Bilimni baholash agentligi

2024-03-27 19:19:30 Chet tili imtihoni sanalari e’lon qilindi

Chet tilini bilish darajasini aniqlash bo‘yicha bo‘lib o‘tadigan navbatdagi test sinovi sanalari e’lon qilindi. Unga ko‘ra:

test sinovining yozma qismi — 30-31-mart kunlari;

gapirish ko‘nikmasini baholash imtihonlari — 1-apreldan 18-aprelga qadar bo‘lib o‘tadi.

Talabgorlar imtihon joyi, kuni va aniq vaqtini my.gov.uz saytining “Mening arizalarim” bo‘limidan bilishlari va ruxsatnomani yuklab olishlari mumkin.

Talabgorlardan test sinoviga belgilangan vaqtdan kamida bir soat oldin shaxsini tasdiqlovchi hujjat (pasport yoki ID-karta) bilan kelishlari so‘raladi.

Test sinovi o‘tkaziladigan joylar va ularning joylashuvi (geolokatsiya): https://telegra.ph/Chet-tili-03-27

Agentlikning rasmiy sahifalari:
Telegram | Facebook | Instagram | YouTube Ochish/sharhlash

2024-03-27 08:31:48 Attanal Alarabi imtihoni uchun talabgorlar onlayn ro‘yxatga olinmoqda

Attanal Alarabi – arab tilini bilish darajasini aniqlash uchun mo‘ljallangan xalqaro imtihonlardan biri bo‘lib, unda nomzodlarning:

tinglab tushunish;
o‘qish;
gapirish;
so‘z boyligi va grammatika;
yozish ko‘nikmalari sinovdan o‘tkaziladi.

Mazkur imtihonda ishtirok etish istagini bildirgan talabgor my.uzbmb.uz sayti orqali onlayn ro‘yxatdan o‘tib, imtihonda ishtirok etishlari mumkin.

Talabgorlarni ro‘yxatga olish va to‘lovni amalga oshirish (990 000 so‘m) 15-aprel kuniga qadar davom etadi.

Ro‘yxatdan o‘tish uchun havola: https://my.uzbmb.uz/ilmiy/56

Test sinovi 16-aprel kuni Bilimni baholash agentligi binosida (Toshkent shahri Bog’ishamol ko’chasi 12-uy, mo‘ljal: “Bodomzor” metro bekati) bo‘lib o‘tadi.

Ma’lumot uchun: mazkur sertifikatga ega bo‘lgan talabgorlar Prezidentning PQ-5117-son qarorida belgilangan imtiyozlardan foydalanishlari mumkin bo‘ladi.

Qo‘shimcha ma’lumot uchun:
@bba_ilmiy_markaz
(95) 515-68-68

Agentlikning rasmiy sahifalari:
Telegram | Facebook | Instagram | YouTube Ochish/sharhlash

2024-03-26 16:04:08 Nostrifikatsiya bo‘yicha navbatdagi test sinovlari 28-mart kuni o‘tkaziladi

2024-yil 28-mart kuni xorijiy davlatda oliy ta’lim olganlik to‘g‘risidagi hujjatlarni tan olish (nostrifikatsiya qilish) bo‘yicha navbatdagi test sinovlari bo‘lib o‘tadi.

Test sinovida ishtirok etishi belgilangan talabgorlar ro‘yxati, test topshiriladigan fanlar va test topshirish hududi bilan yuqoridagi pdf faylda tanishish mumkin (my.gov.uz sayti yoki Davlat xizmatlari markazlari orqali ro‘yxatdan o‘tishda topshirgan ariza raqami orqali).

Test sinovlari talabgorlarga qulay bo‘lishi uchun ularning doimiy yashash hududiga yaqin bo‘lgan respublikaning 6 ta hududida tashkil etiladi.

Test sinovi o‘tkaziladigan joylar: https://telegra.ph/Nostrifikatsiya-03-26

Talabgorlar imtihon o‘tkaziladigan binoga belgilangan vaqtdan kechikmagan holda shaxsini tasdiqlovchi hujjat (pasport yoki ID-karta) bilan kelishlari lozim.

@NostrifikatsiyaBBA Ochish/sharhlash

2024-03-26 13:56:44 #OnlineSeminar #Live

Turkiyadagi universitetlar bo‘yicha onlayn seminar boshlandi

Onlayn seminarda Turkiyaning Istinye universiteti, Istanbul Okan universiteti va Kipr fanlar universitetida o‘qish, ulardagi ta’lim yo‘nalishlari va mutaxassisliklari haqida ma’lumot beriladi.

Seminar davomida ishtirokchilar mavzu doirasida o‘zlarini qiziqtirgan savollarni berishlari mumkin.

Savollarga Turkiyaning Istinye universiteti, Istanbul Okan universiteti va Kipr fanlar universiteti mutaxassislari tomonidan to‘liq javob beriladi.

26-mart soat 16:00 da — Zoom platformasida.

Onlayn seminarda qatnashish uchun havola: https://us06web.zoom.us/j/89752244360

Agentlikning rasmiy sahifalari:
Telegram | Facebook | Instagram | YouTube Ochish/sharhlash

2024-03-22 06:49:35 Turkiyadagi universitetlar bo‘yicha onlayn seminar

Ma’lumki, Bilimni baholash agentligi tomonidan taqdim etiladigan ingliz tili sertifikati Turkiyaning bir qator universitetlari tomonidan tan olingan.

Bunda mazkur universitetlarga o‘qishga kirish istagini bildirgan ingliz tilidan B2 yoki undan yuqori darajadagi sertifikatga ega abituriyentlarga ushbu fandan maksimal ball beriladi.

2024-yil 26-mart (seshanba) kuni soat 16:00 da Bilimni bahaolash agentligi tomonidan Turkiyaning Istinye universiteti, Istanbul Okan universiteti va Kipr fanlar universiteti bilan hamkorlikda onlayn seminar tashkil etilmoqda.

Unda ushbu universitetlarda o‘qish, ulardagi ta’lim yo‘nalishlari va mutaxassisliklari haqida ma’lumot beriladi hamda talabgorlarni qiziqtirgan savollarga javob beriladi.

Seminar Zoom platformasida o‘tkaziladi va ingliz tilida bo‘lib o‘tadi.

Seminarda ishtirok etish istagini bildirgan talabgorlar ushbu havola orqali ro‘yxatdan o‘tishlari lozim: https://www.nichegrp.com/event-details-registration/online-seminar

Agentlikning rasmiy sahifalari:
Telegram | Facebook | Instagram | YouTube Ochish/sharhlash

2024-03-21 11:28:37 Eʼlon!

my.gov.uz portali server qurilmalari koʻchirilmoqda

21 – 24-mart kunlari Yagona interaktiv davlat xizmatlari portali (my.gov.uz) server qurilmalarini Raqamli hukumat markazining Maʼlumotlarni qayta ishlash markaziga koʻchirish boʻyicha tashkiliy-texnik ishlar amalga oshiriladi.

Shu munosabat bilan my.gov.uz portali va uning xizmatlarini koʻrsatishga ixtisoslashgan barcha modullar, xususan, Davlat xizmatlari markazlari tomonidan xizmat koʻrsatishda foydalaniladigan dxa.gov.uz axborot tizimi faoliyati cheklanadi.

Sizga bayram kunlarini maroqli oʻtkazishni tilaymiz! Bu vaqt ichida biz elektron davlat xizmatlarining ishlashini yanada yaxshilashga intilamiz!

Qoʻshimcha savollar boʻlsa, 1242 raqamiga murojaat qiling.

my.gov.uz egov.uz
Telegram Facebook YouTube instagram Ochish/sharhlash

2024-03-21 07:26:11 Navro‘z ayyomingiz muborak bo‘lsin!

Assalomu alaykum muhtaram vatandoshlar!

O‘lkamizga kirib kelayotgan bahoriy tengkunlik va yangilanish bayrami – Navro‘zi olam munosabati bilan Sizlarni Bilimni baholash agentligi jamoasi nomidan qizg‘in muborakbod etamiz!

Tobora go‘zallashib, farovonlashib borayotgan barqaror, tinch va osuda Vatanimiz rizq-u barakasidan, baxtli xalqimizning mehr-oqibatlaridan doimo bahramand bo‘lish, dasturxon to‘kinligi baxti nasib etsin!

Hayotingiz bahor tongidek tiniq, baxtli va farovon bo‘lsin!

Agentlikning rasmiy sahifalari:
Telegram | Facebook | Instagram | YouTube Ochish/sharhlash

2024-03-20 16:13:29 #RasmiyMunosabat

O‘zbek tili va adabiyot fanidan milliy sertifikat imtihonlari bo‘yicha bildirilgan fikrlarga rasmiy munosabat

https://uzbmb.uz/post/view/o-zbek-tili-va-adabiyot-rasmiy-munosabat

Agentlikning rasmiy sahifalari:
Telegram | Facebook | Instagram | YouTube Ochish/sharhlash

2024-03-20 08:50:45 Guruh nazoratchiligiga ro‘yxatdan o‘tgan talabgorlar diqqatiga!

Bilimni baholash agentligi tomonidan test sinovlarida nazoratchi sifatida ishtirok etish istagida bo‘lgan nomzodlar uchun tanlov e’lon qilingan edi.

Unga ko‘ra 2024-yil 1-fevraldan 1-martga qadar my.uzbmb.uz saytining “Guruh nazoratchiligiga tanlov” bo‘limi orqali nomzodlar ro‘yxatga olindi.

Mazkur muddat davomida ro‘yxatdan o‘tgan nomzodlarning shaxsiy kabinetiga keyingi bosqichga o‘tgan yoki o‘tmagani to‘g‘risida ma’lumot joylashtirildi.

Keyingi bosqichga tavsiya etilgan nomzodlar uchun 25-mart kunidan barcha hududlarda oflayn tarzda o‘quv-seminar mashg‘ulotlari boshlanadi.

Keyingi bosqichga tavsiya etilgan nomzodlar uchun o‘quv-seminar mashg‘ulotlarida ishtirok etish bo‘yicha ruxsatnoma nomzodlarning shaxsiy kabinetiga joylashtirildi.

Ruxsatnomada nomzodlar qachon, qayerda seminarda ishtirok etishi ko‘rsatilgan bo‘lib, ruxsatnomani my.uzbmb.uz sayti orqali shaxsiy kabinetdan yuklab olish mumkin.

Seminarlarda ishtirok etgan nomzodlar yakuniy nazorat sinovidan o‘tkaziladi va eng yuqori natijaga erishganlar keyingi bosqich (suhbat)ga tavsiya etiladi.

Izoh: o‘quv-seminar mashg‘ulotlariga o‘z vaqtida kelmagan nomzodlar tanlovdan chetlatiladi.

Agentlikning rasmiy sahifalari:
Telegram | Facebook | Instagram | YouTube Ochish/sharhlash

2024-03-19 16:21:00 Chet tili imtihoni natijalari e’lon qilindi

2024-yil 3-martdan 12-martga qadar bo‘lib o‘tgan chet tilini bilish darajasini aniqlash test sinovi natijalari e’lon qilindi.

Test natijalari my.gov.uz saytida e’lon qilingan bo‘lib, talabgorlar “Mening arizalarim” bo‘limidan o‘z natijalari bilan tanishishlari mumkin.

Test sinovidan muvaffaqiyatli o‘tgan talabgorlar o‘z sertifikatlarini my.gov.uz sayti orqali elektron tarzda yuklab oladilar.

Eslatma: o‘z natijasidan norozi bo‘lgan talabgorlar test natijalari e’lon qilingan kundan boshlab 3 kun ichida (20-22-mart) my.gov.uz sayti orqali apellatsiya shikoyati berishlari mumkin.

Agentlikning rasmiy sahifalari:
Telegram | Facebook | Instagram | YouTube Ochish/sharhlash