2023-04-09 04:01:01
Erishib bo‘lmaydigan 5 ta maqsad
Har qanday masalaga yechim topish mumkin, har qanday natijaga erishish mumkin. Faqat buning uchun maqsadni to‘g‘ri qo‘ya olish, maksimal kuch sarflash lozim va albatta, natijalar ham kuttirib qo‘ymaydi. Ko‘p hollarda bu yordam beradi. Ammo hayotda butunlay erishib bo‘lmaydigan shunday maqsadlar borki, ularga vaqtingizni, pulingizni, kuchingizni sarflash yaramaydi.№1: “Hammani baxtli qilishim kerak”
Haqiqat shundaki, buni amalda bajarib bo‘lmaydi. Har bir individ o‘z holati, baxtli yoki baxtsizligi uchun o‘zi javobgar. Bunday istak ko‘pincha qarama-qarshi jins vakili bilan munosabatlarda aks etadi. Ehtimol, siz juftingiz bilan munosabatlarda ham hissiy, ham moddiy jihatdan ko‘p hissa qo‘shgandirsiz. Siz doim boringizni baxsh etib, evaziga norozilik va mahzun qiyofaga duch kelgandirsiz. Bu holat sizga tanishmi?
№2: “Men mukammal bo‘lishim kerak”
Va nihoyat muvaffaqiyatga erishish kalitini topdik! Buning uchun muakammal bo‘lish va xato qilmaslik kerak, xolos. Haqiqatan ham, muvaffaqiyatga erishgan odamlar shunday mukkammal zotlarki, ular bilan hech qanday ko‘ngilsizlik va janjallar ham bo‘lmaydi! Umid qilamizki, bu gaplardagi istehzoni tushundingiz.
№3: “Mening hamma loyihalarim muvaffaqiyat bilan yakunlanishi kerak”
Erishib bo‘lmaydigan bu maqsad avvalgisiga yaqin. Aslida, sizni xatolaringiz uchun tanqid qilishlaridan qattiq qo‘rqasiz. Bizni harakatsiz qilib qo‘yadigan ikki katta qo‘rquv bor: muvaffaqiyatsizlikka uchrash yoki tanqid eshitish. Tan oling, bir bor bo‘lsa ham, shu fikrga borgansiz: “Yangi ishda o‘zimni sinab ko‘rsam, do‘stlarim nima deb o‘ylaydi? Agar qo‘limdan kelmasa nima bo‘ladi?”. Muvaffaqiyatsizlikdan qo‘rqishni bas qilsangiz va atrofdagi odamlarning fikriga qaramlikdan xalos bo‘lsangiz, hayotingiz qay darajada o‘zgarib ketishini tasavvur qilavering.
№4: “Qo‘ygan maqsadlarimga 25, 30, 40, 50, 60 yoshgacha erishishim kerak”
Ko‘pincha maqsad – amalga oshish muddati aniq ko‘rsatilgan orzu, degan gapga duch kelamiz. Natijada “25 yoshimgacha uy qurishim kerak, 30 yoshlarimda farzandli bo‘lishim kerak”, kabi shiorlar bosimi ostida yashaymiz. Real hayotda maqsadga erishish o‘ylaganimiz yoki belgilaganimizdan ikki karra ko‘proq vaqtni oladi. Muddat kelib qolib, odam hech narsa o‘zgarmaganini tushunganida esa hafsalasi pir bo‘ladi va o‘zini omadsiz deb hisoblaydi. Shuni bilib qo‘yingki, bu kabi muddatlar, aslida, bizni hech narsaga majburlamaydi.
Hayotingizda o‘ylagan rejalaringiz amalga oshmayotgan bo‘lsa, sarob va ilojsiz maqsadlar ortidan quvishni bas qiling. Sizni baxtli qiladigan aniq maqsadlarni qo‘ying.Safimizga qo'shiling, do'stlar!
https://t.me/+HD_4cc5sqoozZGZihttps://t.me/+HD_4cc5sqoozZGZi
47.3K views01:01