AZIZON.UZ

2024-05-20 08:08:18 Абу Ҳурайра розияллоҳу анҳудан ривоят қилинади: Расулуллоҳ соллаллоҳу алайҳи ва саллам дедилар: «Амаллар ҳар душанба, пайшанба кунлари (Аллоҳга) кўрсатилади. Менинг амалим рўзадор бўлган ҳолимда кўрсатилишини истайман» (Имом Термизий ривояти).
Рaсулуллоҳ соллаллоҳу алайҳи васаллам душанба куни рўза тутишларини сабаби сўралганда қуйидагича жавоб бердилар: Абу Қатода розияллоҳу анҳудан ривоят қилинади: «Набий соллаллоҳу алайҳи васалламдан душанба ва пайшанба куни рўзаси ҳақида сўралди. У Зот: «Ўша кунда туғилдим ва ўша кунда менга Қуръон нозил қилинди», дедилар».

@AZIZON_UZ

ЯҚИНЛАРИНГИЗГА УЛАШИНГ!
https://t.me/joinchat/AAAAAEhN9hryo8VgdDcELQ Ochish/sharhlash

2024-05-19 06:38:06 #Соғлиқ_ва_иймон

Ислом динида инсон саломатлиги энг катта неъматлардан ҳисобланади. Расулуллоҳ соллаллоҳу алайҳи васаллам биз умматларига саломатлик неъматни доимо Аллоҳ таолонинг Ўзидан сўраб туришга буюрганлар.

Абу Бакр Сиддиқ розияллоҳу анҳудан ривоят қилинади:

«Расулуллоҳ соллаллоҳу алайҳи васалламнинг "Аллоҳдан яқийнни ва мустаҳкам соғликни сўранглар. Зеро, одамларга яқийн ва мустаҳкам соғликдан кўра яхшироқ нарса берилмаган", деганларини эшитдим».

Термизий ривоят қилган.

"Яқийн" мустаҳкам иймондир. Демак, бандага Аллоҳ томонидан берилган неъматлар ичида энг биринчи ўринда мустаҳкам иймон турса, ундан кейин эса, соғлик турар экан.

«Мукаммал саодат йўли». Шайх Муҳаммад Содиқ Муҳаммад Юсуф роҳимаҳуллоҳ.

https://t.me/MuhammadAli_MuhammadYusuf Ochish/sharhlash

2024-05-18 11:41:56 #Жаннат_йўли

Жобир розияллоҳу анҳудан ривоят қилинади:

«Набий соллаллоҳу алайҳи васалламнинг ҳузурларига Нуъмон ибн Қавқал келиб, «Эй Аллоҳнинг Расули, айтингчи, фарз намозларни ўқисам, ҳаромни ҳаром десам, ҳалолни ҳалол десам, жаннатга кираманми?» деди. Набий соллаллоҳу алайҳи васаллам: «Ҳа», дедилар».

Имом Муслим ривоят қилган.

Изоҳ: «Ҳаромни ҳаром десам, ҳалолни ҳалол десам» деб, ҳаром амалларни қилмасам, ҳалол амалларни қилсам, демоқчи.

https://t.me/MuhammadAli_MuhammadYusuf Ochish/sharhlash

2024-05-16 17:44:34 @AZIZON_UZ

#Намоз_вақтлари

САМАРҚАНД ВИЛОЯТИ 

17-23 МАЙ

Бомдод 04:25
Пешин 13:00
Аср 17:40
Шом 19:50 
Хуфтон 21:20

Албатта, намоз мўминларга вақтида фарз қилингандир».

(Нисо сураси, 103-оят).

Яқинларингизга ҳам улашинг!
https://t.me/joinchat/SE32GhzkArHCmGhJ Ochish/sharhlash

2024-05-16 16:16:29 #Жамланиб_таом_ейиш

Ваҳший ибн Ҳарб отасидан, у бобоси розияллоҳу анҳудан ривоят қилади:

«Набий соллаллоҳу алайҳи васалламнинг саҳобалари: «Эй Аллоҳнинг Расули, биз таом еяпмиз, лекин тўймай қоляпмиз», дейишди. «Алоҳида-алоҳида еяётган бўлсангиз керак-да?» деган эдилар, «Ҳа», дейишди. «Таомингизни жамланиб, бисмиллаҳ айтиб енглар, шунда унга барака берилади», дедилар».

Абу Довуд ривоят қилган.

https://t.me/MuhammadAli_MuhammadYusuf Ochish/sharhlash

2024-05-16 08:24:18 ЁМҒИР ПАЙТИДАГИ ДУО РАД ҚИЛИНМАЙДИ...

Расулуллоҳ соллаллоҳу алайҳи васаллам ёмғир ёғишни бошлаганда бундай дуо қилардилар:
"Аллоҳумма, инний асалука хойроҳаа ва хойро маа фийҳаа ва хойро маа урсилат биҳ ва аъуузу бика мин шарриҳаа ва шарри маа фийҳаа ва шарри маа урсилат биҳ".

Маъноси: "Аллоҳим, Сендан бунинг (шамолнинг) яхшисини, ундаги яхшиликни ва у билан юборилган нарсанинг (ёмғирнинг) яхшисини сўрайман. Сендан унинг ёмонидан, ундаги ёмонликдан ва у билан юборилган нарсанинг ёмонидан паноҳ сўрайман".

Расулуллоҳ соллаллоҳу алайҳи васаллам: "...ёмғир пайтидаги дуо рад қилинмайди", дедилар.

Аллоҳ таоло ёғаётган ёмғирни хайрли ва баракали қилсин!

#duo #yomgir
MUSLIM.UZ GA OBUNA BO'LING VA ULASHING

YouTube | Instagram | Facebook Ochish/sharhlash

2024-05-15 17:55:18 Ochish/sharhlash

2024-05-14 12:37:38 TAҚBO

– Тақво бу қиёмат кунида ҳеч ким сенинг ёқангдан олмаслигидир.

– Тақво бу қалб истакларини гавдалантириб бир лаганга қўйилиб бозорларда (ҳаммага) намоён қилинганда ҳам ҳеч қандай надомат бўлмаслигидир.

– Биз илм ва тақво билан сифатланган салафи солиҳлар паноҳ сўраган замонда яшаяпмиз.

– Қалбга васваса келиши раҳмат ҳисобланади, тақвога зид иш саналмайди. Бунинг ҳикмати шуки, бу туфайли инсоннинг ўзига бино қўйиш асоси кесилади. Зеро, ҳадиси шарифда: «Ўша нарса очиқ-ойдин иймондир», дейилган.

– Валийлик иймонга ва тақвога боғлиқ. Бу иккиси эса инсоннинг қалбига алоқадор бўлади.

– Тақвосизнинг пешқадам кўриниши худди пуфлаб шишириб қўйилган руҳсиз гавдага ўхшайди.

Шайх Зулфиқор Аҳмад Нақшбандий
@mehrob_uz Ochish/sharhlash

2024-05-14 06:54:08 #Намоздан_кейинги_дуо

Ҳорис ибн Муслим Тамимий розияллоҳу анҳудан ривоят қилинади:

«Менга Набий соллаллоҳу алайҳи васаллам: «Агар бомдод намозини ўқисанг, гапиришингдан аввал етти марта «Аллоҳумма ажирни минаннар»* дегин. Агар сен ўша куни ўлсанг, Аллоҳ сенга дўзахдан ҳимоя битажак. Агар шом намозини ўқисанг, гапиришингдан аввал етти марта «Аллоҳумма ажирни минаннар», дегин. Агар сен ўша кеча ўлсанг, Аллоҳ сенга дўзахдан ҳимоя битажак», дедилар».

* «Аллоҳим, мени дўзахдан қутқар».

Абу Довуд ва Насоий ривоят қилишган.

https://t.me/MuhammadAli_MuhammadYusuf Ochish/sharhlash

2024-05-13 10:11:57 #Зикр

Абу Мусо Ашъарий розияллоҳу анҳудан ривоят қилинади:

«Набий соллаллоҳу алайҳи васаллам менга: «Жаннат хазиналаридан бирини сенга айтайми?» дедилар. Мен: «Ҳа, айтинг, эй Расулуллоҳ», дедим. Шунда Расулуллоҳ соллаллоҳу алайҳи васаллам: «Ла ҳавла ва ла қуввата илла биллаҳ»ни айт, у жаннат хазиналаридандир», дедилар».

Бухорий ва Муслим ривоят қилишган.

https://t.me/MuhammadAli_MuhammadYusuf Ochish/sharhlash