Эрталаб нонушта тайёрламоқчи бўлаётган Севара, ошхонада экан, | @BekalarUchun
Эрталаб нонушта тайёрламоқчи бўлаётган Севара, ошхонада экан, телефонига смс келди. Халатининг чўнтагидан телефонни олиб қаради, Қурбондан...
" Хайрли тонг, яхши дам олдизми, кунинггиз гўзал ўтсин. Умиджонни мен учун ўпиб қўйинг. Қурбон"
Яхши инсонга ўхшайди, ўғлимниям, мениям унутмаяпти, эслаяпти...
Биринчи томон бу эпкинни қанчалик яхши қабул қилаётган ва бахтга интилаётган бўлса, нариги томон шунчалик азму қарор билан, ишонч билан олдинга юраётган, ҳар қанақа тўсиқларга дош берадиган хилидан экан, ҳар кун бу ҳол қайтарилаверди...
Токи бир ҳафтадан сўнг... "Сизларни кўргим келди, соғиндим.Айтилган пвйтда, айтилган жойга келинглар илтимос" деган смс келгунга қадар...
Инсон бошига ёмон кун тушса, кўникмоғи қийин.Дарров исён кўтариши, тавба қилмаслиги мумкин. Ўрганолмай қийналиши, ўзиниям, бошқаларниям қийнаши мумкин. Бошига келган талафотдан қутилиш учун ойлар, йиллар керак бўлади...
Яхшиликка, эзгуликка эса тез ўрганади, одам ўғли. Яхшилик, эзгулик шундай бир фазилатки, сўз бўлиб кирсаям, кўнгилда қолади, меҳр бўлиб кирсаям тўғри кўнгилга боради, ачиниш ёки шафқат бўлиб кирсаям, борадиган манзили битта-руҳингда порлайди. Кўнгилни кўтаради, кайфиятни кўтаради, инсонни яхшиликка, эзгуликка бошлайверади...
Орадан бир ҳафта ўтди...
Ўтган ҳафта давомида оиладаги ташвиш, югур-югур оз бўлмади Севара учун.
Акаси Мансуржоннинг, холамни олиб совчиликка боришимиз керак, қизга оғиз солишимиз керак деган гапини ҳаётга йўналтириш, амалга ошириш табиийки, Севарага қолди.
Кечқурун акаси билан бироз хафалашгандай бўлса-да, эрталаб Мансур узр оҳангида ундан ҳол-аҳвол сўради.
-Кеча мандан хафа бўлмадингми, мен сенинг бахтли бўлишингни истайман, бундан сўнгра алданмаслигингни, қийналмаслигингни истайман. Шу сабаб, баъзан ортиқча акалик қилиб юборсам, хафа бўлмагин...
-Тушунаман. Тушунаманку-яя, сиз ўйлаганчалик содда, ғўр бири эмасман ортиқ. Ўтган йиллар тинмай синади мени. Йўқсизлик билан, ёлғизлик билан, хўрлик билан. Сиз ўқишдайкан, кўп азоб чекдим.Боламга, ўзимга бир бурда нон топай деб, кимларнингдир хизматини қилишимгаям тўғри келди. Аммо, ҳақ йўлидан озмадим, йўлдан чиқмадим, нолимадим, чидадим... Шу даражаларга етдим. Гапларингиз оғир ботди. Аммо тўғри бўлгач, индай олмадим.
-Сен менга ота-онамнинг омонатисан, Аллоҳ берган, бир қориндан талашиб тушган жигаримсан. Сени хафа қилган кимса, қаршисида мени кўради. Шуни бил.
Севара гап мавзусини ўзгартирди,
-Бугун холамникига бориб келмоқчиман. Умиджонниям бир айлантириб келай. Маслаҳатлашиб, айтган кунингизга тайёргарлик кўрайлик.
-Яхшиям, манглайимга сен борсан. Харажатидан хавотир олмайман. Икки йилдир бириктирмишларим бор. Аммо, югур-югурига вақтим ҳам, тоқатим ҳаэ йўқ...
-Буёғини менга қўйиб беринг.
Нонушта пайтида бўлиб ўтди бу суҳбат. Акасини ишга кузатгач, ижарачи холага айтиб, кийиниб, ўғилчасини эргаштириб йўлга тушди.
"Анчадан буён холам билан кўришганим йўқ. Яхши юрибдимикин? Қизи бошига кўп кўргиликлар солмаганида, холам арча бақувват эди-яя, анча ёш кўринарди-яя... Клара опам қандай қилиб бу йўлларга кирганини ҳеч англай олмайман. Ўша, мени тунги клубга оборган пайтлари бошланган экан унинг кўргиликлари.
-Манавини ҳидла, бошинг осмонга етгандай хурсанд бўласан. Кайфиятинг кўтарилади, тинмай кулгинг келаверади,- деб бурнига тутганди кукун каби бир нарсани... Аммо, у нарса бошини айлантирган, маст қилиб қўйган, ақлини йўқотишига, тун бўйи тунги клубда сакраб ўйнашига, кимларнингдир қучоғига киришига сабаб бўлган.. Жуда ёмон нарса экан Клара таклиф қилган нарса.
" Биринчи ва охирги марта унинг гапига кирдим. Аммо ўша бир кунги хатонинг азоблари йилларча сурди, йиллаб азоб чекдим. Буёғига ўзимни асрай олдим, ўрганиб қолмадим. Клара опа эса, ўрганиб қолган эканлар.
Аввал у матаҳни текинга берганлар, кейинчалик пул талаб қила бошлаганлар. Пул беролмагач, уларнинг кир юмушларини бажаришга, ифлос тўшакларига ётишга мажбур бўлган Клара... Даволанишни ўзи истаган бўлса, бу дарддан қутилар иншааллаҳ.
