YURIDIK XIZMAT

2022-12-02 16:47:47 ЎҚИШНИ КЎЧИРИШ

2-ҚИСМ

Assalomu alaykum yaxshimisiz men turmushga chiqqanman va zaksdan oʻtganmiz oʻzim Nukusda oʻqiyman turmush oʻrtogʻim bilan Samarqandda yashaymiz ammo meni propiskam Navoiy viloyatida. meni propiskam Samarqandga oʻqishimni kechirishimga taʼsir etmaydimi va men koʻchirishim uchun qanday hujjatlar lozim?

Бир давлат ОТМдан бошқа давлат ОТМга ўқишни кўчириш

Бундай ҳолда фақат 2 та вазиятда рухсат берилади:

талаба оила қурса ва турмуш ўртоғи доимий яшайдиган ҳудуддаги ОТМга кўчмоқчи бўлса;

давлат хизматчиси иш юзасидан бошқа ҳудудга кўчса ва турмуш ўртоғи ёки вояга етмаган фарзандининг ўқишини ўша ҳудудга кўчирмоқчи бўлса (ишга кирган вазирлик хати асосида).

Бошқа ҳолларда давлат ичидаги бир ОТМдан бошқа ОТМга ўқишни кўчириш мумкин эмас.

Керакли ҳужжатлар:
ариза (онлайн тарзда)
транскрипт ёки рейтинг дафтарчаси (JPEG ёки Pdf шакли)
академик маълумотнома (ўқишни тикловчилар учун).

Каналга обуна бўлинг ва яқинларингизни ҳам таклиф этинг. Бизда профессионал юридик маслаҳат берилади.

Бизнинг канал t.me/yuridikxizmatuzz Ochish/sharhlash

2022-12-02 09:24:30 ЎҚИШНИ КЎЧИРИШ

#саволимбор

1-ҚИСМ

Рассиядан Узбекистон га качондан ёким нечинки курсдан кочириб отса болади ва бюджет контракт болиб отадими ва кандай хужжатлар керек болади олдиндан Рахмат бу савол мен таниган камида 50 та таниш студент номидан
Ўзбекистон Республикаси Президентининг 15.06.2022 йилдаги “ДАВЛАТ ОЛИЙ ТАЪЛИМ МУАССАСАЛАРИГА ЎҚИШГА ҚАБУЛ ҚИЛИШ ЖАРАЁНЛАРИНИ ТАШКИЛ ЭТИШ ТЎҒРИСИДА”ги ПҚ-279-сонли қарорига асосан, хорижий мамлакатларда фаолият юритаётган (жумладан, халқаро тан олинган рейтингларда биринчи 1 000 та ўриндан бирини эгаллаган) олий таълим ташкилотларидан давлат олий таълим муассасаларининг мос ва турдош таълим йўналишларига кўчиришда:
талабадан алоҳида иқтидор талаб этиладиган таълим йўналишлари бўйича касбий (ижодий) имтиҳонлар, бошқа таълим йўналишлари бўйича тест синовлари ўтказилади. Бунда, касбий (ижодий) имтиҳонлар тегишли олий таълим муассасаси томонидан, тест синовлари Давлат тест маркази томонидан ўтказилади;
тест синовлари ва касбий (ижодий) имтиҳонлар бўйича ўтиш баллари ҳар йили 15 июлга қадар Олий ва ўрта махсус таълим вазирлиги ҳамда тизимида олий таълим муассасалари бўлган вазирлик ва идоралар томонидан белгиланади ҳамда Давлат тест марказининг расмий веб-сайтида эълон қилинади;
ўтиш балидан паст балл тўплаган талабалар бакалавриатга қабул қилишдаги тартибга мувофиқ табақалаштирилган тўлов-контракт асосида ўқишга қабул қилинади;
тест синовлари ва касбий (ижодий) имтиҳонлар натижалари Давлат тест маркази ҳамда тегишли олий таълим муассасасининг расмий веб-сайтларида эълон қилинади
Ўқишини кўчириш, қайта тиклаш бўйича аризалар қуйидаги электрон тизимлар орқали қабул қилинади:
transfer.edu.uz — республиканинг бир ОТМдан бошқа ОТМга ёки бир ОТМ доирасида;
my.dtm.uz — хорижий ва нодавлат олий таълим муассасаларидан.
Керакли ҳужжатлар:
ариза (онлайн тарзда)
транскрипт ёки рейтинг дафтарчаси (ЖПГ ёки ПДФ шакли)
академик маълумотнома (ўқишни тикловчилар учун).

Каналга обуна бўлинг ва яқинларингизни ҳам таклиф этинг. Бизда профессионал юридик маслаҳат берилади.

Бизнинг канал t.me/yuridikxizmatuzz Ochish/sharhlash

2022-11-30 09:27:07 #саволимбор

Assalomu alaykum va rohmatullohu va barokatuh
Nodavlat ta'lim tashkiloti(o'quv markaz) ochish uchun qaysi tashkilotga murojaat qilinadi?

Нодавлат таълим ташкилоти, яъни ўқув марказ очиш учун Ўзбекистон Республикаси Вазирлар Маҳкамасининг 25.02.2022 йилдаги 88-сонли қарори билан тасдиқланган "Фаолиятни бошлаш ёки тугатиш учун ваколатли органни хабардор этиш тартиби тўғрисидаги ягона низом"нинг 6-иловасига мувофиқ, тегишли тартибда «Лицензия» АТ ёки Ягона интерактив давлат хизматлари портали орқали мурожаaт қилинади. Ochish/sharhlash

2022-11-30 08:24:53 #саволимбор

Universitetda kechki ta'lim 2-bosqich talabasiman davlat maktablariga ishga olishlari mumkinmi Ona tili va adabiyoti bo'yicha vakantsiyalarda talaba qabul qilinmaydi yoki 3-kursdan mumkin deyishmoqda shu gaplarni qonuniy asosini bilmoqchiman.
Rahmat

Вазирлар Маҳкамасининг 2005 йил 21 декабрдаги 275-сон қарори билан тасдиқланган Халқ таълими ходимлари меҳнатига ҳақ тўлаш тўғрисидаги низомнинг 8-бандига мувофиқ, Олий таълим муассасасининг кундузги, кечки, сиртқи таълим шаклларининг педагогика йўналишларида ўқиётган шахслар 3-курсдан бошлаб ўқишига халақит бермаган ҳолда педагоглик ишини амалга ошириш учун умумтаълим муассасаларида асосий иш жойи сифатида ишга қабул қилиниши мумкин ва уларга ўрта махсус, касбий маълумотга эга бўлган тегишли лавозимдаги ходимнинг базавий тариф ставкаси сингари базавий тариф ставкаси белгиланади.

Каналга обуна бўлинг ва яқинларингизни ҳам таклиф этинг. Бизда профессионал юридик маслаҳат берилади.

Бизнинг канал t.me/yuridikxizmatuzz Ochish/sharhlash

2022-11-26 21:24:38 #ҳуқуқиймаслахат

Гумон қилинувчи, айбланувчи ёки судланувчи унинг жиноят содир этишда айбдорлиги қонунда назарда тутилган тартибда исботлангунга ва қонуний кучга кирган суд ҳукми билан аниқлангунга қадар айбсиз ҳисобланади.

Яъни бунда сизни айбдор эмаслигингизни сиз эмас, аксинча давлат органи сизни айбдор эканлигингизни  исботлаши лозим.

Каналга обуна бўлинг ва яқинларингизни ҳам таклиф этинг. Бизда профессионал юридик маслаҳат берилади. Бизнинг канал https://t.me/+RBf14942vmvvvY93 Ochish/sharhlash

2022-11-24 09:49:35 Ўзбекистон Республикаси Вазирлар Маҳкамасининг 12.04.2022 йилдаги 172-сонли қарори билан тасдиқланган "Йўл харакати қоидалари"га мувофиқ, транспорт воситасининг ҳайдовчиси йўлакай йўналишда кечиктириб бўлмайдиган тиббий ёрдам кўрсатишга кетаётган тиббиёт ходимларига ҳамда зудлик билан тиббий ёрдамга муҳтож бўлган фуқароларни даволаш-профилактика муассасасига олиб бориш учун автомобилини топширишга мажбур.

Бизнинг канал https://t.me/+RBf14942vmvvvY93 Ochish/sharhlash

2022-11-23 08:21:23 #ҳуқуқиймаслахат

Ўзбекистон Республикаси олий ва ўрта махсус таълим вазирининг “Олий таълим тўғрисида низомни тасдиқлаш” ҳақидаги буйруғига асосан,

талаба кундузги таълим шаклида таҳсил олаётган бўлса

ўқишдан бўш вақтларида меҳнат шартномаси бўйича олий таълим муассасасида ёки

бошқа ташкилотларда ишлашга рухсат берилади. Бунда эътибор бериш лозим бўлган талаб, меҳнат шартномаси асосида ишлашлик ҳисобланади.


Бизнинг канал https://t.me/+RBf14942vmvvvY93 Ochish/sharhlash

2022-11-22 15:27:50 #ҳуқуқиймаслахат

БИЗНИНГ МАҲАЛЛАМИЗДА КЎП МАШИНА СИГНАЛИНИ ЧАЛИШАДИ. БУ ЖУДА БИЗГА БЕЗОВТАЛИК ТУҒДИРМОҚДА. НИМА ҚИЛСАК БЎЛАДИ?

Ўзбекистон Республикаси Вазирлар Маҳкамасининг қарори, 12.04.2022 йилдаги 172-сонли "йўл харакати қоидалари тасдиқлаш тўғрисида"ги қарорига мувофиқ фақат қуйидаги икки ҳолатда машиналар сигнал бериши мумкин:

аҳоли пунктларидан ташқарида бошқа ҳайдовчиларни қувиб ўтиш ҳақида огоҳлантириш учун;

зарур бўлган ҳолларда йўл-транспорт ҳодисасининг олдини олиш учун.

Бундан ташқари холатларда сигнал чалиш ҳозирги кунда 300.000 сўм жарима тортишга сабаб бўлади.

Сиз юқоридаги ҳолат бўйича тегишли тартибда худудий Ички ишлар бўлимига мурожаат қилишингиз мумкин.

Каналга обуна бўлинг ва яқинларингизни ҳам таклиф этинг. Бизда профессионал юридик маслаҳат берилади.

Бизнинг канал https://t.me/+RBf14942vmvvvY93 Ochish/sharhlash