириту, кўзимни қолдир,
Сени кўрмагимнинг ўзи етади!

@Xayrulla_Hamidov_adabiyot Ochish/sharhlash

2024-06-20 19:43:01 Юрагим бир пайтда қувнайди инграб,
Бу ҳолни изоҳлаб беролмас воиз.
Оғриши - ёнимда йўқлигинг сабаб,
Шодлиги - ҳаётда борлигинг боис!

@Xayrulla_Hamidov_adabiyot Ochish/sharhlash

2024-06-19 19:43:01 Ҳар ёнда фарёду, ҳар ёнда оҳлар,
Аламли нигоҳлар тополмас шарҳлар...
Қўрқмай бўладими - кўзинг олдида
Замон дурадгори тиғини чарҳлар...

@Xayrulla_Hamidov_adabiyot Ochish/sharhlash

2024-06-18 19:42:01 Ёр ҳажри дастидан оқарди кўз ёш,
Ой менга ачиниб сўзлади сирдош:
“Ҳадеб ёр васлига ошиқаверма,
Қанча яқинлашсам – куйдирар қуёш!”

@Xayrulla_Hamidov_adabiyot Ochish/sharhlash

2024-06-17 19:41:01 Одамлар тарк этди, йиғлайсан нега,
Ҳолингни хор этган кибру ғуборлар?!
... Ёлғиз қоласан-да, кўприк ўрнига
Қурган бўлсанг баланд, қалин деворлар!

@Xayrulla_Hamidov_adabiyot Ochish/sharhlash

2024-06-16 11:08:57 САВОЛ

Ҳаётингда тутгансан мақсад
Тўйдан бошқа яна нимани?
Эшитгансан бошингни серкаб
Куйдан бошқа яна нимани?

Фикр жим-жит, қафасда куйдинг,
Бориб-бориб ўзингдан тўйдинг.
Дўстим, гўзал эркига қўйдинг
Ўйдан бошқа яна нимани?

Икки дунё ораси - девор,
Оч эшикни, ортидан қўйвор.
Осмон қадар қурдинг улуғвор
Уйдан бошқа яна нимани?

Холиқ тутган дунёга келдинг,
Унутдинг ва ўйнадинг-кулдинг.
Аллоҳ учун қурбонлик қилдинг
Қўйдан бошқа яна нимани?

@Xayrulla_Hamidov_adabiyot Ochish/sharhlash

2024-06-15 19:41:01 Кўнгил тўғри бўлса, қайтишлик мумкин
Ёвузликка элтар эгри йўлдан ҳам,
Бироқ кўнгил қурғур сал эгри бўлса,
Фойда йўқ юрмаклик тўғри йўлда ҳам!

@Xayrulla_Hamidov_adabiyot Ochish/sharhlash

2024-06-14 11:38:01 @Xayrulla_Hamidov_adabiyot Ochish/sharhlash