Rasul Kusherbayev

2024-05-18 17:44:33 Ҳеч ким суд қарорисиз ва қонунга зид тарзда уй-жойидан маҳрум этилиши мумкин эмас!

Сенат томонидан Уй-жой кодексига, «Ер участкаларини компенсация эвазига жамоат эҳтиёжлари учун олиб қўйиш тартиб-таомиллари тўғрисида»ги қонунга ҳамда Шаҳарсозлик кодексига ўзгартириш ва қўшимчалар киритиш масаласи кўриб чиқилди.
 
Қонунда ҳеч ким суднинг қарорисиз ва қонунга зид тарзда уй-жойидан маҳрум этилиши мумкин эмаслиги кўзда тутилган.
 
Уй-жойидан маҳрум этилган мулкдорга уй-жойнинг қиймати ҳамда у кўрган зарарларнинг ўрни олдиндан ҳамда тенг қийматда қопланиши таъминланиши белгиланмоқда.
 
Шаҳарсозлик кодексига сел ва кўчки хавфи мавжуд бўлган ҳудудларда бинолар ва иншоотларни лойиҳалаштиришни таъқиқланиши белгиланган янги норма киритилмоқда.

@r_kusherbayev Ochish/sharhlash

2024-05-18 12:43:39 Сенат «Ўзбекистон Республикаси Солиқ кодексининг 227-1-моддасига ўзгартириш киритиш тўғрисида»ги Қонунни қабул қилди.

Қонун билан Солиқ кодексига фискал ҳуқуқбузарликлар содир этганлик учун қўлланиладиган молиявий санкциялар камайтирилишини назарда тутувчи қўшимчалар киритилмоқда.

Эндиликда фискал тартиб-қоидаларга оид ҳуқуқбузарликлар биринчи марта содир этилганда жарима миқдори охирги ҳисобот чорагида олинган соф тушумнинг икки фоизини ташкил этади.

@r_kusherbayev Ochish/sharhlash

2024-05-18 11:06:26 Ochish/sharhlash

2024-05-18 10:13:09 2024 йил 12-22 май кунлари UDEA ЎзР тижорат банклар раҳбар ходимлари учун АҚШ, Вашингтонда бўлиб ўтувчи “Экспорт назорати ва иқтисодий санкциялар” профессионал курсини ташкил этди.

Америка Университети билан ҳамкорликда ташкил қилинган ушбу 10 кунлик профессионал курс тижорат банк раҳбар ходимлари малакасини оширишга қаратилган ва ҳозирда АҚШ, Вашингтон шаҳрида бўлиб ўтмоқда.

Иштирокчилар қуйидаги модуллар бўйича ўз малакаларини оширишмоқда:
— Экспорт назоратининг қоидалари;
— Экспорт назорати ва иқтисодий санкциялар;
— Хорижий активлар назорати ва иқтисодий санкциялар;
— Экспертиза ва хавфларни камайтириш стратегиялари.

Курсда Халқаро ҳисоб-китоблар банки (BIS), Мудофаа савдосини назорат қилиш бошқармаси (DDTC) ва Хорижий активларни назорат қилиш бошқармаси (OFAC) каби ҳамкор ташкилотлар мутахассислари иштироки ҳам кўзда тутилган.

Ушбу курсда Республикамиздаги бир қатор етакчи "Агробанк" АТБ, "Алоқабанк" АТБ, "Трастбанк" АТБ, "Туронбанк" АТБ, "Asia Alliance Bank" АТБ ва "Бизнесни ривожлантириш банки" АТБ каби тижорат банк раҳбар ходимлари иштирок этишмоқда.

UDEA’нинг ушбу ташаббуси ЎзР миллий банк тизимини янги босқичга олиб чиқишдаги муҳим қадамдир. Бу каби молия секторини ривожлантиришга қаратилган қисқа муддатли курслар UDEA томонидан доимий тарзда ташкиллаштириб борилади.

Сиз ҳам мутахассис сифатида ўз малакангизни оширишни истасангиз, бизнинг курсларимизга ҳужжат топширинг.

Батафсил:
udea.uz | Telegram | Instagram | +998788880800 Ochish/sharhlash

2024-05-17 16:21:38 Тошкент вилоятида дарахт кесган фуқаро суд ҳукми билан 2 йил муддатга озодликдан маҳрум этилди.

Фуқаро томонидан Ўртачирчиқ тумани, Машъал маҳалласи ҳудудидаги 5 та кўп йиллик шарқ чинори ноқонуний кесилиши натижасида ўсимлик дунёсига 247.180.000 сўмлик моддий зарар етказилган.

@r_kusherbayev Ochish/sharhlash

2024-05-17 15:53:17 Тиббиётчилар дарди: бизни маошимизни кейинги ойда қўшиб берармиш

Ассалому алайкум ўртоқ Кушербоев!

Биз Тошкент вилояти, Чиноз тумани тез тиббий ёрдам ходимлари сизга мурожаат қилишга мажбур бўлдик.

Бизни ишхонамиз 2022 йил сўнгида Нурафшон шаҳрига Республика Тез тиббий ёрдам марказига бириктирилган.

Масофа узоқ. Бухгалтериямиз ҳам Нурафшон шаҳрида жойлашган.

Апрель ойи учун бериладиган маошларимиз баъзи сабабларга кўра 15 кунга кечикди. Лекин айрим ходимларимизга, жумладан менга ҳам ойлик маошим тушмади.

Апрель ойида аванс ҳам тушмаган. Бухгалтеримизга телефон қилсак жавоб бермайди. Бухгалтеримизни айтишига кўра, бизни маошимизни кейинги ойда қўшиб берармиш.

Кейинги ойгача кредитларимиз, комунал тўловлар нима бўлади? Илтимос бизга амалий ёрдам беришингизни сўраймиз.

Чиноз тез тиббий ёрдам ходимлари номидан тиббиёт ходими Фарход Мавлянов

@Kusherbayevga_murojaat Ochish/sharhlash

2024-05-17 13:00:00 "Ўзсувтаъминот" АЖ бошқаруви раиси вазифасини бажарувчи Азимов Дилшод Суръатович лавозимидан озод этилди.

Сабаби номаълум.

@r_kusherbayev Ochish/sharhlash

2024-05-17 10:10:38 Халқ муаммолари Президент ва парламентга етиб бормаяптими?

Хотиралар қисқа. Шу боис масъулларга тўрт йил олдинги ушбу видеони яна бир бор эслатмоқчимиз. Балки улар эсдан чиқаргандир, аммо жамоатчилик унутмади, ҳамон кутаяпти.

Видеода давлат раҳбари томонидан илгари сурилган ажойиб ғоя ва ташаббус ҳақида гап боради.

Афсуски халқ ва жамоатчилик фикрини эшитишга, халқ дардини Президентга етказишга ва коррупцияга қарши курашда ёрдам берадиган ушбу ташаббус ҳамон амалга ошмади. Бу борадаги Президент Фармони бажарилмаяпти.

Бунчалик очиқ ва ошкора тарзда Президент ташаббуси, Фармонини бажармаслик Ўзбекистон тарихида кузатилмаган бўлса керак.

Бундан келиб чиқадики, демак халқ дардини бугун Президентга ҳам парламентга ҳам етказадиган кўприк йўқ.

Яна ўша савол: жамоатчилик палатасига нима бўлди, Президент фармони қачон бажарилади?

@r_kusherbayev Ochish/sharhlash

2024-05-16 19:29:40 Ochish/sharhlash

2024-05-13 14:50:10 Электр ва газ ҳисоблагичлар кимнинг ҳисобидан қўйилади?

@r_kusherbayev Ochish/sharhlash