Alimoff

2024-05-22 08:32:51 Тасаввур қил, кунлардан бир куни такой телеграм қараб ўтирибсан, бировга зараринг теккани йўқ. Шунда контактларингда сақланган, ўзинг танийдиган "Қўшним Ғишмат" деган аккаунтдан сенга личкада ҳавола келади. "Президент 2 та боласи борларга фитфилион сўм пул тарқатяптикан" там "Алишер Усмонов ўз бойлигини сенга қолдирмоқчикан" деган ёзув билан бирга бўлади у ҳавола.

Дарров ховлиқиб ҳаволани босворасан ва аккаунтинг ухлайди, энди сени номингдан бошқаларга шунақа хабарлар келишни бошлайди. Ёки ҳаволага кириб картангни киритасан мўмай даромад орттириш илинжида, в итоге картангдаги ўзингни бор пулингдан ҳам айриласан.

Так вот, машнақа фирибгарлар тузоғига тушиб қолмаслик учун, ИИВ ТҚД Киберхавфсизлик маркази https://www.fake.cyber102.uz веб платформасини яратибди. Бу сайт орқали саҳифа ёки ҳаволанинг ҳақиқий ёки сохта (фейк) эканлигини аниқлаб олиш мумкин экан.

Шубҳали кўринган ҳаволаларни текшириб кўришингиз мумкин. Бу пулли реклама эмас, тавсия. Портал қай даражада зўр ишлашини ҳозирча билмайман, лекин такомиллаштириб боришса керак.

@nurbekalimov Ochish/sharhlash

2024-05-20 19:54:29 Мана бу қўшиқ ва клипни қаранглар. Шартта ўрнингдан туриб, сочингни калга огизиб, армияга кетгинг кеворади.

Бу Қозоғистон қуролли кучлари томонидан ишланган қўшиқ. Мусиқаниям кимсан Грэмми мукофоти соҳиби Иманбек ёзган экан. Такой мощщщный ва дерзкий бит миллий мотивлар билан гўзал уйғунликда.

Машнақа замонавий пропагандалар керак ёшлар орасидаги харбий ватанпарварлик рухини ошириш учун. Қўшиқ номи РУХ.

@nurbekalimov Ochish/sharhlash

2024-05-20 17:08:06 Пссс, бияққа қаравориларда.
Телеграмда битта зўр канал тоффолдим, номи Баёнотуз. Полний цитаталар бериб бораркан. Цитата деганда фақатгина тарихий шахсларни галарини эмас. Ҳозирда ҳам қайсидир сиёсий ёки машҳур шахс эътиборга арзийдигон гап гапирган бўлса, бериб бораркан. Канал менга ёқди. Маслаҳатим, обуна бўволилар.

Мениям бирорта гапим чиқиб қолса, бехабар қолсам айтворораслар.

t.me/bayonotuz Ochish/sharhlash

2024-05-20 09:14:31 Эрон президенти ҳалок бўлди. Янги сайловларгача президент вазифасини бажарадиган Моҳаммад Моҳбер ким?

68 ёшли Моҳбер, парламент спикери ва суд ҳокимияти раҳбари билан бирга сайловларни ўтказиш бўйича уч кишидан иборат кенгашга киритилди.

У олий раҳбар Али Хоманаийга яқин деб ҳисобланади ва Эроннинг барча давлат масалаларида сўнгги сўз унда қолади.

Моҳбер 2021 йилда Раисий президент бўлиб сайланганидан кейин биринчи вице-президент бўлган.

Reuters ниннг ёзишича, у 2022 йил октябрида Москвага ташриф буюрган эронлик амалдорлар гуруҳида бўлиб, Россияга "ер-ер" калссидаги ракета ва дронлар етказиб беришга розилик билдирган.

2010 йилда у "ядровий ва баллистик ракета фаолияти"да иштирок этгани учун Европа Иттифоқининг санкция рўйхатига киритилган. Икки йил ўтгач, рўйхатдан чиқарилган.

Аввалроқ Хоманаий билан боғлиқ Setad инвестиция фондини бошқарган.

2013 йилда АҚШ Молия вазирлиги Setad ва уни бошқарган 37 компанияни санкция рўйхатига киритган.

Манба

@nurbekalimov Ochish/sharhlash

2024-05-19 23:52:59 Авиафалокатлар, фожиали воқеа сифатида, ҳеч кимни аямайди, жумладан сиёсатчиларни ҳам, уларнинг қарорлари ва ҳаракатлари кўпинча бутун мамлакатлар ва халқларга катта таъсир кўрсатади. Келинг бугун авиаҳалокатлар натижасида ҳалок бўлган сиёсий арбоблар ҳақида бир неча мисолларни кўриб чиқайлик.

1. Даг Ҳаммаршёльд (1961)
Даг Ҳаммаршёльд, БМТнинг иккинчи Бош котиби эди, 1961 йилнинг 18 сентябрида Самолёт ҳалокати натижасида Шимолий Родезия (ҳозирги Замбия)да ҳалок бўлган. Ҳаммаршёльд Конго можаросини ҳал қилиш бўйича музокараларга йўл олган эди. Фалокат сабаблари ҳали ҳам турли баҳслар мавзусига айланиб, конспирологияга жуда бой.

2. Омар Торрихос (1981)
Омар Торрихос, Панама раҳбари, 1981 йилнинг 31 июлида унинг самолёти Панаманинг тоғли ҳудудида ҳалокатга учрайди. Расмий версияга кўра фалокат тасодифий деб ҳисобланади, аммо теракт ҳақида ҳам кўплаб назариялар мавжуд. Торрихос Панама канали устидан назоратни АҚШ дан Панамага қайтариш бўйича Торрихос-Картер битимларини имзолашдаги роли билан танилган ва унинг ўлими мамлакатда катта сиёсий тангликка сабаб бўлган.

3. Самора Машел (1986)
Мозамбикнинг биринчи президенти Самора Машел 1986 йилнинг 19 октябрида Жанубий Африка Республикасида ҳалокатга учрайди. Расмий тергов хулосасига кўра, самолет навигациясида хато бўлган, аммо кўпчилик бу воқеани ҳам теракт бўлиши мумкин деб ҳисоблайди. Машел Мозамбик мустақиллиги учун курашда муҳим роль ўйнаган сиёсатчи эди.

4. Зиё ул-Ҳақ (1988)
Покистон президенти Зиё ул-Ҳақнинг самолёти 1988 йилнинг 17 августида Баҳавалпур яқинида ҳалокатга учрайди. Фалокат сабаблари ҳалигача тўлиқ аниқланмаган ва турли хил назариялар мавжуд, жумладан теракт ва механик носозлик. Зиё ул-Ҳақ Покистонда ҳарбий диктатурани бошқарган ва ўзидан олдинги раҳбар, Беназир Бҳуттонинг отаси Зулфиқор Али Бҳуттони осиб ўлдирган. Унинг ўлими мамлакатдаги сиёсий ландшафтни ўзгартирган.

5. Жон Ҳайнц (1991)
1991 йилнинг 4 апрелида америкалик сенатор Жон Ҳайнцнинг вертолёти Пенсилваниянинг Мерриллвилл шаҳри устида кичик самолёт билан тўқнашиб кетади ва натижада сиёсатчи ҳалок бўлади. Ҳайнц ўзининг ижтимоий сиёсат ва соғлиқни сақлаш соҳасидаги ишлари билан танилган обрўли сиёсатчи эди. Унинг ўлими АҚШ сиёсати учун катта йўқотиш бўлган.

6. Руанда ва Бурунди президентлари (1994)
1994 йилнинг 6 апрелида Руанда президенти Жувенал Хабияримана ва Бурунди президенти Сиприен Нтарьямира учган самолёт Кигали яқинида осмонда ўққа тутилади. Бу фалокат Руандадаги даҳшатли геноцид бошланишига сабаб бўлади ва уларнинг ўлими бутун минтақа учун фожиали ва ҳалокатли оқибатларга олиб келади.

7. Борис Трайковский (2004)
Македониянинг президенти Борис Трайковский 2004 йилнинг 26 февралида Босния ва Герцеговинада содир бўлган авиаҳалокатда нобуд бўлган. Трайковский мамлакатнинг Европа Иттифоқи йўлидаги ислоҳотларини амалга оширган сиёсатчи сифатида танилган.

8. Лех Качиньский (2010)
2010 йилнинг 10 апрелида Польша президенти Лех Качиньский ўз рафиқаси ва юқори лавозимли шахслардан иборат делегацияси билан бирга Россиянинг Смоленск шаҳри яқинида ҳалокатга учрайди. Делегация Катынь қатлиоми қурбонларини хотирлаш маросимига йўл олган эди. Фалокат натижасида самолётдаги 96 кишининг бари ҳалок бўлади.

9. Иброҳим Раисий.... (2024)

Авиаҳалокатлар кўплаб таъсирли сиёсатчиларнинг ҳаётига зомин бўлиб, уларнинг мамлакатлари ва халқаро майдонда чуқур из қолдирган. Бу фожиалар бизга ҳаётнинг нозиклигини ва ҳатто энг буюк карьералар ҳам кутилмаган ҳолда тугаши мумкинлигини эслатади...

@nurbekalimov Ochish/sharhlash

2024-05-19 20:07:59 Ўзбекистон кино санъати музейи ҳақида эшитганмисиз?

Ушбу музей собиқ "Панорама" кинотеатри ичида жойлашган бўлиб, XVI Тошкент халқаро кинофестивалига тайёргарлик кўриш олдидан кўргазмалар ва экспозициялар билан бойитилди, унда 9 қисмдан иборат экспозиция бурчаклари ташкил этилди.

Бежизга музей ҳақида сўз очмадим. Яқинда, 16 май куни Шавкат Мирзиёев собиқ Киночилар уйига ташриф буюриб, музейдаги экспонатлар, тарихий бурчакларни кўздан кечириб, киноижодкорлар билан учрашув ўтказибди.

Сўнгги йилларда кинога алоҳида ёндашув ва эътибор қаратилмоқда. "Панорама" кинотеатри эндиликда "Миллий кино санъати саройи"га айлантирилди.

@nurbekalimov Ochish/sharhlash

2024-05-19 18:44:08 Ochish/sharhlash

2024-05-18 15:52:04 Иосиф Сталиннинг ўғли Василий жуда шўх ва ўйинқароқ йигит бўлган. Дўстларига "Мен отам тириклиги учунгина тирикман" деб кўп айтар эди.

Бугунги видеоролигимиз қаҳрамони Сталиннинг ўғли Василий Сталин. У ким эди?

Лойиҳамизни сўм билан қўллаб қувватловчиларга бу ишни https://tirikchilik.uz/alimoff сайтида қилиш мумкинлигини эслатиб ўтамиз. Бунга имконингиз бўлмаса шунчаки лайк, подписка ва комментарий билан қўлласангиз ҳам хурсанд бўламиз

Тўлиқ видео

Ochish/sharhlash

2024-05-18 14:06:11 Хўжа Насриддин ҳақидаги мультфильмни Ўзбекистон биринчи қўллаб-қувватлаган

Ўзбекистон президенти Шавкат Мирзиёев Тошкентдаги анимация мактабига борди. У ерда мамлакатимиз Хўжа Насриддин ҳақидаги муҳим лойиҳани қўллаб-қувватлаган биринчи давлат бўлгани ҳақида сўз борди.

Лойиҳани Ўзбекистонда ишлаб чиқариш тўғрисида Тошкент халқаро кинофестивали доирасида қарор қабул қилинган.

Ҳамкорликнинг бир қисми Тошкентда биринчи анимация мактабининг очилиши бўлган. У ерда актёрлик мактабларининг битирувчилари аниматорлик касбини эгаллашлари ва анимацион лойиҳа устида ишлашлари мумкин.

@nurbekalimov Ochish/sharhlash

2024-05-17 19:08:14 Бошқа байрамларни билмадим-у, мен айнан шу кунни жон деб нишонлаган бўлардим

Бундан роппа роса 1 йил аввал 11 апрел куни аёллар ва болаларни ҳуқуқлари, шахс сифатидаги эркинкикларини мустаҳкамлайдиган қонун имзоланганди. Бу аёл-қизлар, болаларга нисбатан номаъқул ҳаракат қилганлар қатъий жазоланишини кафолатлайдиган қонун эди.

Бу "уйдаги гап уйда қосин" деб ёпиладиган жиноятларга барҳам берадиган қонун.

Бу вояга етмаган боласини қаровсиз, васийсиз ташлаб кетадиганларга маъмурий жазо қўллашни тартибга соладиган қонун.

Бу ўзидан "кўча эгаси"ни ясаб, аёлларга шилқимлик қиладиганлар, қизларни, ёш болаларни тақиб қилиб қўрқитадиганлар, умуман, уларни сиз-у биздек эркин юришга қўймайдиганларни тийиб қўядиган қонун.

Бу жамиятга аёл-қизлар ўз ҳаёти учун ўзи қарор қила олишини, болалар катталарга тегишли буюм, ўйинчоқ ёки охирги даражали предмет эмас, инсон эканини эслатиб турадиган қонун.

Энг ачинарлиси, яқин-яқингача ҳам аксарият одамлар юқоридаги ҳолатлар ҳатто жиноят эканлигини ҳис қилмаган. Бу ҳолатларга "стоп" чизиғини тортиш вақти келди. Энди қонун бор, аниқ тартиб бор. Бизга эса уларга амал қилиш қолди холос.

@nurbekalimov Ochish/sharhlash