Турк лирасини қалтироқ тутаяпти: кичик жамғармага эга бўлганла | bakiroo

Турк лирасини қалтироқ тутаяпти: кичик жамғармага эга бўлганлар четроқда тургани яхши

Кеча тундан бошланган жараён ҳалигача якунига етгани йўқ. Турк лираси тийиқсиз маятник сингари ўйнамоқда. Куннинг биринчи ярмида доллар курси 11,37гача қулаган бўлса, тушларга яқин курс яна 14,40гача кўтарилди. Айни дақиқаларда котировкалар 13 атрофида ўтмоқда.

Эрдоган баёнотидан кейин турли платформаларда 1 миллиард доллар атрофида валюта сотилган.

Лекин реаллик шуки, 30%га қараб кетаётган инфлция шароитида 14%лик асосий ставка билан вазиятни узоқ муддат давомида компенсация ваъдаларида ушлаб бўлмайди. Қолаверса бугунги Туркияда фискаль имкониятлар чекланган.

Шунинг учун жиддий экспертлар Эрдоган ваъдаларини "блеф", яъни уйдирма деб аташмоқда.

Бозорда спекулятив атмосфера ҳукмрон. Кичик жамғармага эга субъектлар бундай шароитда доллар олмасликлари ҳам, доллар сотмасликлари ҳам керак бўлади. Маржинколл тўлқинларида фақат йирик спекулянтларгина ютади.