ПОЛИЗ ЭКИНЛАРИНИНГ ЎРТАКИ ВА КЕЧКИ НАВЛАРИ ҚАЧОН ЭКИЛАДИ? Апрель охиридан май ойи охиригача айрим полиз экинларини ўртаки ва кечки навларини экишнинг энг мақбул муддати ҳисобланади. Марказий минтақада жойлашган вилоятларда қовун ва тарвузнинг ўртакиси 20 апрелдан 10 майгача, кечкиси 15 майдан 10 июнгача, жанубий вилоятларда ўртагиси 10–20 апрелда; кечкилари эса 10–20 июнда экилади. Шимолий минтақаларда ўртагисини 25 апрелдан 10 майгача; кечкисини 20–30 майда экиш зарур. Экиш учун қовуннинг эртапишар Рохат, ўртапишар Суюнчи-2, Олтин водий, Лаззатли, Олтинтепа, Кичкинтой, Оби новвот, Гурвак, Бўри калла, кечпишар Тўёна, Гурлан, Амударё, Гулоби Хоразмий, Зар гулоби, Саховат, Умир воқи, Бешак навларини экиш тавсия этилади. Тарвузнинг эртапишар Ўринбой, Манзур, Чиллаки F1, Крисби F1, Кримстар F1 ва ўрта эртапишар Сурхон тонги навларини шу кунларда экишдан кечиктирмаслик зарур. AGROBLOGER канали: @agrobloger 1.7K views02:30
