Gazeta.uz - Ўзбекистон янгиликлари

2021-02-12 14:00:09 Нажмиддин Тўраходжаев ички ишлар вазири ўринбосари этиб тайинланди

Президент қарори билан Нажмиддин Садирович Тураходжаев Ўзбекистон Республикаси ички ишлар вазирининг ахборот технологиялари бўйича ўринбосари лавозимига тайинланди.

У бунга қадар Вазирлар Маҳкамаси ҳузуридаги Давлат персоналлаштириш маркази директори лавозимида ишлаб келаётган эди.

Каналга обуна бўлинг
@gazetauz_uzb Ochish/sharhlash

2021-02-12 13:49:50 «Воқеа жойида судланувчиларнинг ҳеч бирини кўрмаганман» — «Сўх воқеалари» бўйича судда гувоҳлар кўрсатмаси тингланди

ЖИБ Фарғона вилояти судида Сўх тумани можаросида қатнашганликда айбланаётган 22 нафар фуқарога нисбатан иш кўриб чиқилмоқда. Навбатдаги суд мажлисида гувоҳ ва жабрланувчиларнинг воқеа юзасидан кўрсатмаси тингланди, дея хабар бермоқда «Дарё».

«Судланувчиларнинг ҳаммасини танийман. Лекин воқеа жойида уларнинг ҳеч бирини кўрмаганман. Ўша жойда битта Nexia ва битта ҳарбий машинанинг ойналари синиб ётган эди. Лекин машиналарга ким қачон тош отганини, ойналарини синдирганини билмайман», — деди гувоҳ А.Ж.

Жабрланувчилардан бири «судланувчилардан бирортасини танимайман. Уларга ҳеч қандай даъвойим йўқ», деган. Иккинчиси эса «Судланувчиларнинг кўплари ўзимнинг ўқувчиларим. Уларни воқеа жойида кўрмаганман», дея кўрсатув берди.

Батафсил: https://www.gazeta.uz/uz/2021/02/12/ferghana/?utm_source=push&utm_medium=telegram

Каналга обуна бўлинг
@gazetauz_uzb Ochish/sharhlash

2021-02-02 07:54:51 Тошкентнинг «Эски шаҳар» ҳудудида Миллий савдо шаҳарчаси барпо этилади

Шавкат Мирзиёев 1 февраль куни инвестиция соҳасига доир аввалги топшириқлар ижроси ва янги лойиҳалар тақдимоти билан танишди, дея хабар қилди президент матбуот хизмати.

Тақдим этилган лойиҳалар орасида 10 та йирик тижорат банки томонидан умумий қиймати 1,5 млрд доллар бўлган 136 та лойиҳа таклифлари кўриб чиқилди.

Жумладан, Асака банк кредити иштирокида «Эски шаҳар» ҳудудида Миллий савдо шаҳарчасини ташкил этиш режалаштирилмоқда.

Миллий банк томонидан 2021 йилда 225 млн долларлик 6 та янги лойиҳани амалга оширилиши кутилмоқда.

Ўзсаноатқурилишбанк эса «Ургут» ЭИЗда 110 млн долларлик лойиҳани амалга ошириши кўзда тутилган.

Каналга обуна бўлинг
@gazetauz_uzb Ochish/sharhlash

2021-02-01 18:37:24 Жаҳон янгиликлари дайжести

IKEA компанияси экотизимни сақлаб қолиш учун AҚШда (Жоржия штати) деярли 4,5 минг гектар ўрмон ерини сотиб олди.

Қирғизистон президенти Садир Жапаров Мудофаа вазирлигини қайта тузишга қарор қилди.

Сингапур ҳукумати 1 февралдан бошлаб мамлакатга чет элликларнинг киришига қўйилган талабларни кучайтирди. Эндиликда, мамлакатга келишдан олдин қиймати камида 30 минг Сингапур долларига тенг (22,5 минг доллар) бўлган тиббий суғурта сотиб олиш мажбурияти қўйилди.

Жанубий Кореяда Шарқий янги йил байрами арафасида карантин чоралари 14 февралга қадар узайтирилди. 

Италияда дори таъминоти билан боғлиқ жиддий муаммолар бўлгани сабабли, мамлакатда коронавирусга қарши вакцинация таҳдид остида колмоқда. 

Батафсил: www.gazeta.uz/uz/2021/02/01/digest59/?utm_source=push&utm_medium=telegram

Фото: Жоржия ўрмони

Каналга обуна бўлинг
@gazetauz_uzb Ochish/sharhlash

2021-02-01 17:55:23 Ташқи ишлар вазирлиги халқаро журналистга аккредитация бермади. Журналист ТИВ ходими унга тегажоғлик қилганини айтмоқда 

Халқаро мустақил журналист Агнешка Пикулицка-Вилчевска Ўзбекистон Ташқи ишлар вазирлиги унга аккредитация бермаганини маълум қилди.

ТИВ аккредитация бўйича жавобни қонун бўйича 2 ойда эмас, балки 6 ойда бергани айтилмоқда.

Бундан ташқари, журналист Ташқи ишлар вазирлигидан бириктирилган «Рустам» исмли ходим унга тегажоғлик қилиб, уни ўпмоқчи бўлганлигини айтмоқда. «У рад жавобини олгач ҳам, менга учрашишни сўраб ёзаверди», — дейди журналист.

Журналист ТИВ ходими ундан ижобий мақола ёзишни, бунга рад жавобини берганида эса, уни «объектив эмас ва журналист эмас» дейишганини айтган.

Агнешка Пикулицка-Вилчевска The Diplomat, Guardian, Al Jazeera, Eurasianet халқаро нашрлари учун ёзади. У Аёл журналистлар Коалицияси аъзоси.

Батафсил: https://www.gazeta.uz/uz/2021/02/01/accreditation/

Каналга обуна бўлинг
@gazetauz_uzb Ochish/sharhlash

2021-02-01 17:17:33 Собиқ вазир Қарши давлат университетига ректор этиб тайинланди

Ўзбекистон Вазирлар Маҳкамасининг 30 январдаги қарори билан Дилмурод Хамидуллаевич Набиев Қарши давлат университети ректори этиб тайинланди. Бу ҳақда Адлия вазирлиги матбуот хизмати хабар берди.

Дилмурод Набиев аввалроқ Жисмоний тарбия ва спорт вазири лавозимидан озод қилинган эди. У вазир сифатида 2018 йилнинг июлидан бери ишлаб келаётган эди.

Каналга обуна бўлинг
@gazetauz_uzb Ochish/sharhlash

2021-02-01 16:44:31 Ўн нафар Ўзбекистон фуқароси Россиядан экстрадиция қилинди

Россия Федерацияси Бош прокуратураси мулкка қарши жиноятлар ва гиёҳванд моддалар савдосида айбланаётган ўн нафар Ўзбекистон фуқаросини жиноий жавобгарликка тортиш учун Ўзбекистон Республикасининг ваколатли органларига топширди.

Т. А. алдов йўли билан пул маблағларини эгаллаб олганликда, жабрланувчига 27 минг АҚШ доллар миқдорида зарар етказганликда айбланмоқда.

С. Т. 2018 йил май ойидан июнь ойигача Самарқанд вилоятининг Қўшработ туманида ишга жойлашишда кўмаклашиш баҳонасида 19 нафар фуқаронинг маблағларини ўзлаштирганликда айбланмоқда.

Фуқаролар турли вақтларда Россия ҳудудида ҳибсга олинган.

РФ Бош прокуратурасининг экстрадиция қилиш тўғрисидаги қарорлари кучга киргач, фуқаролар махсус конвой ҳамроҳлигида Ўзбекистонга етказилди.

Батафсил: https://www.gazeta.uz/uz/2021/02/01/extradition/?utm_source=push&utm_medium=telegram

Каналга обуна бўлинг
@gazetauz_uzb Ochish/sharhlash

2021-02-01 16:13:21 31 январь куни россиялик мухолифатчи Алексей Навальнийни қўллаб-қувватлаш бўйича Россияда бўлиб ўтган намойишлардан фотолавҳалар.

Намойишларда 5 мингдан ортиқ одамлар ҳибсга олинганлиги айтилганди.

Фото манбалари: Коммерсантъ/ Reuters / Scanpix / LETA

Каналга обуна бўлинг
@gazetauz_uzb Ochish/sharhlash

2021-02-01 15:41:28 Қобул Дўсов маст ҳолда машина ҳайдагани учун жаримага тортилди

Халқ депутатлари Бўстонлиқ тумани кенгашининг собиқ депутати Қобул Дўсов маст ҳолда машина бошқаргани учун жаримага тортилди.

Маълум бўлишича, собиқ депутат 26 январь куни соат 23.30 да Яшнобод туманидаги Мирзо-Улуғбек ва Султонали Машхадий кўчалари кесишмасида Captiva автомобилида (д/р 10 B 878 OA) ЙПХ инспекторининг тўхташ ҳақидаги талабини менсимасдан ҳаракатни давом эттирган.

Мирзо Улуғбек ва Маҳтумқули кўчалари кесишмасида автомобиль тўхтатилган. Автомобилда транспорт воситасининг эгаси – 42 ёшли аёл ҳам бўлган. Қобул Дўсов инспекторга транспорт воситасини бошқариш ҳуқуқини берувчи ҳужжатларни тақдим қила олмаган. Ҳайдовчи ва йўловчи ЙҲХБ ЙПХ инспекторлари билан жанжаллашган. Шунингдек, экспертизада ҳайдовчининг маст ҳолда экани аниқланган.

Ҳайдовчи ва автомобиль эгасига нисбатан МЖТКнинг 131-моддаси бўйича баённома расмийлаштирилди.

Батфасил: https://www.gazeta.uz/uz/2021/02/01/dusov

Каналга обуна бўлинг
@gazetauz_uzb Ochish/sharhlash

2021-02-01 15:13:06 Фарғонада ёқилғи ишлаб чиқариш заводи ишчилари ишсиз қолишдан хавотирда

«Дарё»нинг хабар беришича, Фарғона вилоятидаги Олтиариқ ёқилғи ишлаб чиқариш заводи ишчилари қарийб 10 ойдан бери заводга хом ашё — газ конденсати етказиб берилмаётганини таъкидламоқда. Ишлаб чиқариш тўхтаб қолган.

Кўплаб ишчилар ободонлаштириш ва қурилиш ишларига жалб этилган. Ишчилар завод бутунлай ёпилиши ва 800 нафардан ортиқ ходим ишсиз қолишидан хавотирда эканлигини айтмоқда.

Ўнлаб ишчилар корхона биноси олдида тўпланиб, «Бизга нефть беринг!», «Биз ишлашни хоҳлаймиз!» каби ёзувларни кўтарган ҳолда корхона раҳбариятига мурожаат қилган.

Фарғона нефтни қайта ишлаш заводи раҳбарияти «Дарё» нашрига завод ёпилмаслигини, иш ўринлари қисқартирилиши, лекин ходимлар ишдан бўшатилмаслигини маълум қилган.

Батафсил: https://www.gazeta.uz/uz/2021/02/01/oltiariq/?utm_source=push&utm_medium=telegram

Каналга обуна бўлинг
@gazetauz_uzb Ochish/sharhlash