2022-12-07 08:30:20
Bolalagimizdan sevib tomosha qiladigan, qish va undagi ajoyib sarguzashtlar haqida suratga olingan filmlarning aksari rivojlangan g'arb mamlakatlarida suratga olingan bo'ladi. O'sha filmlarda qish quvonchga to'la bir fasl, qor esa ezgulik ramzi sifatida gavdalantiriladi odatda. Aksarimizning qish haqidagi tasavvurlarimiz aynan o'sha filmlar asosida shakllangan bo'lsa ajab emas.
To'g'ri, qish o'zining oppoq qorlari bilan eng jozibakor fasldir. Ammo bu jozibasini to'liq his qilish uchun inson qalbida iliq bahor hukmronliq qilyotgan bo'lishi kerak, qish emas. Uyini isitishga imkon topolmayotgan, muzdek tunlarni chiroqsiz zulmatda o'tkazayotgan inson uchun oq qor yog'di nimayu, qizil qor yog'di nima, ko'ziga qor balodek ko'rinaveradi. Bunday isnon qishni quvonchli fasl sifatida emas, fojeali fasl sifatida qabul qilaveradi.
Yuqorida aytilganidek, biz ko'rib o'rgangan o'sha ajoyib filmlarning aksari rivojlangan g'arb mamlakatlarida suratga olingan va u yerlarning aholisi chiroq va gaz kabi masalalar qishda muammo bo'lishi mumkinligi haqida tasavvurga ham ega emasligi katta ehtimol. Balki shundan ular qishni ulkan zavq-u shavq bilan kutib olishar, balki shundandir aksar bayramlarni qish oylariga qo'yishar, bu oq va sovuq faslni imkon qadar ko'tarinki kayfiyatda o'tkazishga urinishar...
Hurmatli mutasaddilar, mayli, qishni biz uchun bayram fasliga aylantirmang, faqat undan nafratlanishimizga sababchi bo'lmang, iltimos!..
@FarosatdaFiltrlanganFikrlar
185 viewsedited 05:30