ОТАЛИК ҲУҚУҚИДАН МАҲРУМ БЎЛИШ ОҚИБАТИ Савол: Мен яқинда суд | Юрист блогер /расмий канал

ОТАЛИК ҲУҚУҚИДАН МАҲРУМ БЎЛИШ ОҚИБАТИ

Савол:
Мен яқинда суд томонидан оталик ҳуқуқидан маҳрум қилиндим лекин собиқ турмуш ўртоғим 1 нафар фарзандимнинг таъминоти учун мендан алимент талаб қилмоқда. Қонунчилик бўйича уни талаби тўғрими ?

Жавоб:
Оила кодексининг 81-моддасига асосан, ота-оналик ҳуқуқидан маҳрум қилинган ота-она қайси болага нисбатан ота-оналик ҳуқуқидан маҳрум қилинган бўлса, шу болага нисбатан бўлган қариндошлик фактига асосланган барча ҳуқуқлардан, шу жумладан ундан таъминот олиш, шунингдек болали фуқаролар учун қонунчиликда белгиланган имтиёзлар ва нафақалар олиш ҳуқуқларидан маҳрум бўлади. Лекин, ушбу моддага асосан ота-оналик ҳуқуқидан маҳрум қилиниши ота-онани ўз боласига таъминот бериш мажбуриятидан озод қилмайди.

Яъни, Сиз оталик ҳуқуқидан маҳрум бўлганингиз учун фарзандингиз орқали олишингиз мумкин бўлган барча имтиёзлардан ва унга нисбатан қарндошлик фактидан маҳрум бўласиз лекин, болангизга таъминот бериш мажбуриятидан озод бўлмайсиз. Қисқаси турмуш ўртоғингизни талаби қонуний хисобланади

Савол юбориш
@yuristdan_javob_bot

Каналга уланиш
https://t.me/Yurist_Blogerr