Yurist Kurbanof

2022-12-26 20:33:25 Кушербаев қайтсин!!!!!

Жуда креатив челленж қилишга арзидиган ролик бўпти, хеч иккиланмасдан охиригача томоша қилинг, тавсиююююю



@yuristkurbanof Ochish/sharhlash

2022-12-26 18:26:01 «Лавозими тенг жойга ва лавозимидан пастга ишга ўтаётганлар учун танлов бўлмайди»

Президент ҳузуридаги Давлат хизматини ривожлантириш агентлиги директорининг биринчи ўринбосари Отабек Хасанов:

Бизга савол билан мурожаат қилишяпти, мен бошқарма бошлиғи лавозимида ишлаб келяпман, бошқа жойга яна танловдан ўтиб ишга жойлашаманми деб. Йўқ. Агар янги жойдаги тенг лавозимга давлат хизматчиси тавсия қилинаётган бўлса, бу ротация шаклида бўлади ва у танловдан ўтмайди. Шунинг учун, биз vacancy.argos.uz порталида вақтинчалик танловларни эълон қилишни 15-20 январга қадар тўхтатдик.

Тегишли ташкилотлар билан штатларни қайта кўриб чиққанимиздан сўнг, қаерда очиқ жой қолган бўлса, кейин танловларни эълон қиламиз. Одамларни икки марта овора қилмаслигимиз керак. Лавозими тенг жойга ва лавозимидан пастга ишга ўтаётганлар учун танлов бўлмайди.

Адлия вазирлиги ва Давлат хизматини ривожлантириш агентлиги 1 ой муддатда қайси вазирликда, қайси лавозимлар мажбурий бўлишини белгилаб беради. Қолганлари бўйича вазирликнинг ўзига ваколат берилмоқда.

Олдин янги вазир келса, кўпчиликни ишдан бўшатвориб, ўзининг жамоасини тузарди. Энди ундай бўлмайди. Қонунда давлат хизматчисига кафолатлар бериб қўйилган.

Ҳозирда ички танлов ва ташқи танлов эълон қиляпмиз. Танловдан ким ўтса, ўша ишга киради. Бу жараёнларнинг адолатли бўлишига эса, Давлат хизматини ривожлантириш агентлиги ва бошқа ташкилотлар жавоб беради.

Янги структуранинг бўш қолган жойларига ишга қабул қилиш очиқ танлов асосида бўлади.

@yuristkurbanof Ochish/sharhlash

2022-12-26 13:35:26 Марказий сайлов комиссиясига кўра:

Ўзбекистон Республикаси Олий Мажлиси Қонунчилик палатаси депутати Расул Кушербаевнинг депутатлик ваколати муддатидан олдин тугатилди.

P/S: Афсус...

Қандингни ур ўғри-муттаҳамлар! Сенларни битта кушанданг кетди депутатликдан.

Ўзбек сиёсий майдонида салбий тарихий кун!

@yuristkurbanof Ochish/sharhlash

2022-12-26 13:27:15 #Кафилликмасаласида

Тижорат банклари билан кафиллик шартномасини тузиш учун кафил турмуш ўртоғининг розилиги олмайди.

Кафиллик шартномасида - кафил бошқа шахс учун, яъни қарздор ўз мажбуриятини тўла ёки қисман бажариши учун қарздорнинг кредитори олдида жавоб беришни ўз зиммасига олади. Умумий қоидага кўра, кафил қарздор билан баравар жавобгар бўлади.(солидар жавобгарлик)

Кафилнинг жавобгарлигини шартнома билан чекласа бўлади. М: кредитор аввал қарздорга мурожаат қилиб, кейин кафилга талаб билан чиқиш ҳуқуқи билан тузиш мумкин.(субсидиар жавобгарлик) Ёки кафилнинг мажбуриятлари чегарасини белгиласа бўлади. М: қарздор 100 млн сўм кредит олди, дейлик, кафил эса фақат 50 млн сўм қисмини тўлашга рози бўлди ва бу ҳақда кредитор билан ёзма келишувга эришди.

Гаровда -гаровга қўювчи муайян мулкка нисбатан чекловларни жорий қилишга аҳд қилса, кафилликда -кредитор олдида қарздор мажбурияти бўйича муайян ҳаракатларни бажариш ёки бажаришдан тийилиш мажбурияти қарздор билан баравар кафил бажариши керак бўлади. Шунинг учун кафил мажбурият бўйича масъулияти ва жавобгарлиги гаровдан фарқли равишда ашёвий, муайян мулкни тасарруф этиш билан боғлиқ бўлган эмас, балки шахсий, дейилади. Кафиллик шахсий тусдаги таъминотдир.

Эр ва хотиннинг битим бўйича розиликлари масаласи. Эр ва хотиннинг никоҳ давомида орттирган мол-мулклари, шунингдек никоҳ қайд этилгунга қадар, бўлажак эр-хотиннинг умумий маблағлари ҳисобига олинган мол-мулклари, агар қонун ёки никоҳ шартномасида бошқача ҳол кўрсатилмаган бўлса, уларнинг биргаликдаги умумий мулки ҳисобланади

Бу мулкка нисбатан эр ва хотин тенг ҳуқуқларга эгалиги сабабли, умумий мулкини тасарруф этиши билан боғлиқ битим тузилганда бу ҳаракат бошқасининг розилигига кўра амалга оширилаётганлигини англатади. Яъни бундай розилик мавжудлиги тахмин қилинади.

Кафил кафиллик шартномасидан келиб чиқадиган мажбуриятлари юзасидан ўзига қарашли бутун мол-мулки билан жавоб берса-да, кафил мажбурияти моҳияти муайян мулкнинг тасарруф қилинишинга қаратилмаган. Шу сабабли кафиллик шартномасини тузиш учун кафил турмуш ўртоғи розилиги керак эмас.

Буни билиш ўзи нимага керак? Амалиётда баъзи қарздор ва кафил жисмоний шахслар кафиллик шартномаси бўйича банклар ундирув ишларини бошлаганда, судларга мурожаат қилиб, кафиллик шартномаларини кафил турмуш ўртоғининг розилиги мавжуд эмаслиги важи билан ҳақиқий эмас деб топишга ва жавобгарликдан "қочишга" уринишадидаааааа........

Шунақа гаплар.......

@yuristkurbanof Ochish/sharhlash

2022-12-26 12:04:15 #Ишсизман

САВОЛ: Мен ҳеч қаерда ишламайман. Шунда мен ишсиз шахс хисобланаманми ?

ЖАВОБ: Йўқ, Сиз амалда ишсизсиз лекин хужжатда эмас. Чунки, амалдаги Меҳнат кодексининг 60-моддасига кўра, ишсизлар — 16 ёшдан то пенсия билан таъминланиш ҳуқуқини олишгача бўлган ёшдаги, ҳақ тўланадиган ишга ёки даромад келтирадиган машғулотга эга бўлмаган, иш қидираётган ва иш таклиф этилса, унга киришишга тайёр бўлган ёхуд касбга тайёрлашдан, қайта тайёрлашдан ўтишга ёки малакасини оширишга тайёр ва меҳнатга лаёқатли бўлган хамда ишга жойлашишда кўмак олиш учун маҳаллий меҳнат органларига мурожаат қилган ва улар томонидан иш қидирувчи сифатида рўйхатга олинган шахслар ишсиз деб эътироф этилади.

Юқоридаги нормани содда тилга таржима қилсак, Сиз расман ишсиз бўлишингиз учун;

Расман ишламаётган бўлишингиз керак;

Меҳнатга лаёқатли бўлишингиз керак.

Иш сўраб меҳнат органларига мурожаат қилиб, улар томонидан ишсизлар рўйхатига киритилган бўлишингиз керак;

Иш бўлса ишлайман деб стартда турган бўлишингиз керак;

Шунақа гаплар.

@yuristkurbanof Ochish/sharhlash

2022-12-24 18:32:27 Шу кун тартибида турган депутатимиз Расул акани ўша депутатлик фаолиятини тугатишига асос бўлган ҳолат...

Видеода кўриш мумкин, кун тартиби бўйича ўз фикрини билдирмоқчи бўлган депутатга палата спикери ўринбосари, ХДП раиси Улуғбек Иноятов сўз бермай, катта эҳтимол аввалдан тайёрланган матнни ўқишда давом этган. Депутат ҳатто ўрнидан туриб, ўз фикрини билдирмоқчи бўлса ҳам, унга сўз берилмаган. Натижада депутат ҳолатдан норози бўлиб, зални тарк этган.

@yuristkurbanof Ochish/sharhlash

2022-12-24 13:24:50 САВОЛ: Яқинда Тошкент кўчаларида Қозоғистон Президенти ташрифига тайёргарлик масаласида йўлларнинг ўнг томонига А деб ёзилган йўл белгиси қўйилган АЛОҲИДА йўлакча чизиб қўйилди. Шу йўлакдан юрсангиз қандай жаримага солинасиз?

ЖАВОБ: "Йўл ҳаракати қоидалари" 132-бандига кўра, Йўналишли транспорт воситаларининг ҳаракатланиши учун 5.9, 5.10.1 — 5.10.3 йўл белгилари билан ажратилган тасмада бошқа транспорт воситаларининг ҳаракатланиши ва тўхташи тақиқланади.

Маъмурий жавобгарлик тўғрисидаги кодекс 128-моддасига асосан йўлнинг қатнов қисмидаги чизиқлар билан белгилаб қўйилган талабларга риоя этмаслиги БҲМ (минималка) ярим баравари миқдорида жаримага сабаб бўлади. Бу 150 минг сўм дегани ҳозирда.

Тўхташ ва тўхтаб туриш қоидасини бузсангиз, 600 минг сўм жарима эканини биласиз.

P.S. Албатта қоида яратилса, жазо ўрнатилса-ю, лекин буни назорати бўлмаса, одамлар қўрқмай бу линияларни босаверишади. ИИВ айнан шу масалада назоратни ўрнатиб бериши лозим. Жамоат транспортига энг катта ёрдами шу бўлади.

@yuristkurbanof Ochish/sharhlash

2022-12-23 22:38:57 Янги йил байрамида ўзбекистонликлар неча кун дам олишади?

Жорий йилги Янги йил байрамида иш ҳафтасининг давомийлигидан қатъи назар барча ходимлар кетма-кет 4 кун дам олишади. Бу ҳақда ЎзА хабар бермоқда.

Демак:

31 декабрь — шанба (Президентнинг ўтган йилги фармони асосида 6 кунлик иш ҳафтасидаги ходимлар учун дам олиш куни);

1 январь — якшанба (Янги йил байрами);

2 январь — душанба (иш ҳафтасидан қатъи назар барча учун қўшимча дам олиш куни);

3 январь — сешанба (6 кунликлар учун қўшимча дам олиш куни, 5 кунликлар учун 7 январь – шанба кунидан кўчирилган дам олиш куни).

30 декабрь (жума) ва 4 январь (чоршанба) кунлари иш куни бўлади.


@yuristkurbanof Ochish/sharhlash

2022-12-23 10:51:01 #Тезкор

Ўзининг ўткир танқидлари ва ҳалқпарварлиги билан ҳалқимиз кўнглидан чуқур жой олган депутатимиз Расул Кушербаев фаолиятини тугатмоқда экан, афсус. У шундай деб ўз каналида пост қолдирмоқда:

Депутатлик фаолиятимни якунлашга қарор қилдим. Бундай ишлай олмас эканман.

Бунга мажбур бўлганимдан афсусдаман.

Ишонч билдирган, қўллаб-қувватлаган барчага раҳмат! Розинг бўлинглар!

Насиб қилса қолганини вақт кўрсатади. Аллоҳ мададкор бўлсин!

@yuristkurbanof Ochish/sharhlash

2022-12-23 02:36:31 Адлия вазирининг сайёр қабули

Жойларда аҳолини қийнаб келаётган муаммоларни аниқлаш ҳамда уларни тезкор ҳал этиш мақсадида жорий йилнинг 23 декабрь куни соат 15:00 да Учтепа тумани адлия бўлими Давлат хизматлари маркази биносида Ўзбекистон Республикаси адлия вазири Ташкулов Акбар Джурабаевичнинг сайёр қабули бўлиб ўтади.

Манзил: Тошкент шаҳри, Учтепа тумани, Фарҳод кўчаси, 21-уй.

Ҳурматли фуқаролар!

Ушбу сайёр қабулда адлия тизимига оид Сизларни қийнаб келаётган масала ва муаммолар бўйича мурожаат этишингиз мумкин.

P/S: адлия вазири қабули, ҳафтанинг жума кунлари 15-17:00ларда вазирлик биносида бўлиб ўтади. Қабулга келиб, вазирни ўзи билан учрашмоқчимисиз, ташриф буюришдан олдин қуйидаги +998712070443 (1021, 1023, 1034, 1037) рақам билан боғланишингиз тавсия этилади, бу албатта Сиз учун фойдали.

@yuristkurbanof Ochish/sharhlash