2022-07-21 02:17:17
#sheriyat__time
#faxrimnavouz
,, Pulingga dõst odamlar "
Do‘stman deb gerdayib turarlar,
Boy bo‘lsang qulluqlar qilarlar,
Yo‘g‘ingda ustingdan kularlar,
Pulingga do‘st bo‘lgan odamlar.
Daxli yo‘q zarracha iymonga,
Yov qochsa chiqarlar maydonga
Shaytonga dars berar shaytonga,
Pulingga do‘st bo‘lgan odamlar.
Yig‘lasang ko‘z yoshing artarlar,
Ortingdan sirlaring sotarlar,
Aslida dushmandan battarlar,
Pulingga do‘st bo‘lgan odamlar.
Mansabing kerakdir ularga,
Davlating kerakdir ularga,
Tayyordir it bo‘lib hurarga,
Pulingga do‘st bo‘lgan odamlar.
Tinching yo‘q ularning dastidan,
Boqarlar ko‘zlarin ostidan,
Niqobi ilonning po‘stidan,
Pulingga do‘st bo‘lgan odamlar.
Vijdoni kar ular,qalbi ko‘r,
Iymonin o‘ragan parda,to‘r,
Yolg‘ondan bir g‘arib bo‘lib ko‘r,
Pulingga do‘st bo‘lgan odamlar,
Yoningda do‘st bo‘lib turarlar,
Boy bo‘lsang qulluqlar qilarlar,
Yo‘g‘ingda ustingdan kularlar,
Pulingga do‘st bo‘lgan odamlar.
Xurshid Karim .
( Chin haqiqatni yozibdida )
@mushtariybonu_official_777
@faxrimnavo
45 viewsMushtariybonu_official_777, 23:17