ИПОТЕКА КРЕДИТИ БЎЙИЧА ЯНГИ ФАРМОН ЭЪЛОН ҚИЛИНДИ. Бундан би | Юрист блогер /расмий канал

ИПОТЕКА КРЕДИТИ БЎЙИЧА ЯНГИ ФАРМОН ЭЪЛОН ҚИЛИНДИ.

Бундан бир муддат олдин яъни, 2-декабрь куни давлатимиз раҳбари аҳолининг ипотека уйлари олишлари ва уларга субсидиялар ажратилиши билан боғлиқ масалада видеоселектор йиғилиши ўтказган эди. Видеоселекторда мазкур соҳа қониқарли даражада эмаслиги ва тез орада ушбу соҳа ислоҳ қилинишини айтган эди. Мана орадан бир хафта ўтиб видеоселекторда айтилганидек ўзгариш бўлди.

Президентнинг 09.12.2021 йил куни ПФ–33-сон “Бозор тамойилларига асосланган ипотека кредитлари орқали аҳолини уй-жой билан таъминлашга оид қўшимча чора-тадбирлар тўғрисида”ги фармони қабул қилинди.

Фармонга кўра, 2021 йил 10 декабрдан:

Даромади юқори бўлмаган ва уй-жой шароитларини яхшилашга муҳтож фуқароларга ипотека кредити бўйича субсидияларни тўлашда квартира майдонининг энг кўп меъёрини белгилаш амалиёти бекор қилинади; (Эски тартиб бўйича шундай чеклов бор эди)

Дастлабки бадалнинг бир қисмини қоплаш учун субсидиялар – қатъий белгиланган 32 миллион сўм миқдорида, фоиз тўловларининг бир қисмини қоплаш учун субсидиялар – биринчи 5 йил давомида 10 фоиздан ошган қисмига тўланади. (Эски тартибда субсидия миқдори қатъий суммада белгиланмаган эди)

Субсидиялар сотиб олинаётган квартиранинг нархи ипотека кредитининг энг кўп миқдоридан ошган тақдирда ҳам тўланади. Бунда, квартиранинг нархи ипотека кредитининг энг кўп миқдоридан ошган тақдирда, қийматнинг қолган қисми қарз олувчи томонидан ўз маблағлари ҳисобидан тўланади. (Олдин ипотека кредитининг энг кўп миқдоридан ошганда субсидия тўланмас эди)

Фуқароларга ипотека кредитини олишда, биргаликда қарз олувчи сифатида улар билан бирга яшамаётган ва яқин қариндоши бўлмаган бошқа шахсларни ҳам жалб қилиш ҳуқуқи берилади. (Эски тартиб бўйича фақат улар билан бирга яшайдиган яқин қариндошлар биргаликда қарз олувчи бўла оларди)

Савол юбориш

@yuristdan_javob_bot

Каналга уланиш

https://t.me/Yurist_Blogerr