САВОЛ Ҳаётингда тутгансан мақсад Тўйдан бошқа яна нимани? Эши | Xayrulla HAMIDOV ijodi /official

САВОЛ

Ҳаётингда тутгансан мақсад
Тўйдан бошқа яна нимани?
Эшитгансан бошингни серкаб
Куйдан бошқа яна нимани?

Фикр жим-жит, қафасда куйдинг,
Бориб-бориб ўзингдан тўйдинг.
Дўстим, гўзал эркига қўйдинг
Ўйдан бошқа яна нимани?

Икки дунё ораси - девор,
Оч эшикни, ортидан қўйвор.
Осмон қадар қурдинг улуғвор
Уйдан бошқа яна нимани?

Холиқ тутган дунёга келдинг,
Унутдинг ва ўйнадинг-кулдинг.
Аллоҳ учун қурбонлик қилдинг
Қўйдан бошқа яна нимани?

@Xayrulla_Hamidov_adabiyot