ELTUZ

2022-07-11 21:30:18 АҚШ молия вазирлиги ўзининг махсус назорати остида бўладиган давлатлар рўйхатини тузди, чунки Россия улар орқали "санкцияланган товарлар"ни реэкспорт қилишга уринмоқда.

Бу рўйхатга Арманистон, Грузия, Бразилия, Қозоғистон, Хитой, Ҳиндистон, Исроил, Мексика, Никарагуа, Сербия, Сингапур, Жанубий Африка, Тайван, Тожикистон, Туркия, БАА, Ўзбекистон киради. АҚШ Молия вазирлигининг таъкидлашича, бу давлатлар қонуний равишда "санкцияланган товарлар"ни фақат хом ашё сифатида импорт қилишлари мумкин. Ochish/sharhlash

2022-07-11 19:42:32 Туркия президенти Ражаб Тойиб Эрдўғон Анқара Москва ва Киев ўртасидаги музокараларни фаоллаштиришда ёрдам беришини билдирди. Ochish/sharhlash

2022-07-11 19:08:01 Рассом Туздан ўгит: Ҳўкўмат зовут қурмайди, зовут эгасини қонун воситасида назорат қилади... "Бундан кўра ҳўкўмат зовут фабрика қурса, тузик бўларди" деган гап ëзишади "ақллилар". Зовут чиқарган маҳсулотига бозорда жой борми? Маҳсулот сотиладими ўзи? Мана "ҳамма фойда қалампирда экан" деб қалампир экилди. Қарасак, Ҳиндистон қалампир билан дунë бозорини тўлдириб қўйди. Бизникидан арзаон ва аччиқроқ. Қалампирларни ерга кўмдик ўша идеясига қўшиб. Иккинчидан, зовутни ҳўкўмат эмас капиталист қуриши керак ўз пулини тикиб. Ҳўкўмат қонунлар билан капиталистни жиловлаб қўйиши керак "ҳаддан ошмасин" деб. Ишчиларни 8 соатдан кўп ишлатмаслиги¸ ойлигини жуда ерга урвормаслигини эса касаба уюшмси назорат қилиши керак. Ochish/sharhlash

2022-07-11 19:03:01 Рассом Тузнинг ўнта ҳадафи Бу гапни бир ярим йил олдин ëзган эдим. Ўша гап ҳалиям ўз кучида. Айниқса, сепаратизм ҳақидагиси актуал. Фақат бугун эмас, анча олдин ҳам сепаратизмга қарши бўлган Туз оғанг.
Жангдан олдин офицерлар соатларини тўғирлаб олади.
Ҳамманинг соати бир хил юриши учун. Инглизчаси "synchronize their watches". Бу нарса муносабатлар уйғунлиги учун зарур.
Бири боғдан, бири тоғдан келадиган одамларнинг "моши пишмайди". Рассом Туз билагида тўғри юрадиган ва анчайин қиммат механик соат бор. Швейцария моли. Кўчма маънода соат бу ҳадаф нималигини билдиради. Ҳадафларимни эслатиб қўйсам:
1. Дунëвий, секуляр ва демократик бошқариладиган давлат тарафдориман.
2. Россиядан узоқ бўлиш ва Россия ташкил қилган иттифоқларга кирмаслик тарафдориман.
3. Шариатга асосланган халифалик тузиш каби кўкнориҳаëлларга мутлақо қаршиман.
4. Социализм, Коммунизм ҳақидаги кўкнориҳаëл чўпчакларга ҳам ишонмайман.
5 Миллат деганда этносни тушунмайман. Мен учун Чусовитина ва Алексей Волосеевич ўзбек миллатининг ëрқин вакилларидир.
6. Ўзбекистон мустақиллигининг икки қаҳрамонини ҳурмат қиламан - бири Михаил Горбачев ва яна бири Борис Елцин.
7. Ислоҳотчи буюк ғози пошшо Мустафо Камол Отатуркни ҳурмат қиламан. Ким Отатуркка қарши гапирса, оғзи бурнини уриб ëриб ташлайман. Яна устоз Михаил Саакашивили ва Ли Куан Ю ҳазратларига ҳам эътимодим нақд
8. Ўзбекистонни бўлишга қаратилган сепаратизмнинг ҳар бир кўринишини қоралайман. Тупроқ бутунлиги муқаддас мен учун.
9 Ўзбекистондаги барча партиялар қўғирчоқ эканлигини таъкидлайман. Улар тезда тугатилииб, янги заминда икки партиялик тизим яратиш керак. Демократик ва консерватив партиялар. Диний ëки этно партия тузишни¸ бирор дин ë этносга устунлик берилиши мумкин эмас, деб ҳисоблайман.
10. "Моссад" каби самарали истиҳборот тизими зарур, деб ҳисоблайман.
Шу 10 қоида. Менинг олтин қоидам. Рассом Туз мени блок қилди, деб, телеграмга шикоят қилишдан олдин қоидалар билан танишинг.
Соатларимиз тўғри келган бўлса, бирга блиндажга кирамиз. Бўлмаса тарқаламиз.
2021 йил январь Ochish/sharhlash

2022-07-11 18:54:40 Уруш бошидан бери Россияда 5300 та сайт блокланган

Ушбу ҳисоб-китоб Роскомсвобода ташкилоти томонидан амалга оширилади.

Уларнинг таъкидлашича, агар урушнинг бошида блокировка қилиш тўғрисидаги қарорлар Бош прокуратура томонидан қабул қилинган бўлса, ҳозир бу ишни асосан вилоят судлари амалга оширади.

Уруш бошланганидан бери Россияда рус ва бошқа тиллардаги барча мустақил оммавий ахборот воситалари блокланган.

Ижтимоий тармоқлардан Тwitter блокланди, Facebook ва Instagram эса уларнинг ота-компанияси Мета сингари экстремистик деб тан олинди. Ochish/sharhlash

2022-07-11 15:18:19 Путин имзолаган фармонга кўра, украиналикларга Россия фуқаролигини олиш соддалаштирилади. Ochish/sharhlash

2022-07-11 13:48:58 Юқоридаги постим баъзи эркакларнинг ғурурига оғир ботяптими? Мендаям сиздан кам эмас. Лекин, воқелик шу. Мен ўзбекман, деб кекирдагингизни кериб овора бўлманг. Фойдаси йўқ. Ё жимгина ҳақиқатни қабул қиласиз ва хотин ва қизларингизни Дубаю Истанбулга юборасиз ёки аёлларга муносабатни ўзгартирасиз. Токи ўзингизни ислоҳ қилмас экансиз, биров сизни ислоҳ қилмайди. Ochish/sharhlash

2022-07-11 13:03:15 Ўткан йили ўзбекистонлик бир "журналист" Путин Ўзбекистонга куëв бўлади чунки Кабаева ўзбекистонлик дея ошкора ғурур билан гапирган эди. Мен унга агар ўзбек билан жинсий алоқа қилган эркак бизга куëв бўлса унда 80 миллионлик Туркия¸ миллиардлаб аҳоли яшайдиган Ҳндистон ва Хитой, ҳатто Дубай билан Грузиядаги юзминглаб эркакллар куëвимиз, десам, тушунмади. Тушунтириб қўйсам. Ўткан йили қашқадарëлик зиëли бир дўстимиз билан Истанбулда такси олдик. Таксичи бизнинг ўзбек эканимизни билиб: "Мен ҳар икки кунда бир ўзбек билан ëтаман. Сизларга домодман", деди. Домод - бу куëв. Бу гапни бошқа таксичи¸ ресторанга одам чақириб турадиган курд¸ оëқ кийим тозлайдиган лоз ҳам айтди. Шаклланган фикрга кўра, ҳар бир ўзбек жувонига турклар эҳтимолий секс партнер сифатида қарайди. Туркиянинг Помуққаласида яшовчи 44 яшар Ўзгур исмли эркак ҳам шундай деб ўйлаган. Яъни даканг хўроз товуқни кўриб, тагига босишни ўйлагани каби, бу қари жалатай ҳам шу фикрда бўлган. Бугун турк ОАВси ëзишича, бу эркак жорий йилнинг 9 майида меҳмонхонада ўзбекистонлик 27 ёшли Сожида ва қирғизистонлик 23 ёшли Сарвиноз билан учрашган. Турк матбуотига кўра, Сожида бу туркнинг ўйнаши бўлган. Аммо "хотинларга тушкун" бу эркак Сарвинозга ҳам кўз қисган ва буюк эҳтимолда жанжал чиққан.
Шунда Ўзгур Сожида ва Сарвинознинг юзига кислота сепиб юборган. Эркак ҳам кислота сабаб ўнг кўзидан айрилган.
Полиция меҳмонхонадан қочиб кетган эркакни таъқиб қилиб борган. Гумонланувчи хорижга қочишга тайёргарлик кўрган ва Ойдин шаҳрининг Назилли туманида яшовчи қариндошларининг ташландиқ уйига яширинган. Ўзгур қўлга олиниб, Денизли шаҳрига олиб кетилган ва судга топширилган.
Кислотадан жабрланган Сожида ва Сарвиноз Денизли давлат шифохонасига олиб борилган. Сарвиноз тузалган, аммо Сожида 38 кун азобланиб баннисада ўлди.
Ўзбек қизларининг турк эркаклари тарафидан ўлдирилгани ҳақида Элтуз олдин ҳам ëзган. Ўзбек келинларининг турк ëки курд эрлари тарфидан ўласи қилиб калтаклангани ҳақиқда турк матбуоти ҳар ҳафта ëзади.
Масалан, Туркиянинг Адана шаҳрида истиқомат қиладиган Ўзбекистон ватандоши 32 яшар Шахнозахон идишларни қўлда эмас, идиш ювадиган машинада ювгани учун эри Нусрат тарафидан ўласи қилиб дўппослангани ҳақида Элтуз ëзган эди.
Бахти қаролик ўзбек аëлларининг пешанасидаги тамға бўлиб қолмоқда. Ochish/sharhlash

2022-07-11 13:03:11 Ўзбек аёли пешанасига тамғаланган бахтиқаролик... Ochish/sharhlash

2022-07-11 12:55:14 Марказий Осиё ва Кавказ институти (Вашингтон) директори Сванте Корнел Қорақалпоғистондаги вазиятга изоҳ берди.

С.Корнеллни таъкидлашича, Қорақалпоғистон совет давридаги иқтисодий сиёсат қурбони бўлиб қолган, бу эса ушбу йирик минтақада соғлиқни сақлаш ва ижтимоий-иқтисодий турмуш шароитига ҳалокатли таъсир кўрсатган. Лекин Президент Ш.Мирзиёевнинг ҳокимият тепасига келиши билан республикада ижтимоий-иқтисодий шароитни яхшилаш учун ҳудудга муҳим сармоялар киритилди.

Экспертга кўра, жорий йилда четда ҳаракат қилаётган ташқи кучлар Конституцияга таклиф қилинаётган ўзгаришлардан фойдаланиб, Қорақалпоғистонда тартибсизликлар келтириб чиқарган.

Ушбу тартибсизликларнинг тўсатдан ва уюшқоқлик билан ташкил этилганлиги, улар асосан Интернетда фаолият юритувчи кичик сепаратистик ҳаракатнинг иши бўлиши мумкин эмаслигини кўрсатади. Бошқача айтганда, ташқи кучлар шубҳасиз бунда иштирок этган. Лекин Нукусга келган Президент Ш.Мирзиёевнинг тезкор муносабати, Қорақалпоғистоннинг Ўзбекистон таркибидаги мақоми ҳақидаги бандларни ўзгаришсиз қолдиришга ваъда бериши уларнинг беқарорлаштириш бўйича режаларини барбод қилди. Ochish/sharhlash