Ташқи савдо ҳажми 2019 йил кўрсаткичидан ўтди Ниҳоят, пандеми | bakiroo

Ташқи савдо ҳажми 2019 йил кўрсаткичидан ўтди

Ниҳоят, пандемия сабаб қисқарган ташқи савдо ҳажми янги даврдаги энг тўқ йил бўлган 2019 йил кўрсаткичларидан ўтди ва 37,9 млрд.долларни ташкил этди.

Ноябрдаги экспортнинг энг катта қисми олтин (1 747 млн.доллар) ва газ (88 млн.доллар) ҳисобига тўғри келган.

Лиранинг кескин қадрсизланганига қарамай, Туркияга экспорт тезлашган (+178 млн.доллар).

Экспорт географиясида ТОП ўнталикда Канада ва Украинага экспортимиз юқори суръатда ошаётгани қувонарли (балки уран сотаётгандирмиз).

Афғонистонга экспорт давом этмоқда (+52 млн.доллар), бир неча ойлик танаффусдан кейин кичик ҳажмда бўлса ҳам импорт юз берган. Толиблар билан савдо муносабатларида тўловлар юз бераётгани ҳақида янгиликлар ҳали йўқ.

Биринчи рақамли импортеримиз, бир неча йиллик етакчи бўлган Хитойни ортда қолдирган Россия бўлиб қолди. Импортимиз таркибида Россия ва янги СССР бўлган ЕОИИнинг улуши, афсуски, шиддат билан ўсмоқда. Балки бу расмийларимизни қувонтираётгандир. Ташқи савдо статистикасида ЕОИИ билан савдо қисмига алоҳида бўлим ажратилган.