2023-02-23 23:32:58
#Архив
1957 - год Муйнак
БАЛАМ-ӘЙ
Арал десем дәртлерим,
Қоза берер балам-әй.
Мәжилиспазлар гәплерин,
Соза берер балам-әй.
Қызыл сөзден суў толмас,
Үмитим сен балам-әй.
Кисиге қалған күн оңбас,
Жигит бол тез балам-әй.
Ақ сийнемнен барған дуз,
Уўлар тәниң балам-әй.
Жан ҳалатта бир теңиз,
Шуўлар жаным балам-әй.
Бул апатты жоймасаң,
Ел жойылар балам-әй.
Әжел көзин оймасаң,
Жер ойылар балам-әй.
Дәрья суўын молайтып,
Набат еткил балам-әй.
Ел-халқыңның талайын,
Абат еткил балам-әй.
Жүз жылдан соң бул жырым,
Тарийх болғай балам-әй,
Бағлар ғаўлап қулпырып,
Тәрийп болғай балам-әй.
Дәртим кетип ылағып,
Ертек болғай балам-әй.
"Ертегиңниң қулағы,
Келте болғай балам-әй".
1993-жыл.
Гүлнара НУРЛЕПЕСОВА.
𝐓𝐞𝐥𝐞𝐠𝐫𝐚𝐦 | ҚАРАҚАЛПАҚСТАН АЗАТЛЫҒЫ.
196 viewsedited 20:32