2022-08-09 12:52:35
#таклиф
#тадбиркор_саволига_мутасаддидан_жавоб
Ассалому алайкум, ҳурматли обуначилар, азиз тадбиркорлар!
Эртага, 10 август куни соат 11:15 да каминанинг ишхонаси саналмиш Халқаро пресс-клуб
“Тадбиркорлар: иқтисодиётимиз таянчи, ислоҳотларимиз локомотиви, ўсиш нуқтаси драйвери” мавзусида ўзининг навбатдаги сайёр сессиясини ташкил этяпти.
Унда Ўзбекистон Савдо-саноат палатаси раиси
Даврон Ваҳобов, Тадбиркорлик субъектларини ҳуқуқлари ва қонуний манфаатларини ҳимоя қилиш бўйича вакил (Омбудсман)
Дилмурод Қосимов, Инвестиция ва ташқи савдо вазирининг биринчи ўринбосари
Азиз Воитов, Марказий банк раиси ўринбосари
Бобир Абубакиров ҳамда Давлат солиқ қўмитаси раиси ўринбосари
Жаҳонгир Абдиев асосий спикер сифатида, шунингдек, Иқтисодий тараққиёт ва камбағалликни қисқартириш вазирлиги, Молия вазирлиги, Ўзбекистон Республикаси Бош прокуратураси, Энергетика вазирлиги, Транспорт вазирлиги, Давлат божхона қўмитаси, Давлат солиқ қўмитаси ҳузуридаги Кадастр агентлиги ҳамда Монополияга қарши курашиш қўмитаси мутасадди раҳбарлари иштирок этиши кутилмоқда.
Агар ушбу мавзу юзасидан сизни қандайдир савол қизиқтирса ёки бирон таклиф ва мулоҳазаларингиз бўлса, исм-фамилиянгиз, манзилингиз ва ёшингизни кўрсатган ҳолда,
@TungimurojaatBot манзили бўйича юборишингизни сўрайман.
Сиздан келган савол, таклиф ва мулоҳазалар жонли эфир пайтида ўқиб эшиттирилиб, ўша ернинг ўзида соҳага масъул раҳбарларнинг қонуний жавоблари олиб берилади.
Марҳамат, имкониятни қўлдан бой берманг!
@tungifikrlar
9.5K viewsedited 09:52