TerDU rasmiy kanali

2023-07-20 10:24:09 DIQQAT, E’LON!

Hurmatli TerDU jamoasi, sizga universitet hududida elektr energiyasini yaxshilash maqsadida ta’mirlash ishlari olib borilayotganini ma’lum qilamiz. Shu bois 21-22-23-iyul kunlari TerDU hududida ma’lum vaqt oraligʻida elektr energiyasida uzilishlar kuzatiladi. Shu vaqt davomida sizdan konditsioner va kompyuterlarni tarmoqdan uzib qoʻyishlaringizni soʻraymiz!

Noqulayliklar uchun uzr soʻraymiz!

Bizni kuzatishda davom eting!
———————————————-
Telegram | Instagram | Facebook | You tube| Sayt Ochish/sharhlash

2023-07-20 08:02:55 #qabul2023

Bugun o‘qishga topshirish uchun onlayn ro‘yxatdan o‘tishning so‘nggi kuni!

Abituriyentlar bugun soat 23:59 ga qadar my.uzbmb.uz yoki my.gov.uz saytlari orqali OTMlarining bakalavriat ta’lim yo‘nalishlariga o‘qishga kirish uchun onlayn ro‘yxatdan o‘tishlari, shuningdek, tanlagan ta’lim yo‘nalishlarini o‘zgartirishlari mumkin.

Shuningdek, to‘lovdan ozod qilinganlar toifasiga kirmaydigan abituriyentlar 21-iyul kuni soat 23:59 ga qadar to‘lovni amalga oshirishlari mumkin bo‘ladi.

Hurmatli abituriyentlar!

Ro‘yxatdan o‘tish uchun so‘nggi soatlarni kutmang! Tezroq bir qarorga kelib, imkon boricha ertaroq ro‘yxatdan o‘ting! Test sinovi uchun to‘lovni o‘z vaqtida amalga oshiring!

Ro‘yxatdan o‘tishda tanlov ustuvorligi, maqsadli qabul, ta’lim shakli, ta’lim tili, yo‘nalishlar ketma-ketligi, chet tili va test topshirish hududini tanlashda e’tiborli bo‘ling!

Qabulga doir ma’lumotlar @eduuzuniversalbot'da.

Bizni kuzating
Twitter | Instagram | Facebook | YouTube Ochish/sharhlash

2023-07-04 20:53:02 https://uza.uz/uz/posts/termiz-davlat-universiteti-kelazhakda-malakali-zhurnalistlar-tayyorlashi-mumkin_498117 Ochish/sharhlash

2023-07-04 17:35:33 #MATBUOT_ANJUMANI

Termiz shahridagi Matbuot uyida 2023/2024-oʻquv yilida Termiz davlat universitetida qabul jarayonlariga bagʻishlangan matbuot anjumani tashkil etildi. Unda Termiz davlat universiteti oʻquv ishlari boʻyicha prorektor R.Toʻrayev, kimyo fakulteti dekani H.Toʻrayev, Qabul komissiyasi mas’ul kotibi Abduvohid Safarov, Axborot va ommaviy kommunikatsiyalar agentligi Surxondaryo viloyati hududiy boshqarmasi boshligʻi Z.Toʻrayev hamda OAV xodimlari, jurnalist va blogerlar ishtirok etishdi.

Unda taʼkidlanganidek, Termiz davlat universitetiga 2023/2024-oʻquv yili uchun Termiz davlat universitetining bakalavriat taʼlim yoʻnalishlariga (kunduzgi) jami  2000 nafar, shu jumladan davlat granti asosida 470 nafar, toʻlov-shartnoma asosida 1530 nafar, sirtqi taʼlim shakliga jami 725 nafar toʻlov-shartnoma asosida qabul kvotalari tasdiqlangan. Joriy yilda Magistratura mutaxassisliklariga bir marta hujjatlar qabul qilinib, 185 nafar davlat granti asosida qabul kvotasi tasdiqlangan. Ikkinchi va undan keyingi oliy taʼlimga kunduzgi va sirtqi taʼlim shakllari boʻyicha jami 600 nafar qabul kvotasi rejalashtirilgan.

Anjuman soʻngida ishtirokchilar qabul jarayonlariga oid barcha savollariga batafsil javob olishdi.

Bizni kuzatishda davom eting!
———————————————-
Telegram | Instagram | Facebook | You tube| Sayt Ochish/sharhlash

2023-07-04 16:24:21 #Qonunchilik_yangiliklari

So‘nggi 6 yillik baholar OTMlarga joriy yilgi qabulda inobatga olinmaydi

Prezidentning “O‘zbekiston Respublikasi Prezidentining ayrim hujjatlariga o‘zgartirish va qo‘shimchalar kiritish, shuningdek, ba’zilarini o‘z kuchini yo‘qotgan deb hisoblash to‘g‘risida”gi PF–107-son farmoni qabul qilindi.

Mazkur farmon bilan davlat rahbarining PF-213-son farmoniga kiritilgan qo‘shimchaga ko‘ra, Qoraqalpog‘istonda doimiy yashaydigan hamda umumiy o‘rta, o‘rta maxsus va professional ta’lim tashkilotlarini tamomlagan yoshlar uchun 2023/2024-o‘quv yilida davlat granti asosida qo‘shimcha 3 000 ta o‘rin ajratiladi.

Shuningdek, Prezidentning PF-6108-son farmoniga kiritilgan o‘zgartirishga ko‘ra majburiy 11 yillik ta’limning so‘nggi 6 yillik baholari o‘rtacha ko‘rsatkichini oliy ta’lim tashkilotiga kirish imtihonlarida inobatga olish 2 yilga uzaytirildi.

Bunda joriy yilda majburiy 11 yillik ta’limning so‘nggi 6 yillik baholari oliy ta’lim tashkilotlariga kirish imtihonlarida inobatga olinmaydi.

Bizni kuzating
Twitter | Instagram | Facebook | YouTube Ochish/sharhlash

2023-07-04 16:24:21 #qabul2023

magistr.edu.uz platformasi orqali ariza topshirish bo‘yicha videoyo‘riqnoma

Eslatma: hujjatlarni qabul qilish 30-iyulga qadar (shu kuni ham) davom etadi.

Sertifikatlar ro‘yxati

Bizni kuzating
Twitter | Instagram | Facebook | YouTube Ochish/sharhlash

2023-07-04 16:24:21 #qabul_2023
#magistratura_kvota

MAGISTRATURAga qabul boʻyicha turdosh oliy taʼlim yoʻnalishlari roʻyxati

Siz, mazkur roʻyxatdan qaysi taʼlim yoʻnalishi boʻyicha davlat OTM MAGISTRATURASIga qabul boʻyicha turdosh oliy taʼlim yoʻnalishlari mosligini bilib olishingiz mumkin.

Shuningdek:

respublikada belgilangan tartibda tashkil etilgan xorijiy davlatlar OTM yoki filiallari hamda nodavlat OTM bitiruvchilari mos (muvofiq) ta’lim yo‘nalishlari bo‘yicha tanlovda qatnashadi;
turdosh ta’lim yo‘nalishlari ro‘yxatiga kirmagan yo‘nalishlar bitiruvchilari faqat shu ta’lim yo‘nalishi mutaxassisliklari bo‘yicha tanlovda qatnashadi.

Kvotalar to‘liq @eduuzuniversalbot'da

Bizni kuzating
Twitter | Instagram | Facebook | YouTube Ochish/sharhlash

2023-07-04 16:24:21 #qabul_2023
#magistratura_kvota

Magistratura bo‘yicha qabul kvotasi

Davlat komissiyasi bayoni bilan 2023/2024-o‘quv yilida respublika oliy ta’lim muassasalari magistraturasiga oʻqishga qabul qilish parametrlarining mutaxassisliklar va oʻqitish tillari boʻyicha taqsimoti.

JAMI: 17 128 nafar;
Davlat granti: 8 938 nafar;
Kontrakt: 8 190 nafar.

Kvotalar to‘liq @eduuzuniversalbot'da

Bizni kuzating
Twitter | Instagram | Facebook | YouTube Ochish/sharhlash

2023-07-04 16:24:20 #qabul2023

Chet tilidan kasbiy (ijodiy) imtihon o‘tkaziladigan ta’lim yo‘nalishlari ro‘yxati tasdiqlandi

Mazkur ta’lim yo‘nalishlariga kirish uchun chet tilidan kasbiy (ijodiy) imtihonlar B1 darajasi formati va baholash mezonlari asosida o‘tkaziladi.

Chet tilidan kasbiy (ijodiy) imtihon topshirgan abituriyentlarga OTMlarga kirish test sinovlarida chet tili fanidan belgilangan maksimal ballga nisbatan foiz hisobida tabaqalashtirilgan (proporsional) ball beriladi.

Chet tilidan kasbiy (ijodiy) imtihon topshiriladigan yo‘nalishlarni tanlagan abituriyentlarga faqat yuqorida keltirilgan 8 ta OTMning tegishli ta’lim yo‘nalishlari doirasida beshtagacha ta’lim yo‘nalishlarini tanlash imkoniyati beriladi.

Bunda, chet tili fanidan kasbiy (ijodiy) imtihon topshiradigan abituriyentlarga chet tili fanidan test sinovlari topshiriladigan ta’lim yo‘nalishlarni tanlashga yo‘l qo‘yilmaydi.

Kvotalar to‘liq @eduuzuniversalbot

Bizni kuzating: @eduuz Ochish/sharhlash

2023-07-04 16:24:20 #qabul2023

Harbiy tavsiyanomaga ega bo‘lganlar uchun qo‘shimcha 5 %li qabul ko‘rsatkichlari taqsimoti

Davlat komissiyasining bayoni bilan O‘zbekiston Respublikasi Qurolli Kuchlari safida muddatli harbiy xizmatni o‘tab, harbiy qism qo‘mondonligining tavsiyanomalariga ega bo‘lganlar uchun qo‘shimcha besh foizli qabul ko‘rsatkichlarining oliy ta’lim muassasalari va ta’lim shakllari kesimidagi taqsimoti tasdiqlandi.

Unga ko‘ra, harbiy qism qo‘mondonligining tavsiyanomalariga ega bo‘lganlar uchun respublika bo‘yicha jami 9 506 ta qo‘shimcha kvota ajratildi. Ta’lim shakllari kesimida:

kunduzgi ta’lim shakli uchun – 6 356 ta (davlat granti asosida - 1 746 ta, to‘lov-kontrakt asosida - 4 610);
sirtqi ta’lim shakli uchun – 2 453 ta (to‘lov-kontrakt asosida);
kechki ta’lim shakli uchun – 556 ta (to‘lov-kontrakt asosida);
masofaviy ta’lim shakli uchun – 141 ta (to‘lov-kontrakt asosida).

Kvotalar to'liq @eduuzuniversalbot

Bizni kuzating: @eduuz Ochish/sharhlash