2023-03-13 21:17:42
#ibrat
Har bir inson hayotini bir kitob misolida olsak, sahifalarimizni toʻldirib borishda turli insonlar bilan roʻbaro kelamiz va shu bilan birga biz ham kimlarningdir sahifalarini yozilishida sababchi boʻlamiz.
Hayotimda har oʻtgan kunim dars, har uchratgan insonim - muallim. Mening sahifalarimni toʻldirayotgan insonlardan mamnunman. Kimlarnidir esdan chiqarmaslik uchun rangli harflarda yozdim, takror-takror ular uchun sahifalar ochdim va hozir ham sahifalarimda birgamiz.
Kimlarnidir oldingi sahifalarda qoldirdim, ular yopildi! Alloh shunday yaratgan, bir birlarimizning hayot kitobimizdagi sahifalarimiz tugagach, yoʻlda ayro boʻlamiz. Saboq oʻzimiz bilan albatta. Men ham sizlarning hayot kitobingizda hozir yozilayotgan sahifa, balki yopilgan sahifa boʻlishim mumkin. Kimning hayot kitobining soʻnggi sahifasigacha yozilishim nomaʼlum, Oʻzi bilguvchi. Lekin har qaysi kitobda ham qayta xotirlashni istalmaydigan, unutilgan sahifa boʻlishni istamayman. Rangli harflarda yoziladigan sahifa boʻlish nasib qilsin
76 viewsedited 18:17