Ўсувнинг илк босқичларида зарарланган ўсимликлар паст бўйли бўлиб қолиши мумкин, уларда коса шаклини эслатувчи ва юқорига буралган майда хлоротик баргли тик турувчи шохлар ҳосил бўлади. Кучли зарарланган ўсимликлар одатда мева тугмайди.
Кўпинча мураккаб барг япроқчаларининг сарғайиши, баргларнинг коса шаклини олиши, мева тугмаслик ва гулларнинг яхши ривожланмаслиги каби белгилар ҳам кузатилади.
Касалликни қўзғатувчи вирус зарарланган помидор ўсимлиги ёки итузумгулдошлар оиласига мансуб бир неча хил бегона ўтлардан Оққанот личинкасига ўтади ва унинг етук зотлари томонидан олиб ўтилади.
Вирус механик йўл билан юқмайди. Мазкур касалликнинг кучли авж олиши кўпинча Оққанот популяциялари сонининг ортиб кетиши билан боғлиқ бўлади.
Ҳозирда республикамиз иссиқхоналарида ушбу вирус касаллигига қарши профилактика учун ёғсизлантирилган сут ёки қатиқ зардобнинг 10%ли концентрацияси, касалликка қарши курашда эса, "Лавирон" вирулицид препарати (олдини олишда 10 литр сувга 10г, қарши курашда 15г) қўлланилиши юқори самарали натижа кўрсатади.
