O'qituvchiga imkoniyatlar!

2022-08-30 22:21:06 ​ Muqobil malaka oshirish shakllari roʻyxati tasdiqlandi!

Xalq taʼlimi sohasida samarali faoliyat yuritayotgan, oʻquvchilari yuqori natijalarni koʻrsatgan, oʻz ustida doimiy ishlaydigan oʻqituvchi pedagoglarni qoʻllab-quvvatlash taʼlim tizimi samarasi va kelajagi uchun nihoyatda muhimdir.
Shu maqsadda, Xalq taʼlimi vazirligi tomonidan Uzluksiz kasbiy rivojlantirish tizimida muqobil malaka oshirish shakllari roʻyxati va ularga beriladigan kredit ballari tasdiqlandi.
Quyida koʻrsatilgan malaka oshirishning muqobil shakllariga platforma tomonidan tegishli ekvivalentdagi kredit ballari taqdim etiladi

1.Mutaxassislik fani boʻyicha darslik muallifi - 54 kredit

2.Xalqaro olimpiadalar gʻoliblarini tayyorlash - 54 kredit

3.Ilmiy daraja olish uchun doktorlik dissertatsiyasini himoya qilish - 54 kredit

4.“Ustoz-shogird” tizimida kamida bir nafar ilmiy darajali oʻqituvchini tayyorlash - 36 kredit

5.“Xalq taʼlimi aʼlochisi” yoki “Xalq taʼlimi fidoyisi” mukofotiga sazovor boʻlish - 36 kredit

6.Faxriy unvon yoki davlat mukofotiga sazovor boʻlish - 36 kredit

7.“Ustoz” tanlovi Respublika bosqichi gʻolibi boʻlish - 36 kredit

8.Respublika olimpiadalari gʻoliblarini tayyorlash - 36 kredit

9.“Oʻzbekiston barkamollik uchun taʼlim” dasturi loyihasi doirasida tashkil etilgan treninglarda ishtirok etgan oʻqituvchilarning malaka oshirganlik toʻgʻrisidagi sertifikati - 18 kredit

10.American Council courses / Xalqaro taʼlim boʻyicha Amerika Kengashlari kurslarida oʻqish

(ESN loyihasi doirasida) - 9 kredit

11.British Council courses/ Britaniya Kengashi kurslarida oʻqish (Future English in Uzbekistan loyihasi doirasida) - 9 kredit

12.Milliy va xalqaro taʼlim kurslarida (Coursera, Udemy, Udacity, Edx va boshqalar) muvaffaqiyatli oʻqish - 9 kredit

13.Xorijiy tillar boʻyicha kamida S1 darajadagi milliy yoki unga mos darajadagi xalqaro sertifikat (IELTS, TOEFL, DAF, TCF va boshqalar)ga ega boʻlish - 9 kredit

14.Xalqaro indeksatsiyalangan bazalarda (Scopus, Web of Science) eʼtirof etilgan jurnallarda maqola nashr etish - 9 kredit

15.Xalqaro ilmiy anjuman (seminar, konferensiya, simpozium va boshqa)larda maʼruza bilan ishtirok etish - 4 kredit

16.Respublika taʼlim markazi huzuridagi fan boʻyicha ilmiy-metodik kengash aʼzosi sifatida faoliyat koʻrsatish - 4 kredit

17.Respublika miqyosidagi ilmiy anjuman (seminar, konferensiya, simpozium va boshqa)larda maʼruza bilan ishtirok etish - 2 kredit

Manba

https://t.me/Oqituvchigaimkoniyatlar Ochish/sharhlash

2022-08-30 18:57:13 4-КУРС ТАЛАБАСИ МАКТАБДА ПСИХОЛОГ ЛАВОЗИМИДА ИШЛАШИ МУМКИНМИ?

Ўзбекистон Республикаси Халқ таълими вазирлигининг 07.12.2019 йил 393-сонли буйруғига асосан умумтаълим мактабларида психолог лавозими учун камида бакалавр даражасидаги психологик ёки олий маълумот ва унга қўшимча психология йўналиши бўйича қайта тайёрлов курсини тугатганликни тасдиқловчи дипломли бўлиш каби малака талаблари белгиланган.

Шунингдек, Вазирлар Маҳкамасининг  646-сонли қарори билан Вазирлар Маҳкамасининг 275-сонли қарори билан тасдиқланган “Халқ таълими ходимлари меҳнатига ҳақ тўлаш тўғрисида”ги низомнинг 8-бандига ўзгартириш киритилган.

Унга кўра олий таълим муассасасининг 4-курсида, педагогика йўналишларида кундузги, кечки, сиртқи бўлимларининг 3-курсида ўқиётган шахслар педагоглик ишини амалга ошириш учун қўйилиши мумкин ва уларга ўрта махсус, касбий маълумотга эга бўлган тегишли лавозимдаги ходимнинг базавий тариф ставкаси сингари базавий тариф ставкаси белгиланади.

Шу қоидага кўра 4-курс талабаси мактабда психолог лавозимида ишлаши мумкин.

https://t.me/Oqituvchigaimkoniyatlar Ochish/sharhlash

2022-08-30 18:48:41 Ўқитувчиларга дарс соатлари уларнинг кўрсаткичларига қараб тақсимланади

Мактаб ўқитувчиларига дарс соатлари қуйидаги кўрсаткичларнинг устувор кетма-кетлиги асосида тақсимланади:

— халқаро олимпиадалар ғолибларини тайёрлаган ўқитувчилар;
— ўқитувчи бўлиб ишлаётган халқаро олимпиадалар ғолиблари;
— халқаро сертификатларга эга ўқитувчилар;
— TOP-1000 университетлардан бирини битирган ўқитувчилар;
— асосий олимпиадаларнинг республика босқичи ғолибларини тайёрлаган ўқитувчилар;
— ўқитувчи бўлиб ишлаётган асосий олимпиадаларнинг республика босқичи ғолиблари;
— республика босқичидаги кўрик танловларда (йил ўқитувчиси) совринли ўринларга эга бўлган ўқитувчилар;
— олий малака тоифасига эга ўқитувчилар;
— биринчи малака тоифасига эга ўқитувчилар;
— асосий олимпиадаларнинг вилоят ва туман босқичи ғолибларининг ўқитувчилари;
— иккинчи малака тоифага эга ўқитувчилар;
— педагогик йўналиш бўйича магистр даражасига эга ўқитувчилар;
— ўз фанидан ўтказилган синовлар натижаси бўйича аъло баҳоларга эга ўқитувчилар;
— олий маълумотли тоифасиз ўқитувчилар;
— қайта тайёрлаш бўйича дипломга эга ўқитувчилар;
— ОТМнинг педагогик йўналиш бўйича битирувчи босқич талабалари;
— педагогик йўналиш бўйича хорижий давлатларнинг олийгоҳларини битирган, бироқ дипломи тан олинмаган ўқитувчилар;
— ўрта махсус, профессионал маълумотга эга ўқитувчилар;
— умумтаълим муассасасининг тегишли мутахассислиги бўйича раҳбар ходимлари.

Умумтаълим муассасасининг педагогик кенгаши томонидан дарс соатлари қайта тақсимланиши мумкин.

https://t.me/Oqituvchigaimkoniyatlar Ochish/sharhlash

2022-08-30 13:17:55 Имтиёзга эга абитуриентлар учун қўшимча қабул параметрлари маълум бўлди

Абитуриентларнинг:
176 мингдан зиёди — умумий қабул параметрлари доирасида;
13 мингдан зиёди — имтиёзга эга абитуриентлар учун ажратилган қўшимча қабул параметрлари доирасида талабаликка тавсия этилган.

Имтиёзга эга абитуриентларнинг:
3,2 минг нафари ногиронлиги бўлган шахслар;
272 нафари “Меҳрибонлик” уйи, Болалар шаҳарчаси битирувчилари бўлган ҳамда васийликка, ҳомийликка ёки оилага тарбияга олинган (патронат) етим болалар;
4,7 минг нафари муддатли ҳарбий хизматни ўтаб, ҳарбий қисм қўмондонлигининг тавсияномасига эга бўлганлар;
1,9 минг нафари ҳарбий хизматчиларнинг фарзандлари;
739 нафари Ички ишлар органларининг амалдаги ходимлари фарзандлари;
1,9 минг нафари эҳтиёжманд оилалардаги хотин-қизлар;
379 нафари камида 5 йил иш стажига эга хотин-қизлардир.

https://t.me/Oqituvchigaimkoniyatlar Ochish/sharhlash

2022-08-30 10:47:50 Байрам муносабати билан пенсия тўловлари олдиндан юклаб берилади

Пенсия ва нафақа тўловларини нақд пулсиз (банк карта) шаклда олувчи фуқароларнинг жорий йил сентябрь ойи учун пенсия ва нафақалари 2022 йил 1 сентябрга қадар уларнинг банк пластик карталарига юклаб берилади.

Пенсия ва нафақа тўловларини нақд шаклда олувчи фуқароларга жорий йилнинг 5 сентябридан бошлаб тасдиқланган графиклар асосида тўловлар бошланади.

https://t.me/Oqituvchigaimkoniyatlar Ochish/sharhlash

2022-08-30 07:48:17 Ўзбекистонда 2022-2023 ўқув йилидан бошлаб базавий контракт асосида ўқишга кирган хотин-қизларга контрактларини тўлаш учун 7 йилга фоизсиз кредит берилади

Шунингдек, ушбу ўқув йилидан бошлаб докторантурага хотин-қизлар учун ҳар йили камида 300 тадан мақсадли квота ажратиб борилади;

Қайд этилишича, хотин-қизлар учун ажратиладиган грантлар сони келгуси йилларда 3 бараварга оширилиб, 6 мингтага етказилади.

Davlat Test Markazi

https://t.me/Oqituvchigaimkoniyatlar Ochish/sharhlash

2022-08-30 06:27:25 МАЛАКАЛИ ПЕДАГОГ КАДРЛАР ВА ИЛҒОР ХОДИМЛАРГА
5 060 000 СЎМ МИҚДОРИДА ПУЛ МУКОФОТИ БЕРИЛАДИ

Вазирлар Маҳкамасининг 2022 йил 2 августдаги 425-сон қарори билан тасдиқланган “Халқ таълими вазирининг жамғармаси тўғрисида”ги Низомнинг 10 бандига асосан бир марталик пул мукофотини олиш ҳуқуқига эга бўлган илғор ходимлар рўйхати Ўзбекистон Республикаси халқ таълими вазири томонидан тасдиқланади.

Бунда илғор ходимлар тўғрисидаги маълумотлар Ишчи гуруҳ томонидан шакллантирилади ва Ўзбекистон Республикаси халқ таълими вазирига тақдим этилади.

Низмонинг 11 бандига кўра бир марталик пул мукофоти меҳнатга ҳақ тўлашнинг энг кам миқдорининг 5,5 баравари миқдорида тўланади.

Бугунги кунда меҳнатга ҳақ тўлашнинг энг кам миқдори 920 000 сўмни ташкил этади.

https://t.me/Oqituvchigaimkoniyatlar Ochish/sharhlash

2022-08-29 20:06:27 Хурматли ЎИБДЎлар ва тарих фани ўқитувчилари диққатига битта эълонимиз бор.

Фанлар академияси тарих институти таклифлари ва кўплаб тарих фани ўқитувчиларининг таклифига кўра Миллий ўқув дастурида бу йил яратилаётган тарих дарсликларимиз мавзу хажми, Республика таълим марказининг илмий методик кенгаши қарорига кўра бу ўқув йилидан Ўзбекистон тарих фани хафтасига 2 соатдан, Жахон тарихи хафтасига 1 соатдан қилиб (жами 3 соат) ўтишлари лозим.

Маълумки, авваллари Ўзбекистон тарихи хам, Жахон тарихи ҳам хафтасига 1,5 соатдан (жами 3 соат) эди. Эндиликда ўқувчиларимиз жонажон Ўзбекистонимиз тарихини янада кўпроқ билишлари имконияти янги дарсликларимизда катта урғу берилмоқда.

https://t.me/Oqituvchigaimkoniyatlar Ochish/sharhlash

2022-08-29 19:32:10 EʼLON!

SAMARQAND SHAHRI AHOLISI DIQQATIGA!

Xabaringiz bor, joriy yil sentabr oyida mamlakatimizda Shanxay hamkorlik tashkiloti davlat rahbarlarining oliy darajadagi navbatdagi Sammiti, shuningdek qator хorijiy mamlakat rahbarlarining rasmiy tashriflari boʻlib oʻtadi.

Mazkur jarayonlar va tadbirlar oʻtkaziladigan hududlarga yaqin joylarda jamoat tartibini saqlash va xavfsizlikni taʼminlash, shuningdek, aholiga qulay sharoitlarni yaratish maqsadida Samarqand shahridagi umumiy oʻrta taʼlim muassasalarida oʻquv jarayonlari joriy yilning 19-sentabr sanasidan boshlanishini maʼlum qilamiz.

Samarqand shahridagi maktab oʻquvchilarining qoldirilgan dars soatlari oʻquv yili davomida taʼtillar hisobidan toʻldiriladi.

https://t.me/Oqituvchigaimkoniyatlar Ochish/sharhlash

2022-08-29 17:21:57 ​​#Диққат, тезкор
Молия вазирлигининг хабар беришича "Очиқ бюджет" ахборот портали жорий йилнинг 1 сентябр куни соат 18-00 га қадар фаолият юритмайди.

"Ҳурматли фуқаролар!
Аввал ҳам хабар берганимиздек, "Очиқ бюджет" ахборот порталида профилактика ишлари амалга оширилаётганлиги сабабли Портал фаолияти 29 август соат 18-00 га қадар тўхтатилган эди.
Хозирда Порталда техник ишларни амага ошириш давом этаётганлиги жумладан, Ташаббусли бюжет жараёнларида фуқаролар учун Портални сифатли фаолият юритишини таъминлаш мақсадида барча чоралар кўрилаётганлиги сабабли, Профилактика ишлари жорий йилнинг 1 сентябр соат 18-00 га қадар давом этишини маълум қиламиз.
Юзага келган ноқулайликлар учун узр сўраймиз ҳамда Ташаббусли бюджет жараёнларидаги иштирокингиз учун миннатдорчилик билдирамиз" - дейилади хабарда.

Нима ҳам дердик, кутамиз.
Энг сўнгги янгиликлар - фақат бизда.


https://t.me/Oqituvchigaimkoniyatlar Ochish/sharhlash