Инсоннинг ўзини англаши – иродасининг асоси ҳисобланади. | Zebiniso Ahmedova — psixolog blogi
Инсоннинг ўзини англаши – иродасининг асоси ҳисобланади.
Иродани ишлатиш аввало, ўзини бошқариш демакдир. Сиз ўзингизни бошқариш учун нималар қилишингиз лозим?
Биринчи қадам: ироданинг биринчи кўриниши чидамдир. Инсон бирор воқеа ва ҳодисага ёки инсонларга қараб уларни борича қабул қила олмаганида асабийлашади. Қачонки инсон ҳаётида бўлаётган воқеа ҳодисани аввало тушуниб олишга ва ечим топишга ҳаракат қилса, ўша бошқанғич кучнинг оти чидамдир.
Ўзингизда чидам пайдо қилиш учун нималардан бошлашингиз керак?
Машқ
Айтайлик, сизни “ўзингиздан чиқиб” кетишингизга олиб келувчи бир ҳодиса рўй бермоқда. Ичингизда ўша воқеагаям, ўша инсонларга нисбатан ҳам ёмон кўриш бостириб келди. Энди сиз уларга ичингизда ўйлаётган гапларингизнинг ҳаммасини айтиб ташлагингиз келди. Бу ичингиздан чиқаётган оловдир. Унинг бошқа номи жаҳл. Шу пайти сизнинг ичи кучингиз ҳисобланган “чидам” ишга тушади ва сиз чуқур нафас оласиз. Ёмон кўришнинг ўрнига “вазият менинг мақсадларимга ҳизмат қилиши учун ўзимни қандай тутишим керак?” деб чуқур нафас оласиз. Мана шу саволни айтишингиз учун ўзингизни ўзингиз эшитишингизни чидам деб атасак бўлади. Сизни бошқарган жаҳлни эмас, сизни мақсадга элтувчи ҳаракат нима эканлигини ўйлаб кўришга ичингиздан куч топа олдингиз. Яна бир марта чуқур нафас олиб чуқур нафас чиқаринг.
Иккинчи қадам: танангизни бошқариш учун танангизда кечаётган ҳолатларни бошқаринг.
Айтайлик, қўлингизга игна ва ип олдингиз. Энди шу ипни игнанинг тешигидан ўтказишингиз керак. Бунинг учун барча диққатингиз ўша ип ва игнанинг тешигига қаратилган бўлади. Яна қўлингиз ҳам қимирлаб кетмаслиги лозим. Яна ипнинг учини нинанинг тешигига тўғрилаганингизда қарор чиқариб уни игнанинг тешигидан ўтказиб олишингиз лозим. Мақсад ҳам ҳудди шундай. Барча диққатингиз унга қаратилиши керак. Сизни ҳеч ким ва ҳеч нарса мақсадингиздан чалғита олмаслиги лозим. Ва аниқ бажара олишингизга кўзингиз етганида тезлик билан қарор чиқариб игнани ипли қилиб, ипнинг учини тугиб ҳам олишингиз лозим. Бу ишларни қилаётганингизда жаҳлингиз чиқса нима бўлади. Сизни асабингиз ўйнаб кетса нима бўлади. Ҳар доим сизнинг ҳаётингизда асабингизга ўйнайдиган, сизга ёқмайдиган одамлар, вазиятлар бўлаверади. Сиз эса мақсадингиздан қолманг. Шу тўғри йўл, шу тўғри қарор, шу йўлда сиз асабларингизни йўқотмайсиз. Биласизми, нима деб ўйладингиз? Ҳаётда ҳамма нарса ҳам сиз айтаётгандек осон эмас, деб ўйладингизми? Мақсадим учун бошқа кераксиз нарсаларга вақтимни кетказмайман!” дейиш шунчалик қийинмиди? Йўқ! Қийин эмас! Унда ҳозирча, бошланишига “Мақсадим учун кераксиз ҳеч нарсага диққатимни қаратмайман!” денг, бўлди!
“Ўзингизга ишонч пайдо қилинг!” китобимдан лавҳа.
Психологдан Консультация олиш учун қуйидаги тел. рақамларга мурожаат қилинг:
Тел: +998908055580
Тел: +998909444612
Каналга уланиш:
» @ZebinisoPsixolog
... ва инфо канал:
» @ZebinisoAhmedova
