Advokat Abdullayev

2023-12-16 10:14:49 Одил судлов: Собиқ судья ҳасратидаги жиддий таклиф

Адвокат сифатида фаолият юритишга эндигина киришган собиқ судья билан кутилмаганда учрашиб қолдик. У бир неча йил турли инстанцияларда судьялик қилган ва бу тизимдаги фаолиятини Олий суднинг судьяси деган шарафли лавозимда анча вақт ишлагани ҳолда якунлаб, адвокатлик билан шуғулланишга қарор қилган эди.

У билан суҳбатимиз давомида бир нарсани ачиниб, ҳам куюниб гапирди. “Олий суд судьяси бўлиш учун албатта камида 5 йил адвокат бўлиб ишлаш керак экан. Буни Олий суд судьяси бўлган одам - мен Сизга айтяпман. Нега бундай фикрлаётганимни тушунтираман: Мен адвокат сифатида фаолият юритишга киришганимдан кейингина шунақанги адолатсизликларга дуч келяпман-ки, тасаввур қила олмайсиз. Вақтида Олий суд судьяси бўлиб ҳам, буни кўра олмаган эканман. Мен судьяларнинг, ҳа-ҳа, айнан судьяларнинг адолатсизликлари, ишга нохолис ёндашишларини назарда тутяпман ва "Шу даражада ҳам бўладими?", - деб юборяпман. Тушунтирсам, судьялар тушунмайди. Асослаб келтириб берсам ҳам инобатга олмайдилар-да, "юқорига ёзарсиз", - дейишади-қўяди. Агар ўша судьялар адвокат бўлиб, озгина бўлса ҳам ишлаб кўришса, кейин тушунишади”, - деб куйиниб, ич-этини еётган дардини дастурхон қилди.

Биз эса ҳасратлар замирида ажойиб ва айни пайтда жуда жиддий бир таклиф яширинганига эътибор қаратдик. Вақт келади, биз бунга ишонамиз, судья бўлиш учун албатта адвокат бўлиб, қанчадир муддат ишлаганлик талаби қўйилади. Чунки инсоннинг энг аввалги сирдоши унинг яқинлари бўлса, ундан кейин албатта адвокатдир. Уни дардига шерик бўлиб эшита олувчи ва воқеалик ҳамда вазиятларга аввало инсоний ёндаша олиш кўникмасини айни шу касб билан маълум муддат шуғулланиб кўриш орқали олиш мумкин эканлигига шубҳа йўқ. Терговчи, прокурор ва судьялар билан эса ўртада барибир масофа, жуда узоқ масофа сақланиб туради.

Шундай экан, таклиф деб илгари сурилаётган шундай амалиётни секин аста жорий этиб бориш устида мулоҳаза қилиб кўришимиз керак.

Каналга уланиш:
@Advokat_Abdullayev Ochish/sharhlash

2023-12-16 06:58:24 Ажойиб маслаҳат

Агарда Сиз ўзига ишонган уч киши билан суҳбатлашсангиз, Сиз тўртинчиси бўласиз.

Каналга уланиш:
@Advokat_Abdullayev Ochish/sharhlash

2023-12-14 11:48:07 Жамоатчиликни чалғитманг!

Куни кеча ижтимоий тармоқларда "Бухорода ЙПХ ходимини видеога олиб, тарқатган шахслар жазоланди"сарлавҳаси остида тарқалган хабар эътиборимизни тортди.

Хабарда ёзилиши ҳамда ЙҲХБ Ахборот хизмати мухбирининг нутқларида талқин қилинишича, ушбу шахслар айнан ЙПХ ходимини видеога олиб, тарқатган эканликлари учун суд томонидан Ўзбекистон Республикаси Маъмурий жавобгарлик тўғрисидаги кодексининг 183-моддаси билан жавобгарликка тортилган эмишлар. Мазкур модда ҳеч қандай видео, аудио ёки бошқача шаклдаги материалларни тарқатишни ифодаламаслигини фарқлай олишмаган кўринади.

Асл воқеликка кўра эса, муҳокама мавзусидаги ўша шахслар майда безорилик, яъни жамиятда юриш-туриш қоидаларини қасддан менсимасликдан иборат хатти-ҳаракатларни содир этган, деб топилиб, жавобгарликка тортилганлар. Суд томонидан тасдиқланган айбловга эса Ички ишлар ходимини хизмат вазифасини ўташ чоғида тасвирга олинганлиги ва, ёки тасвирни ижтимоий тармоқларда тарқатилганлигининг ҳеч қандай алоқаси йўқ.

Шу ўринда, ОАВ муҳбирлари, журналистлар, блогер, қўйинг-ки, хабарлар ва маълумотларни жамоатчиликка етказишга уринувчи барчага тавсия қилган бўлар эдик-ки, сиз тарқатмоқчи бўлаётган воқеликлар, сиз шарҳламоқчи, изоҳлар бермоқчи бўлаётган жараёнларни талқин қилишда айнан ўша соҳа мутахассислари билан бамаслаҳат иш тутсангиз, юқоридаги каби хатоликлар, воқеликни нотўғри талқин қилиниши ҳолатларининг олдини олган бўласиз. Токи, нотўғри талқинларингиз Сизни кузатувчи кенг жамоатчиликни асл ҳақиқатдан чалғиб кетишига хизмат қилиб қолмасин!

Каналга уланиш:
@Advokat_Abdullayev Ochish/sharhlash

2023-12-13 07:52:23 Уч марта қўнғироқ қилингандан кейин ҳам жавоб бўлмаса, қўнғироқ қилишни тўхтатиш лозим

Бировни чақириш одоби шуни тақозо қилади.

•Биринчи чақириш ила ҳожати борлиги билдирилади.
•Икккинчи чақириш билан истагини яна бир бор таъкидлайди.
•Учинчиси эса охирги чақириш бўлади.

Шундан кейин ҳам жавоб бўлмаса, чақирилаётган киши ўта банд экани ёки чақирувчига жавоб бериш истаги йўқлиги аломати бўлади.

Шайх Муҳаммад Содиқ Муҳаммад Юсуф роҳимаҳуллоҳ.  "Ижтимоий одoблар"  китобидан (245-бет)

Каналга уланиш:
@Advokat_Abdullayev Ochish/sharhlash

2023-12-12 11:34:01 Одил судлов: муаммолар ихтиёрларнинг чегараланмаганида

Тан олишимиз керак-ки, судьялар ҳукм чиқаришда жуда катта ихтиёрга эгадирлар. Масалан, муайян бир иш қайси судьяга келиб тушганига қараб, турлича ҳукм чиқарилиши мумкин. Ачинарлиси эса, бунинг табиий қабул қилиниб келиниши. Кечирасиз-ку, лекин ушбу табиийлик "Одил судлов" тушунчасига мутлақо тўғри келмайди, бизнингча. Стандардлар йўқ. Яъни, судья учун мажбурий бўлган, шахсий бўлмаган қоидалар тўплами ишлаб чиқилиши муаммонинг ечими бўлиши мумкин.

Чунки, судьянинг ихтиёри мезонга солина олмаслиги ҳукм чиқариш имкониятларини суистеъмол қилинишига олиб келиши табиий. Шахсга, масалан, жарима ёки озодликдан маҳрум қилиш жазоси тайинлаш баробарида унинг ҳуқуқлари чекланиши мумкин, лекин бирор аниқ ҳуқуқий меъёр бу борада муайян жазо турини, меъёрини танлашни қатъий белгилаб бера олмаган.

Судьянинг танловини ҳақиқий текшириш имконини берувчи аниқ қоидалар йўқ. Ҳукмнинг оқибатларини синчковлик билан таҳлил қилишни назарда тутувчи нормативлар мавжуд эмас.

Судья шу даражада эркиндир-ки, ҳатто тақдири унинг қўлига тушиб қолганлар уни маъқулламаганлари учун ҳам жазолаш имконияти унга бериб қўйилган.

Қонун ижод этувчилардан ҳукмнинг жоиз бўлган мақсадларини аниқлайдиган ва бу мақсадларни қўллаш бўйича кўрсатмалар берадиган нормаларни истаймиз. Шундай нормалар-ки, судьяларга ўз ҳукмларининг сабабларини ошкора очиқлаш мажбуриятини юкласин. Шундай нормалар-ки, судьяга ихтиёр бермасин, унинг кайфияти, характери ва бошқа шунга ўхшаш шахсий омиллар рол ўйнаб қўймасин.

Каналга уланиш:
@Advokat_Abdullayev Ochish/sharhlash

2023-12-11 11:38:33 Диний саволларга жавоб берувчи колл-марказ фаолияти кенгайди ва инновацион хизматлар қўшилди

Фатво марказининг колл-маркази: 781503344 телефон рақами орқали малакали мутахассислар билан боғланиб шаръий саволларга батафсил жавоб олишингиз мумкин.

Иш вақти: Душанба-Жума, соат 9:00-17:00, тушлик вақти бундан мустасно.

Fatvo.uz ни ўзингизга қулай бўлган тармоқларда кузатиб боринг!

Аллоҳ таоло барчамизни Ўзининг розилиги йўлида таълим олиб, зиё тарқатадиган бандаларидан қилсин!

Манба: Fatvo.uz

Каналга уланиш:
@Advokat_Abdullayev Ochish/sharhlash

2023-12-09 13:48:11 Олий суд: Telegram-бот имкониятлари кенгайтирилди

Ўзбекистон Республикаси Олий судининг расмий веб-сайти “Интерактив хизматлар” рукнидаги Telegram-бот хизмати такомиллаштирилиб, фуқароларга қулайлик яратиш мақсадида ундаги имкониятлар кўлами кенгайтирилди.

Шу муносабат билан, Олий суд ахборот хизмати муқаддам йўлланган мурожаатларни янги талқиндаги Telegram-ботга қайтадан юборишни сўради.

Telegram-бот маълум қилишича, ушбу телеграм бот орқали фақат ишларини ўз вақтида, тўғри кўриш ва ҳал этиш, ишлар кўрилишини асоссиз чўзилишига барҳам бериш, судлар фаолиятидаги бюрократия ва коррупцияга оид мурожаатлар қабул қилинар экан.

#бот

Каналга уланиш:
@Advokat_Abdullayev Ochish/sharhlash

2023-12-09 13:33:13 ИБРАТ СОАТИ

Бир рассом гўзал расм чизди. Ва уни кўпчилик йиғиладиган жойга қўйиб, синаб кўрмоқчи бўлди. Расмни қўйиб, тепасига ёзиб қўйди: "Кимда-ким бу расмда озгина бўлсада камчилик кўрса, устига қизил қалам билан белги қўйсин".

Кечқурун келиб қараса, расм қизил бўёққа тўлиб кетибди. У устози олдига бориб расмдан воз кечмоқчилигини айтади.
— Йўқ, — деди устози унга. — Сен яхшиси иборани ўзгартир: ким расмда камчилик кўрса, уни тузатсин, деб ёзиб қўй.

Рассом устозининг айтганини бажарди. Буни қарангки, орадан бир неча кун ўтса ҳам, расмга ҳеч ким яқинлашмади.
— Кўрдингми, — деб кулди рассомнинг устози. — Бу ҳаётда ҳамма нарсадан хато топадиганлар кўп, бироқ шу хатони тузатадиган — ислоҳ этадиганлар жуда кам.

Мухлислардан

Каналга уланиш:
@Advokat_Abdullayev Ochish/sharhlash

2023-12-08 14:54:43 Диний таъқиб: Судьянинг ёндашуви таҳсинга сазовор

Эътиборимизни жиноят ишлари бўйича Юнусобод туман судининг судьяси З.Латиповнинг 2023 йил 30 ноябрдаги қарори тортди.

Ш.А. га нисбатан Юнусобод туман ИИО ФМБ ҲПБ томонидан расмийлаштирилган маъмурий баённомага кўра, у диний мазмундаги материалларни тарқатиш мақсадида қонунга хилоф равишда сақлаб келган. Маъмурий материал судга уни ЎзРМЖтКнинг 184-2-моддаси билан маъмурий жавобгарликка тортиш учун юборилган.

Ушбу маъмурий ҳуқуқбузарлик содир этганлик учун 6 млн. 800 минг сўмдан 34 млн. сўмгача жарима жазоси назарда тутилган.

Суд қарорига кўра эса, Ш.А.нинг ҳаракатларида ушбу моддада назарда тутилган маъмурий ҳуқуқбузарлик аломатлари йўқ, деб топилган ва маъмурий иш тугатилган.

Асос сифатида, тақиқланган диний материаллар интернет жаҳон ахборот тармоғида ҳар қандай фойдаланувчи томонидан юклаб олиниши, сақланиши ёки эшитиб турилиши мумкинлиги, ушбу ҳолат аудио материаллар айнан тарқатиш мақсадида сақланганлигини англатмаслиги келтирилган. Ўз навбатида, тарқатиш учун сақлаб келганлиги билан боғлиқ бирор бир далил аниқланмаганлиги урғуланган.

Албатта, бизнингча ҳам суднинг бундай ёндашуви мантиқли ва қонуний асосга эга. Бундай қарорларни олқишлаймиз.

Каналга уланиш:
@Advokat_Abdullayev Ochish/sharhlash

2023-12-08 10:32:11 Дания парламенти Қуръони карим ва бошқа муқаддас китобларга оммавий равишда нотўғри муносабатда бўлишни жиноят, деб белгилади

Дания парламенти муқаддас матнларни таҳқирлашни тақиқловчи қонунни маъқуллади. У мамлакатда террорчилик хавфини ошираётган «тизимли таъқиблар»ни тўхтатиш мақсадида қабул қилинди.

Янги қонунга кўра, «диний жамоалар учун муҳим бўлган муқаддас матнларга, шунингдек, муқаддас китобларга ўхшаш нарсаларга оммавий равишда нотўғри муносабатда бўлиш жиноят ҳисобланади». Тақиқ «муқаддас матннинг кичик бир қисмини» ўз ичига олган санъат асарларига тааллуқли эмас.

Янги қонунни бузганларни жарима ёки икки йилгача қамоқ жазоси кутмоқда. Қонун йил охиригача имзоланиши кутилмоқда.

Reuters агентлигига кўра, биргина 2023 йилда Қиролликда 500 дан ортиқ марта Қуръони карим ёқиб юборилган. Ислом Ҳамкорлик Ташкилоти ва унинг кўплаб аъзолари бундай ҳаракатларни кескин қоралаган эди.

Манба: Kun.uz

Каналга уланиш:
@Advokat_Abdullayev Ochish/sharhlash