Янги меҳнат кодекси📚

2023-04-05 12:27:34 #янги_норма

Судга мурожаат қилиш муддатлари узайтирилмоқда.

Ишга тиклаш тўғрисидаги низолар бўйича – ходимга у билан меҳнат шартномаси бекор қилинганлиги ҳақидаги иш берувчи буйруғининг кўчирма нусхаси топширилган кундан эътиборан уч ой муддат ичида, бошқа меҳнат низолари бўйича – ходим ўзининг ҳуқуқи бузилганлиги тўғрисида билган ёки билиши керак бўлган кундан эътиборан олти ой ичида судга даъво киритиш мумкинлиги белгиланди. (559-модда) Амалдаги таҳрирда 1 ой, 3 ой.


Ушбу тартиб 30.04.2023 йилдан кучга киради!


Каналга обуна бўлиш:
https://t.me/yangimehnatkodeksi Ochish/sharhlash

2023-04-05 02:35:16 #янги_норма

Ишдан бўшатиш нафақасини иш берувчида ишлаган иш стажига қараб  белгиланмоқда. Яъни:
3 йилгача иш стажига эга ходимларга ўртача ойлик иш ҳақининг 50%,
3 йилдан 5 йилгача – 75%,
5 йилдан 10 йилгача – 100%,
10 йилдан 15 йилгача – 150%,
15 йилдан ортиғига – 200% берилади.
(173-модда)  Амалдаги таҳрирда иш стажидан қатъи назар барчага 100%лик ўртача ойлик иш ҳақи миқдорида ишдан бўшатиш нафақаси тўланар эди.


Ушбу тартиб 30.04.2023 йилдан кучга киради!


Каналга обуна бўлиш:
https://t.me/yangimehnatkodeksi Ochish/sharhlash

2023-04-04 07:28:50 #янги_норма

Эндиликда адлия органлари ҳам меҳнат низолари бўйича судга мурожаат қилиши мумкин.

Якка тартибдаги меҳнат низосининг кўриб чиқилиши учун судга мурожаат қилиш ҳуқуқига эга бўлган органлар қаторига адлия органлари ҳам киритилди. (559-модда)


Ушбу тартиб 30.04.2023 йилдан кучга киради!


Каналга обуна бўлиш:
https://t.me/yangimehnatkodeksi Ochish/sharhlash

2023-04-03 12:32:29 #янги_норма

Даъвосиз хусусиятга эга бўлган жамоавий ва якка тартибдаги меҳнат низолари яраштирув-воситачилик тартиб-таомилларини ёки медиатор кўмагида низони тартибга солиш тартиб-таомилларини қўллаш орқали ҳал этилиши белгиланди. (542, 545, 573-575- моддалар)


Ушбу тартиб 30.04.2023 йилдан кучга киради!


Каналга обуна бўлиш:
https://t.me/yangimehnatkodeksi Ochish/sharhlash

2023-04-02 08:54:43 Аёллар меҳнатидан фойдаланиш чекланган 95 та ишлар тури ва касблар рўйхати ишлаб чиқилди

Лойиҳада аёлларнинг репродуктив саломатлигини асраш ва онкологик касалликлар келиб чиқишининг олдини олиш мақсадида 21 та иқтисодиёт тармоқлари бўйича меҳнат шароитлари ноқулай (зарарли ва хавфли) бўлган 95 та ишлар тури ва касблар рўйхати тасдиқланмоқда.

Қарори лойиҳаси батафсил шу ерда.


каналга обуна бўлинг: https://t.me/yangimehnatkodeksi Ochish/sharhlash

2023-04-02 02:33:59 #янги_норма

Меҳнат шартномаси қуйидаги ҳолларда бекор қилинган деб ҳисобланмоқда:

- жисмоний шахс бўлган иш берувчи вафот этганда, шунингдек жисмоний шахс бўлган иш берувчи суд томонидан вафот этган ёки бедарак йўқолган деб эътироф этилганда;
- ходим ёки жисмоний шахс бўлган иш берувчи суд томонидан муомалага лаёқатсиз ёки муомала лаёқати чекланган деб эътироф этилганда, агар бу жисмоний шахснинг иш берувчининг вазифаларини бажариш, ходимнинг эса аввалги ишини давом эттириш имкониятини истисно этадиган бўлса.

(168-модда)  Амалдаги таҳрирда йўқ эди.


Ушбу тартиб 30.04.2023 йилдан кучга киради!


Каналга обуна бўлиш:
https://t.me/yangimehnatkodeksi Ochish/sharhlash

2023-04-01 21:02:55 #янги_норма

Ходимни ишдан четлаштириш ҳоллари кўпайди, хизмат текшируви ўтказилган тақдирда ҳам, агар муайян ходимнинг ишда бўлиши хизмат текширувини ўтказишга халақит беради деб тахмин қилиш учун асосли сабаблар мавжуд бўлса, иш берувчи ходимни ишдан четлаштиришга ҳақли эканлиги белгиланди.

(151-модда) Ушбу модда орқали ходимни ишдан четлаштириш ҳоллари кўпайган, айримлари Меҳнат кодексида кўрсатилмаган бўлсада, бошқа қонунчилик ҳужжатларида мавжуд эди, лекин айнан хизмат текшируви ўтказилаётган ходимни ишдан четлаштириш ва унинг ўртача ойлик иш ҳақи сақланиши қонунчиликда кўрсатилмаган эди.


Ушбу тартиб 30.04.2023 йилдан кучга киради!


Каналга обуна бўлиш:
https://t.me/yangimehnatkodeksi Ochish/sharhlash

2023-04-01 03:26:09 #янги_норма

Ходимни бошқа иш берувчига вақтинча бир йилдан кўп бўлмаган муддатга хизмат сафарига юбориш амалиёти белгиланди.
(147-модда) Амалдаги таҳрирда йўқ эди.


Ушбу тартиб 30.04.2023 йилдан кучга киради!




Каналга обуна бўлиш:
https://t.me/yangimehnatkodeksi Ochish/sharhlash

2023-03-31 21:37:02 #янги_норма

Меҳнат шартномасини тарафларнинг келишувига кўра бекор қилиш меҳнат шартномасига доир қўшимча келишув билан ёзма шаклда расмийлаштирилиши белгиланди.
(156-модда) Амалдаги таҳрирда ёзма шаклда расмийлаштириш талаб этилмаган.


Ушбу тартиб 30.04.2023 йилдан кучга киради!




Каналга обуна бўлиш:
https://t.me/yangimehnatkodeksi Ochish/sharhlash

2023-03-31 14:52:46 #Yangi_tahrirdagi_mehnat_kodeksi_targ'ibot

Respublikaning barcha xududlarida Yangi tahrirdagi mehnat kodeksini mazmun mohiyatini tushuntirish borasida seminarlar tashkil etilmoqda.

Shuningdek, Kambag'allikni qisqartirish va bandlik vazirligining Mehnat organlari xodimlari malakasini oshirish Respublika kurslari tomonidan ham tashkilotlarning kadrlar xizmatlari xodimlariga mazkur qonun yuzasidan o‘quv dasturlari olib borilmoqda.

Ma'lumot uchun: Yangi tahrirdagi mehnat kodeksi bo‘yicha axborot berib boruvchi kanal
https://t.me/yangimehnatkodeksi

Kanalga ulanish https://t.me/mehnatvazirligi

Vazirlikning rasmiy sahifalari
Mehnat.uz Facebook Instagram I Twitter Telegram YouTube Ochish/sharhlash