Бекобод ҳаёти | Аллоҳ панохида асрасин сизни!

2023-04-24 07:20:51 Тошкент сув таъминот МЧЖ Бекобод  шаҳар филиали маъмурияти Сизга шуни маълум қиладики 24.04.2023 йил Фавқулодда авария юзага келганлиги сабабли, Ғ.Ғулом кўчаси 1 сектор ёнида Д.400 мм темир сув қувури ёрилганлиги сабабли, шаҳримиздаги 11, 12,13, 1, 15 даҳалар, 64 6,80 81 мавзе, ҳамда “Муқимий“, “Металлург“  ва “Янги Хаёт“ МФЙ ларда соат 11: 00дан 15:00гача сув таъминоти тўхтатилади.

Авария бартараф қилиниб бўлгач, аҳоли сув билан таъминланади.


Маълумот учун  70 214 03 47
97 494 33 13

@bekobodhayoti Ochish/sharhlash

2023-04-24 07:10:25 Шаҳримизда Логопед Дефектолог ўз фаолиятини бошлаганини маълум қилади

Болалар ўсмирлар ва катталар учун қуйидаги хизматлар мавжуд;

Логопед маслахати
Лого массаж
Алалия, дислолия
Дизартрия, ринолалия.
Дудуқланиш
ЗРР,ЗПР, ЗПРР

Кабул кунлари: Якшанба, Душанба, Сешанба.

Манзил: Бекабод шаҳар, 15- даха.

+998998708010

@bekobodhayoti Ochish/sharhlash

2023-04-24 05:49:24

Ёмон

Узоқ туриб қолса сув ҳам айнийди,
Ўт қалаб турмасанг ёнмайди олов.
Эҳ дўстим, бир ўйлаб кўрсанг қанийди,
Демасдан «Ёмон у - фалончи биров».

Йўлдан тош олмасанг қоқилар кимдир,
Чуқурни ёпмасанг тушади шошган.
Ҳадеб ёғаверса зиёндир ёмғир,
Узоқ иссиқ бўлса ерда чанг ошган.

Ишлов берилмаса экин кўкармас,
Иморат қулайди томин ёпмаса.
Ҳеч инсон онадан ёмон туғилмас,
Ўзгарар дардига дармон топмаса.

Оёғин олганда озгина эгри,
«Менга нима» дея бурилган ҳам биз.
Дардин айтганида юраги оғриб,
Тингламай орқага сурилган ҳам биз.

Қўлимизни ўқтаб ўша ёмонга,
Камига «сийладик» хунук, бетамиз.
Вақтида бермадик ёрдам у жонга
Ё сохта мақтовла қўшдик ҳиссамиз.

Биз одам бўлсайдик, биз дўст бўлсайдик,
У ҳам яхши бўлиб улғаяр эди.
Дардга малҳам, камга кўст бўлолсайдик,
Дунё бир яхшига кўпаяр эди.

Бир она боламлаб йиғламас эди,
Панжара кўрмасди юрак парчаси.
Ёлғизлик аёлни тиғламас эди,
Бағрида бўларди барча-барчаси.

Қулфсиз қолмас эди ҳайҳотдай ҳовли,
Гул, райҳон шамолда соврилмас эди.
Боши эгилмасди ота-онанинг
Фарзандин доғида қоврилмас эди.

Дўстим, ортга қайтар бигиз қўлингни,
Қарагин, у кимни кўрсатди шу вақт.
Аслида ёмонлар асло ёмонмас,
Уларга бепарво биз ёмон фақат!

Нурхон Элмирзаева.

@bekobodhayoti Ochish/sharhlash

2023-04-24 05:38:07

Дунёдаги энг тоза шаҳарлар:

1. Лондон - 74.94%;
2. Париж - 74.90%;
3. Нью Йорк - 74.89%;
4. Мадрид - 72.66%;
5. Окленд - 71.97%.

@bekobodhayoti Ochish/sharhlash

2023-04-24 05:37:40 #кун_ҳикмати

Тупроққа йиқилсанг, янгитдан гул бўлиб бош кўтаришингни кут.
Ўтмишда неча бор тупроқ бўлганингни эмас, неча бор гул бўлиб унганингни хотирла.

Жалолиддин Румий

@bekobodhayoti Ochish/sharhlash

2023-04-23 21:50:50 Ochish/sharhlash

2023-04-23 19:47:51 Ochish/sharhlash

2023-04-23 19:20:03 #ибрат

Ижтимоий тармоқлардан фойдаланиш бўйича муслима онанинг ўғлига берган насиҳати...

@bekobodhayoti Ochish/sharhlash

2023-04-23 19:04:58

Шаввол ойи рўзаси

Яна бир рамазон ойини кузатдик. Муборак ойдан олган маънавий фойдаларимиз келаси йилнинг шу кунларигача етгулик.

Ҳижрий тақвим бўйича рамазон ҳайити байрами билан бошланадиган шаввол ойидамиз. Мазкур ойнинг ажойиб фазилати бўлиб, Пайғамбаримиз (с.а.в.) бу хусусда шундай марҳамат қилганлар: “Рамазон ойи рўзасини тутиб, унга қўшимча тарзда шаввол ойида олти кун рўза тутган киши йил бўйи рўзадор бўлган кабидир” (Муслим, Абу Довуд, Термизий ривояти).

Маълум бўладики, ҳадиси шарифда берилган тавсияга ҳар йили амал қилган одам умр бўйи рўза тутганлик савобини қозонади. Рамазон рўзасидан кейин шавволда олти кун рўза тутган кишига бир йил давомида рўза тутганликнинг мукофоти берилиши, қилинган ибодат ва тоатларнинг савоби ўн мисл қилиб белгиланганлиги учундир. Чунки Аллоҳ таоло Қуръони каримда: “Кимки (бир) ҳасана (савобли иш) қилса, унга ўн баробар (кўпайтириб ёзилур)...” Анъом, 160), деб марҳамат қилади.

Шундай бўлгач, ўттиз кун рамазон рўзаси 10 ой, яъни, 300 кун ўрнига ўтади. Олти куннинг ўн баробари эса олтмиш кун, яъни, икки ой бўлади. Демак, уларни қўшиб ҳисоблаганда мусулмон киши бутун йилни рўза тутиш билан ўтказган бўлади.

Рамазондан кейин шавволда тутиладиган рўзанинг мисоли фарз намозлар ортидан ўқилган суннат намози кабидир. Ушбу суннатлар фарздаги эҳтимолли камчиликларни бартараф қилиш учун бўлганидек, шаввол рўзаси рамазон рўзасида йўл қўйилган айрим хатоликларнинг ўрнини тўлдириш учундир. Яна бир томони, бу ўз моҳияти билан мусулмон кишининг рўзадан зерикмаганини ҳам ифода этади.

Шаввол ойида олти кун рўза тутиш мустаҳаб амал бўлиб, Пайғамбаримиз (с.а.в.) ўзлари рўза тутиб, бошқаларга ҳам шуни тавсия қилганлар. Бу рўзани байрамдан кейин пешма-пеш тутишда фазилат бисёр, шу билан бирга, ойнинг бошқа кунларида адо этиш ҳам мумкин. Қазо бўлган рўзаларни мазкур кунларда тутиш билан ҳам айни савобга эришилади.

@bekobodhayoti Ochish/sharhlash

2023-04-23 17:01:15 #диққат



Хавфли янги турдаги коронавирус бутун дунё бўйлаб тарқалмоқда - ЖССТ

Ҳиндистонда янги "Арктур" коронавируси тарқалиши сабабли яна ниқоб режими қайтди. 1 ой ичида касалланиш деярли 500% га ошди.

Белгилари: Кўз шиллиқ қаватининг шикастланиши, касаллик мавсумий аллергияга ўхшайди, йўтал ва иситмада ҳам кечиши мумкин.

@bekobodhayoti Ochish/sharhlash