#Befarqemasman

2023-04-03 12:48:01 #befarqemasman

Aqsungul Dosekeyeva, Samarqand davlat veterinariya meditsinasi, chorvachilik va biotexnologiyalar universiteti Nukus filiali talabasi:

— 2018-yili oliy taʼlimda yigitlar soni xotin-qizlar sonidan koʻproq edi. 2022-yil xotin-qizlarga berilgan imtiyozlardan soʻng, ularning soni ortdi. Shu bilan birgalikda, magistraturada kontrakt asosida qabul qilingan xotin-qizlarning shartnoma pullari davlat tomonidan qoplab beriladigan boʻldi. Yaqinda mamlakatimizda muhim jarayon — referendum boʻlib oʻtadi. Bu jarayonda faol ishtirok etishingizni va befarq boʻlmasligingizni soʻrayman. Men #menbefarqemasman!

@menbefarqemasman Ochish/sharhlash

2023-04-03 11:53:32 #befarqemasman

Азиза Шахназарова, АҚШнинг Колумбия университети профессори:

— Барча ватандошлар сингари мен ҳам Ўзбекистонда бўлаётган ижтимоий ўзгаришларга бефарқ эмасман. Хусусан, янгиланаётган Конституциянинг 52-моддасида "давлат ўқитувчиларнинг шаъни ва қадр-қимматини ҳимоя қилиш, уларнинг ижтимоий ва моддий фаровонлиги, касбий жиҳатдан ўсиши ҳақида ғамхўрлик қилади", деган жумла мени ҳам бир педагог сифатида жуда ғурурлантирди. Таълим соҳасида фаолият олиб бораётган шахсларнинг Конституция даражасида ҳимояланиши янги Ўзбекистонда инсонга эътибор ва сифатли таълим яратиш йўлида қилинаётган ислоҳотлардан далолатидир, деб айтоламиз. Бу эса, ўз навбатида, юртимиз янги тарихининг муҳим саҳифасидир.

@menbefarqemasman Ochish/sharhlash

2023-04-03 11:07:02 #befarqemasman

Серикбай Усенов, Ўзбекистон қозоқ миллий маданий маркази раиси:

— Конституцияга ўзгартиришлар киритиш бўйича бир ярим йил ичида ўз фикр ва таклифларимизни бердик. Барчаси инобатга олинмоқда. Авваллари халқларимизни қийнаб келаётган масалалар, жумладан Қозоғистон—Ўзбекистон чегарасидан ўтишда муаммолар бор эди. Чегарада соатлаб қолиб кетиларди. Бугунги кунда 15 дақиқада ўтиш мумкин ва бемалол қариндош-уруғларни кўриб, уларнинг оилавий маросимларида қатнашиб келиш имконияти яратилди.

Ҳозирги сиёсий жараёнларга бефарқ бўлмайлик. Ўзбекистон яшаётган миллиондан ортиқ қозоқлар 30 апрель куни овоз беришга тайёрмиз!

@menbefarqemasman Ochish/sharhlash

2023-04-03 10:31:02 #befarqemasman

Nursulton Do‘stmurodov, O‘zbekiston-Finlandiya pedagogika instituti magistranti, yoshlar yetakchisi:

— Oʻzbekiston Konstitutsiyasiga oʻzgartirish kiritish boʻyicha referendum 2023-yil 30-aprelda boʻlishi kutilmoqda. Amaldagi Konstitutsiya ham mazmunan, ham shaklan yangilanmoqda. Oliygohimizning professor oʻqituvchilarini, barcha talaba yoshlarni, mahalladoshlarni – keng jamoatchilikni referendumda faol qatnashishga chorlayman. Men o‘z taqdirimga #befarqemasman! Siz ham befarq bo‘lmang!

@menbefarqemasman Ochish/sharhlash

2023-04-03 10:07:01 #befarqemasman

Учқун Тиллаев, Ўзбекистонда хизмат кўрсатган артист:

— Давлатимиз ёшларга катта эътибор бериб келмоқда. Улар эртанги кунимиз эгалари. 30 апрель куни референдум бўлиб ўтиши кутиляпти, шахсан мен бунга бефарқ эмасман. Барча ёшлар ҳам фаол иштирок этади, деган ниятдаман.

@menbefarqemasman Ochish/sharhlash

2023-04-03 09:24:01 #befarqemasman

Игорь Ли, председатель молодёжного центра при Ассоциации корейского культурного центра:

— Изменение Конституции — очень важный для нас момент. В обновленной Конституции количество статей достигло 165, сам текст отличается от прежней почти на 65 процентов. Конституция для нас является вектором, базовым, фундаментальным законом, который определяет правовую основу развития нашей страны. И мы не безразличны к преобразованиям в стране!

@menbefarqemasman Ochish/sharhlash

2023-04-03 08:36:26 #befarqemasman

Салима Холдорова, Ўзбекистон ёзувчилар уюшмаси аъзоси (Навоий вилояти):

— Ўзим асли Қирғизистонда туғилиб, вояга етганман. Узоқ йиллардан буён Ўзбекистонда яшаб келаяпман. Бугунги кунда Ўзбекистонда рўй бераётган ислоҳотларга #befarqemasman. Айниқса, янги Конституциямизга Ўзбекистон — ижтимоий-ҳуқуқий давлат тушунчаси киритилмоқда. Бу, албатта, Ўзбекистонда яшайдиган ҳар бир инсоннинг қадр-қиммати юксалтирилишини ва ижтимоий жиҳатдан қўллаб-қувватланишини англатади. Ҳаётимда яқин йилларда иккита қувончли воқеа рўй берди: биринчиси, 25 йилда Ўзбекистон фуқаролигини олдим, иккинчиси, Ўзбекистон ёзувчилар уюшмаси аъзолигига қабул қилиндим. Ўзим мисолимда айтаманки, юртимизда миллатлараро тотувликка катта эътибор берилаётгани мени қувонтиради.

@menbefarqemasman Ochish/sharhlash

2023-04-02 14:42:06 #befarqemasman

Малика Қудратова, Ўзбекистон Халқ демократик партияси Дўстлик туман Кенгаши раиси:

— Янги Ўзбекистон Конституцияси лойиҳасида ижтимоий соҳа, жумладан тиббиёт, таълим соҳаси ходимларининг ҳуқуқлари ҳар томонлама ҳимоя қилинмоқда. Бу халқимиз ҳаётини янада юксалтиришга хизмат қилади. Ўз тақдири, ўз келжагига бефарқ бўлмаган ҳар бир фуқаро, албатта конституциявий ислоҳотларни қўллаб-қувватлайди. Мен ҳам #befarqemasman.

@menbefarqemasman Ochish/sharhlash

2023-04-02 13:07:06 #befarqemasman

Турғун Бекназаров, Ўзбекистонда хизмат кўрсатган артист:

— Қарийб эллик йилдан бери санъат соҳасидаман. Янги Қомусимизда ижод аҳлига берилган эркинлик алоҳида модда бўлиб киритилган. Бу бизга шижоат, куч-ғайрат беради. Мен ҳам юртимизда бўлаётган жараёнларга #befarqemasman. Оила аъзоларим билан референдумда фаол қатнашаман.

@menbefarqemasman Ochish/sharhlash

2023-04-02 12:19:06 #befarqemasman

Абдужалил Кенжаев, Дўстлик туманидаги “Манас” маҳалла фуқаролар йиғини раиси:

— Конституциямизга киритилаётган ўзгаришлар халқимиз фикри билан бўлмоқда. Биз халқ билан ҳукумат ўртасидаги кўприк бўлдик. Бугун юрт ободлигини нафақат қурилаётган катта-катта биноларда, иншоотларда, балки ҳар бир оила, ҳар бир хонадонда кўраяпмиз. Хонадонбай юриб, фуқаролар яхши яшаши учун яратиб берилган шароитлардан тўлиқ фойдаланаётганини кўраяпмиз. Мен референдумга #befarqemasman, маҳалламиз аҳлини овоз беришда қатнашишга чорлайман!

@menbefarqemasman Ochish/sharhlash