ЎРИНДОШЛАРГА ТАЪТИЛ ПУЛИ БЕРИЛМАЙДИМИ? Assalomu alaykum. Mend | YURIST MASLAHATI

ЎРИНДОШЛАРГА ТАЪТИЛ ПУЛИ БЕРИЛМАЙДИМИ?

Assalomu alaykum. Menda mehnat munosabatlariga oid savol bor edi. Hozirda 2-kurs magistratura talabasiman. 2021-2022- o'quv yilida OTMda tashqi o'rindoshlik asosida 0.5 stavka bilan sentabr oyidan ish boshladim. O'quv yili oxirida 2 oylik ta'til puli (otpusknoy) tashqi o'rindoshlikda ishlaganlarga berilmaydi deyishyapti. Shu qanchalik asosli va qaysi hujjatga ko'ra tartibga solinadi? Javobingiz uchun oldindan rahmat.

ЖАВОБ:

Вазирлар Маҳкамасининг 2012 йил 18 октябрдаги 297-сон қарори билан тасдиқланган "Ўриндошлик асосида ҳамда бир неча касбда ва лавозимда ишлаш тартиби тўғрисида"ги Низомнинг 16-бандига асосан ўриндошлик асосида ишловчи шахсларга ҳар йилги асосий, шунингдек ўриндошлар ҳақли бўлган қўшимча таътиллар асосий иш жойидаги ҳар йилги меҳнат таътили билан бир вақтда берилади.

Агар ўриндошлик асосида ишлашнинг биринчи иш йилида ходим олти ойдан кам ишлаган бўлса, у ҳолда ўриндошлик асосидаги ишда таътил учун ишланган вақтга пропорционал ҳақ тўланади.

Биринчи иш йилида олти ой ишлаган ўриндошларнинг меҳнат таътилига, шунингдек ишнинг кейинги йиллари учун меҳнат таътилига ўриндошлик асосидаги ишнинг ўртача иш ҳақидан келиб чиққан ҳолда одатдаги тартибда ҳақ тўланади.

Низомнинг 17-бандига кўра асосий иш жойи бўйича ҳақ тўланадиган меҳнат таътилининг давомийлиги ўриндошлик асосидаги иш ҳақи тўланадиган меҳнат таътилининг давомийлигидан ортиқ бўлса, у ҳолда иш берувчи ўриндошнинг илтимосига кўра унга ўриндошлик асосидаги иш ҳақи тўланадиган таътилдан ташқари асосий иш бўйича ҳақ тўланадиган таътилнинг қанча давом этиши билан ўриндошлик асосидаги иш ҳақи тўланадиган таътилнинг тафовутини ташкил этувчи кунлар учун иш ҳақи сақланмайдиган таътил беришга мажбурдир.

Демак, сизга меҳнат таътили берилиб, ҳақ тўланиши шарт. Сизга шундай йўл тутаётган ходимга меҳнат қоидаларини бузгани учун маъмурий жавобгарлик белгиланган.

Саволингизни: @yuristgamurojaat гa қолдиринг

@yuristlar_maslahati