2022-09-13 19:08:03
#sheriyat_time
#faxrimnàvouz
ESLAMASAM ESLAMAGANLAR
Birozgina ko‘rinmay qolsam,
Qayda deya izlamaganlar.
Qadrim deya o‘zimni olsam,
Eslamasam eslamaganlar.
Og‘ir botdi ko‘ngilga juda,
Quvonibman essiz behuda,
Odamlarning bo‘lishi shuda,
Eslamasam eslamaganlar.
Tun ham o‘tdi mana tong otib,
Yo‘qlashmadi o‘zidan ortib,
Sezmadilar hatto yo‘qotib,
Eslamasam eslamaganlar.
Uyalmas ko‘z tushganda ko‘zga,
Zabonlar jim hojat yo‘q so‘zga,
Sira qoyil qolmadim sizga,
Eslamasam eslamaganlar.
O‘ylashmadi borligimni hech,
Shirin so‘zga zorligimni hech,
Kutdim sizni bo‘lsa hamki kech,
Eslamasam eslamaganlar.
O‘ylang ahir borim edingiz,
Yurakdagi zorim edingiz,
Qutilolmay turganmidingiz,
Eslamasam eslamaganlar.
Sizlarni zo‘r o‘zni zor aylab,
Nima topdim sizni avaylab,
Qadrim sinay desam ataylab,
Eslamasam eslamaganlar.
Meni deya ko‘zingiz nammi,
Quvonch emas berganim g‘ammi,
Chindan sizga ortiqchamanmi,
Eslamasam eslamaganlar.
Balki sizga bermasman yordam,
Biror joyda teg‘masdur foydam,
Shu ishingiz qildi ko‘p alam,
Eslamasam eslamaganlar.
Qarashingiz sovuq bunchalar
Qahratonda qotgan muzchalar,
Bezdingizmi mendan shunchalar,
Eslasam ham eslamaganlar.
Komila Qiz
T.me/faxrimnavouz
@mushtariybonu_official_777
@faxrimnavo
471 viewsMushtariybonu_official_777, 16:08
U
