📚 КУНЛИК ҲАДИС | Расмий канал 🌙

2023-04-17 06:10:13 ИБРОҲИМ АЛАЙҲИССАЛОМ ДУОСИ

Қадр кечаларида фарзандларимизни кўп-кўп дуо қилайлик. Энг яхши дуо:

رَبِّ ٱجۡعَلۡنِي مُقِيمَ ٱلصَّلَوٰةِ وَمِن ذُرِّيَّتِيۚ رَبَّنَا وَتَقَبَّلۡ دُعَآءِ (٤٠) رَبَّنَا ٱغۡفِرۡ لِي وَلِوَٰلِدَيَّ وَلِلۡمُؤۡمِنِينَ يَوۡمَ يَقُومُ ٱلۡحِسَابُ (٤١)

“Роббижъалний муқиймассолаати ва мин зуррийятий роббанаа ва тақоббал дуъаа, роббанағфир лий ва ливаалидайя ва лил му’минийна явма яқуумул ҳисааб”.

“Эй Роббим! Мени ва зурриётимни намозни тўкис адо этадиганлардан қилгин. Эй Роббимиз! Дуони қабул этгин”.
“Эй Роббимиз! Мени, ота-онамни ва мўъминларни ҳисоб қилинадиган куни мағфират айлагин”.

(Иброҳим сураси, 40 — 41–оят).

KУНЛИК ҲАДИС Ochish/sharhlash

2023-04-16 18:10:36 #Эслатма #Рамазон

Қадр кечасида қилинган садақа 84 йиллик садақадан афзал.

Қадр кечасида қилинган бир ракат намоз 84 йиллик намоздан афзал.

Қадр кечасида қилинган битта зикр 84 йиллик зикрдан афзал.

Қанчалар буюк имконıят қўлингизда, бой бериб қўйманг биродарим !!!

KУНЛИК ҲАДИС Ochish/sharhlash

2023-04-16 09:08:38 Диний масалада саволингиз борми? Илм аҳлидан сўранг:

@ImomgaSavol_Onqorgon_Bot (бот расмий)

«Ўнқўрғон» жомеъ масжиди имомлари Ochish/sharhlash

2023-04-16 04:11:30 ҚАЗО РЎЗАДАН ОЛДИН ШАВВОЛ ОЙИНИНГ РЎЗАСИ
#рўза #шаввол

CАВОЛ: Қазо рўзадан олдин шаввол ойининг 6 кунлик рўзасини тутсам бўладими ёки аввал қазони тутишим керакми?

ЖАВОБ: Бисмиллаҳир Роҳманир Роҳим.
Биринчи қазо рўзаларни тутиб олиб, кейин шаввол ойидан 6 кун рўза тутсангиз мақсадга мувофиқ бўлади. Чунки, қазо рўза нафлдан муҳим ва устун ҳисобланади. Шунингдек, қазо рўзаларда ниятни тонг отмасдан аввал қилиб олиш керак. Тонг отгандан кейин ният қилса, рўза дуруст бўлмайди. Валлоҳу аълам.

Ўзбекистон мусулмонлари идораси
Фатво ҳайъати (Fatvo.uz).

•┈┈┈┈•❈••✾••❈•┈┈┈┈•
Ибодат Масалалари Ochish/sharhlash

2023-04-15 18:21:39 #Эслатма #Рамазон

ҚАДР КЕЧАСИ

Бугун 15 апрел шом намозидан кейин Рамазон ойининг охирги ўн кунлигининг тоқ кечаси (25-кеча) бошланди.

Оиша разияллоҳу анҳодан ривоят қилинган ҳадисда Расулуллоҳ саллаллоҳу алайҳи васаллам: «Қадр кечасини Рамазоннинг охирги ўн кечасининг тоқ (кеча)ларидан изланглар» деганлар
( Имом Бухорий ва Имом Муслим ривоятлари).

Рамазон ойининг охирги тоқ кечалари - йигирма биринчи, йигирма учинчи, йигирма бешинчи, йигирма еттинчи ва йигирма тўққизинчи кечаларидир. Ушбу муборак кечалар Лайлатул қадрни топиш учун қулай фурсатдир.

Шундай экан, минг ойдан афзал ушбу кечани ғанимат билиб, уни тоат-ибодат билан ўтказишга ғайрат қилайлик.

Улашинг: @nurli_yol Ochish/sharhlash

2023-04-15 14:00:49 ҚАДР КЕЧАСИ УЧУН МАХСУС НАМОЗ ЙЎҚ

Бу кечада қандай ибодатлар қилинади? Уларнинг махсус кўрсатиб ўтилганлари борми? Қадр кечасида қандай дуоларни қилган афзал?

Шайх Муҳаммад Содиқ Муҳаммад Юсуф «Қадр кечаси учун махсус намоз йўқ», деб таълим берганлар.

Бу кечада қазо намозлар, нафл ва таҳажжуд намозларини ўқиган афзал. Бундан ташқари, Қуръони карим тиловати, Аллоҳни улуғлаб айтиладиган тасбеҳ, истиғфор ва зикрлар, пайғамбаримиз Муҳаммад саллоллоҳу алайҳи васалламга бағишлаб саловат ва дурудлар айтиш улкан ажр-савобларга сабаб бўлади.

Ойша онамиз (розияллоҳу анҳо) ривоят қилади:

«Ё Расулуллоҳ агар Қадр кечасини топишга муваффақ бўлсам нима деб дуо қилай?» деб сўрадилар. Набий соллаллоҳу алайҳи васаллам: «Сен: «Аллоҳумма иннака ъафуввун, туҳиббул ъафва фаъфу ъанний», деб айтгин»,– дедилар»
( Термизий, Ибн Можа ривояти).

Таржимаси: «Ё Аллоҳ, албатта, Сен кечиргувчисан, кечиришни яхши кўрасан. Мени (гуноҳларимни) кечиргин».

Барчаларимизга мана шу кечанинг барокоти, ҳикмати, файзи, саломатлиги, мубораклиги насиб этсин, унда қиладиган ҳар бир амалимизни Аллоҳ таолонинг ўзи даргоҳида қабул қилсин.

KУНЛИК ҲАДИС Ochish/sharhlash

2023-04-15 06:30:23 #Ҳадис_543

АЁЛ КИШИЛАРНИНГ ҚАБРЛАР ЗИЁРАТИГА БОРИШИ


عَن أبي هُرَيْرَة رَضِيَ اللَّهُ عَنْه أَن رَسُول الله صَلَّى اللَّهُ عَلَيْهِ وَسَلَّم قَالَ : " لعن الله زوارات الْقُبُور" . أخرجه التِّرْمِذِيّ

Абу Ҳурайра розиаллоҳу анҳудан ривоят қилинади:

“Расулуллоҳ (ﷺ): “Аллоҳ қабрларни зиёрат қилувчи аёлларни лаънат қилсин”, дедилар”.

Термизий ривояти.

Шарҳ: Ушбу ҳадисда аёл кишиларнинг қабрлар зиёратига бориши яхши эмаслиги қаттиқ таъкидланмоқда. Жумҳур уламолар қабр зиёратига бориб, дод солиб йиғлаган, сабрсизлик қилган ва ношаръий хатти-ҳаракатлар қилган аёлларга лаънат айтиш хосдир, дейдилар. Ҳанафий мазҳаби уламолари эса макруҳ эмас, дейишган ва бунга юқорида биринчи келтирилган ҳадисни далил қилиб оладилар.

Алхойрур-Ромлий: “Агар бунда ўзларини ҳафагарчилик, доимгидек йиғи-сиғиларини, бақир-чақирларини янгилаш учун бўлса жоиз эмас. Агар йиғламасдан қариндош-уруғчилик муҳаббатини эътиборидан, солиҳ кишиларнинг қабрларини зиёрати билан ибратланиш мақсадида борса, ёши ўтган бўлса зарари йўқ, бўйига етган қиз бўлса макруҳ бўлади,”, деб, икки ҳадисни мувофиқлаштирган. Ибн Обидин роҳматуллоҳи алайҳ “Бу гўзал мувофиқлаштириш”, деб эътироф этган.

Аҳмад Иззуддин ал-Байянунийнинг “Таҳорат ва намоз ҳукмлари” китобининг “Қабрларни зиёрат этиш ва улар ҳаққига дуо қилиш” боби 147-саҳифасида қуйидагича келтирган: “Қабрларни зиёрат қилиш эркаклар учун жоиз бўлганидек, агар фитна хавфи бўлмаса, охиратни эслаб, ўлимдан ибрат олиш учун аёллар ҳам зиёратга борсалар жоиз. Агар зиёрат сафар масофасида бўлса, унда, албатта, маҳрам бўлиши шарт”.

Расулуллоҳ (ﷺ) ва бошқа пайғамбарларнинг қабрларини зиёрат қилиш эса бундан мустасно. Аёллар ўзларини юраётган йўлларида бирор қабр учратсалар унинг ҳаққига дуо қилишлари мумкин.

KУНЛИК ҲАДИС | Манба: islom.uz Ochish/sharhlash

2023-04-14 17:01:19 Фарзанд сўраш дуоси...

•┈┈┈┈•❈••✾••❈•┈┈┈┈•
Ибодат Масалалари Ochish/sharhlash

2023-04-14 06:01:45 #Ҳадис_542

ХОЛИ ЖОЙДА БИР ЎЗИ ЯЛАНҒОЧ ҒУСЛ ҚИЛИШ
ЁКИ ТЎСИНИШ ҲАҚИДА. ТЎСИНИШ АФЗАЛ.


وَقَالَ بَهْزٌ: عَنْ أَبِيهِ، عَنْ جَدِّهِ، عَنِ النَّبِيِّ صلي الله عليه وسلم: «اللهُ أَحَقُّ أَنْ يُسْتَحْيَا مِنْهُ مِنَ النَّاسِ». تحفة: 11380 -78/1

Баҳз отасидан, у бобосидан, у Набий (ﷺ)дан ривоят қилиб айтади: «Ҳаё қилинишга одамлардан кўра Аллоҳ ҳақлироқдир».

***

حَدَّثَنَا إِسْحَاقُ بْنُ نَصْرٍ قَالَ: حَدَّثَنَا عَبْدُ الرَّزَّاقِ، عَنْ مَعْمَرٍ، عَنْ هَمَّامِ بْنِ مُنَبِّهٍ، عَنْ أَبِي هُرَيْرَةَ، عَنِ النَّبِيِّ صلي الله عليه وسلم قَالَ: «كَانَتْ بَنُو إِسْرَائِيلَ يَغْتَسِلُونَ عُرَاةً، يَنْظُرُ بَعْضُهُمْ إِلَى بَعْضٍ، وَكَانَ مُوسَى يَغْتَسِلُ وَحْدَهُ، فَقَالُوا: وَاللهِ مَا يَمْنَعُ مُوسَى أَنْ يَغْتَسِلَ مَعَنَا إِلَّا أَنَّهُ آدَرُ، فَذَهَبَ مَرَّةً يَغْتَسِلُ، فَوَضَعَ ثَوْبَهُ عَلَى حَجَرٍ، فَفَرَّ الْحَجَرُ بِثَوْبِهِ، فَخَرَجَ مُوسَى فِي إِثْرِهِ يَقُولُ: ثَوْبِى يَا حَجَرُ. حَتَّى نَظَرَتْ بَنُو إِسْرَائِيلَ إِلَى مُوسَى، فَقَالُوا: وَاللهِ مَا بِمُوسَى مِنْ بَأْسٍ. وَأَخَذَ ثَوْبَهُ، فَطَفِقَ بِالْحَجَرِ ضَرْبًا». فَقَالَ أَبُو هُرَيْرَةَ: وَاللهِ إِنَّهُ لَنَدَبٌ بِالْحَجَرِ سِتَّةٌ أَوْ سَبْعَةٌ ضَرْبًا بِالْحَجَرِ. طرفاه: 3404، 4799 - تحفة: 14708

Абу Ҳурайра розияллоҳу анҳудан ривоят қилинади:

«Набий (ﷺ) бундай дедилар: «Бану Исроил яланғоч чўмилишар ва бир‑бирларига қарайверишар эди. Мусо эса бир ўзи чўмилар эди. Улар: «Аллоҳга қасамки, Мусони биз билан чўмилишдан фақат унинг чурралиги тўсади», дейишди. У бир сафар чўмилгани бориб, кийимини бир тош устига қўйди. Шунда тош унинг кийимларини олиб қочди. Мусо: «Кийимимни бер, эй тош!» дея унинг изидан (чопиб) чиқди. Шунда Бану Исроил Мусони кўриб: «Аллоҳга қасамки, Мусода ҳеч қандай дард йўқ экан!» дейишди. У кийимини олди‑да, тошни ура кетди».
Абу Ҳурайра айтади: «Аллоҳга қасамки, у киши тошни уриб, унда олтита ёки еттита из қолдирган».

***

وَعَنْ أَبِي هُرَيْرَةَ، عَنِ النَّبِيِّ صلي الله عليه وسلم قَالَ: «بَيْنَا أَيُّوبُ يَغْتَسِلُ عُرْيَانًا فَخَرَّ عَلَيْهِ جَرَادٌ مِنْ ذَهَبٍ، فَجَعَلَ أَيُّوبُ يَحْتَثِي فِي ثَوْبِهِ، فَنَادَاهُ رَبُّهُ: يَا أَيُّوبُ، أَلَمْ أَكُنْ أَغْنَيْتُكَ عَمَّا تَرَى؟ قَالَ: بَلَى وَعِزَّتِكَ، وَلَكِنْ لَا غِنَى بِي عَنْ بَرَكَتِكَ». وَرَوَاهُ إِبْرَاهِيمُ عَنْ مُوسَى بْنِ عُقْبَةَ، عَنْ صَفْوَانَ، عَنْ عَطَاءِ بْنِ يَسَارٍ، عَنْ أَبِي هُرَيْرَةَ، عَنِ النَّبِيِّ صلي الله عليه وسلم قَالَ: «بَيْنَا أَيُّوبُ يَغْتَسِلُ عُرْيَانًا». طرفاه: 3391، 7493 - تحفة: 14724، 14224

Абу Ҳурайра розияллоҳу анҳудан ривоят қилинади:

«Набий (ﷺ) бундай дедилар: «Айюб яланғоч чўмилаётган эди, олдига бир тилла чигиртка келиб тушди. Айюб уни кийимига солиб олди. Робби унга: «Эй Айюб, сени кўриб турган нарсангдан беҳожат қилмаганмидим?» деди. «Иззатингга қасамки, шундай қилган эдинг, лекин баракангдан беҳожатлигим йўқ», деди».


KУНЛИК ҲАДИС | Манба: “Олтин силсила” китобидан “Саҳиҳ Бухорий” Ochish/sharhlash

2023-04-13 18:06:45 #Эслатма #Рамазон

ҚАДР КЕЧАСИ

Бугун 13 апрел шом намозидан кейин Рамазон ойининг охирги ўн кунлигининг тоқ кечаси (23-кеча) бошланди.

Оиша разияллоҳу анҳодан ривоят қилинган ҳадисда Расулуллоҳ саллаллоҳу алайҳи васаллам: «Қадр кечасини Рамазоннинг охирги ўн кечасининг тоқ (кеча)ларидан изланглар» деганлар
( Имом Бухорий ва Имом Муслим ривоятлари).

Рамазон ойининг охирги тоқ кечалари - йигирма биринчи, йигирма учинчи, йигирма бешинчи, йигирма еттинчи ва йигирма тўққизинчи кечаларидир. Ушбу муборак кечалар Лайлатул қадрни топиш учун қулай фурсатдир.

Шундай экан, минг ойдан афзал ушбу кечани ғанимат билиб, уни тоат-ибодат билан ўтказишга ғайрат қилайлик.

Улашинг: @nurli_yol Ochish/sharhlash