Янги меҳнат кодекси📚

2023-04-13 02:35:23 #янги_норма

Уч ёшгача боласи бор аёл ёхуд уч ёшгача бўлган болани ёлғиз тарбиялаётган ота (васий) билан меҳнат шартномасини иш берувчининг ташаббусига кўра бекор қилишга айбли ҳаракатлари туфайли, интизомий жазо чораси сифатида меҳнат шартномасини бекор қилиш мумкинлиги белгиланди.

(409-модда) Амалдаги таҳрирда уч ёшгача боласи бор аёлларни айбли ҳаракатлари туфайли ҳам меҳнат шартномасини бекор қилиш мумкин эмас эди.


Ушбу тартиб 30.04.2023 йилдан кучга киради!


Каналга обуна бўлиш:
https://t.me/yangimehnatkodeksi Ochish/sharhlash

2023-04-12 11:36:03 #янги_норма

Ходимга иш ҳақи тўлашни ва унга тўланиши лозим бўлган бошқа тўловларни кечиктирганлик учун иш берувчининг моддий жавобгарлиги

Иш берувчи иш ҳақини, таътил тўловларини, меҳнат шартномаси бекор қилингандаги тўловларни ва (ёки) ходимга тўланиши лозим бўлган бошқа тўловларни тўлаш муддатини бузган тақдирда, уларни тўлов муддатидан кейинги кундан эътиборан то ҳақиқатда ҳисоб-китоб қилинган кунни ўз ичига олган муддатгача ҳар бир кечиктирилган кун учун Ўзбекистон Республикаси Марказий банкининг ўша вақтда амалда бўлган қайта молиялаштириш ставкасидан келиб чиққан ҳолда фоизлар (пулли компенсация) билан бирга тўлаши шарт.

Ходимга тўланиши лозим бўлган пулли компенсациянинг миқдори Ўзбекистон Республикаси Марказий банки қайта молиялаш ставкасининг ўн фоизи миқдорида белгиланади.

Ушбу модданинг иккинчи қисмида белгиланган, ходимга тўланадиган пулли компенсациянинг миқдори жамоа шартномаси, ички ҳужжат ёки меҳнат шартномаси билан оширилиши мумкин. Мазкур пулли компенсацияни тўлаш мажбурияти иш берувчининг ойлик иш ҳақини ёки ходимга тўланиши лозим бўлган бошқа тўловларни тўлашнинг кечиктирилишида айби бор-йўқлигидан қатъи назар юзага келади.
(333-модда)


Ушбу тартиб 30.04.2023 йилдан кучга киради!


Каналга обуна бўлиш:
https://t.me/yangimehnatkodeksi Ochish/sharhlash

2023-04-10 19:09:30 #янги_норма

Ходим томонидан иш берувчига етказилган зарар қандай ҳолларда камайтирилади?!

Суд айбнинг даражаси ва шаклини, аниқ ҳолатларни ва ходимнинг моддий аҳволини ҳисобга олиб, ундириладиган зарар миқдорини камайтириши мумкин.

Суд ходимдан ундириладиган зарар миқдорини камайтириш тўғрисидаги келишув битимини тасдиқлашга ҳақлидир.

Агар зарар ғаразли мақсад билан содир этилган жиноят сабабли етказилган бўлса, ходимдан ундириладиган зарарнинг миқдорини камайтиришга йўл қўйилмайди.
(350-модда)


Ушбу тартиб 30.04.2023 йилдан кучга киради!


Каналга обуна бўлиш:
https://t.me/yangimehnatkodeksi Ochish/sharhlash

2023-04-10 00:24:10 #янги_норма

Иш йили нима?

Иш йили деганда ходимнинг муайян иш берувчида ўн икки ойга тенг бўлган ва ҳақиқатда иш бошланган санадан эътиборан ҳисоблаб чиқариладиган иш даври тушунилади.


Агар ушбу Кодекснинг 226-моддасига мувофиқ иш йилига киритиладиган даврларнинг суммаси тўлиқ ўн икки календарь ойдан кам бўлса, ходимнинг иш йили етишмаётган вақтга сурилади.

(225-модда)



Ушбу тартиб 30.04.2023 йилдан кучга киради!


Каналга обуна бўлиш:
https://t.me/yangimehnatkodeksi Ochish/sharhlash

2023-04-08 23:01:07 #янги_норма

Ишга киришда тақдим қилинадиган ҳужжатлар

Ишга қабул қилиш чоғида ишга кираётган шахс қуйидаги ҳужжатларни тақдим этади:

паспортни ёки унинг ўрнини босувчи ҳужжатни ёхуд идентификацияловчи ID картани, ўн олти ёшгача бўлган шахслар эса туғилганлик тўғрисидаги гувоҳномани ёки идентификацияловчи ID картани;

- охирги иш жойи бўйича тасдиқланган қоғоз шаклидаги меҳнат дафтарчасини ёки электрон меҳнат дафтарчасидан кўчирмани, бундан биринчи марта ишга кираётган шахслар мустасно.

- Ўриндошлик асосида ишга кираётган шахслар меҳнат дафтарчасининг ўрнига асосий иш жойидан олинган белгиланган намунадаги маълумотномани тақдим этади;

- ҳарбий хизматга мажбурлар ёки чақирилувчилар учун тегишинча ҳарбий гувоҳномани ёки ҳарбий ҳисобда турганлик ҳақидаги гувоҳномани; олий ёки ўрта махсус, касб-ҳунар таълим ташкилотини
тамомлаганлиги тўғрисидаги дипломни, қайси ишни бажариш учун фақат махсус маълумотга ёки махсус тайёргарликка эга бўлган шахслар қўйилиши мумкин бўлса, ўша ишга кириш чоғида ушбу ишни бажариш ҳуқуқига доир гувоҳномани (сертификатни) ёхуд бошқа тегишли ҳужжатни;

- солиқ тўловчининг идентификация рақамини;

- жисмоний шахснинг шахсий идентификация рақамини (мавжуд бўлганда);

- жамғариб бориладиган пенсия дафтарчасини, бундан биринчи марта ишга кираётган шахслар мустасно.
(124-модда)



Ушбу тартиб 30.04.2023 йилдан кучга киради!


Каналга обуна бўлиш:
https://t.me/yangimehnatkodeksi Ochish/sharhlash

2023-04-08 18:05:44 Унутманг!!!

Деярли уч хафтадан кейин (30.04.2023) янги Меҳнат кодекси кучга киради. Янги тартибга солинаётган меҳнат муносабатлари ва нормалар билан яқиндан танишиб олинг.

Ушбу каналда янги нормалар ҳақида маълумотлар бериб борилади. Саволларга жавоблар, фикр мулоҳазалар юритиш мумкин. Бошқалар билан ҳам бўлишинг.

Каналга обуна бўлинг

https://t.me/yangimehnatkodeksi Ochish/sharhlash

2023-04-08 09:43:04 #янги_норма

Ўн беш ёшга тўлмаган фуқаролар ишлаши мумкинми?!

Маданий-томоша ташкилотларида, телевидение, радиоэшиттириш ташкилотларида ва бошқа оммавий ахборот воситаларида, шунингдек профессионал спортчилар билан ота-онанинг ҳар иккисининг (ота-она ўрнини босувчи шахснинг) розилиги ҳамда васийлик ва ҳомийлик органининг рухсати билан, соғлиғига ва маънавий камол топишига зиён етказмасдан асарларни яратиш ва (ёки) ижро этишда (кўргазмага қўйишда) иштирок этиш учун ўн беш ёшга тўлмаган шахслар билан меҳнат шартномасини тузишга йўл қўйилади.
(118-модда) Амалдаги таҳрирда йўқ эди.



Ушбу тартиб 30.04.2023 йилдан кучга киради!


Каналга обуна бўлиш:
https://t.me/yangimehnatkodeksi Ochish/sharhlash

2023-04-07 16:39:46 #Yangi_tahrirdagi_mehnat_kodeksi

Har yilgi qo‘shimcha ta’tillar

Har yilgi qo‘shimcha ta’tillar:

ushbu Kodeksning 481-moddasiga muvofiq mehnat sharoitlari noqulay ishlarda band bo‘lgan xodimlarga;

ushbu Kodeksning 483-moddasiga muvofiq noqulay tabiiy-iqlim sharoitlarida ish bajarayotgan xodimlarga;

ushbu Kodeksning 220-moddasiga muvofiq bitta tashkilotda yoki tarmoqda ko‘p yillik ish stajiga ega bo‘lgan xodimlarga;

qonunchilikda, jamoa kelishuvlarida, shuningdek jamoa shartnomasida, ichki hujjatlarda, mehnat shartnomasida nazarda tutilgan boshqa hollarda beriladi.

BATAFSIL

Kanalga ulanish https://t.me/mehnatvazirligi

Vazirlikning rasmiy sahifalari
Mehnat.uz Facebook Instagram I Twitter
Telegram YouTube Ochish/sharhlash

2023-04-06 17:18:54 #янги_норма

Пенсия ёшидаги ходимлар ишни давом эттириши мумкин!

“Ходимнинг пенсия ёшига етганлиги муносабати билан иш берувчининг ташаббуси билан меҳнат шартномасини бекор қилиш” асоси чиқариб ташланмоқда. (161-модда)



Ушбу тартиб 30.04.2023 йилдан кучга киради!


Каналга обуна бўлиш:
https://t.me/yangimehnatkodeksi Ochish/sharhlash

2023-04-06 07:36:13 #Yangi_tahrirdagi_mehnat_kodeksi

Xodimning mehnat daftarchasiga o‘rindoshlik asosidagi ishi to‘g‘risidagi ma’lumotlarni kiritish

Xodimning yozma arizasiga ko‘ra, o‘rindoshlik asosidagi ish joyidan berilgan ma’lumotnoma asosida asosiy ish joyidagi ish beruvchi tomonidan xodimning mehnat daftarchasiga ish davrlarini ko‘rsatgan holda o‘rindoshlik asosidagi ish to‘g‘risida yozuv kiritiladi. O‘rindoshlik asosidagi ish joyidan beriladigan ma’lumotnomaning shakli O‘zbekiston Respublikasi Bandlik va mehnat munosabatlari vazirligi tomonidan tasdiqlanadi. O‘rindoshlik asosidagi ish joyidan berilgan ma’lumotnoma asosiy ish joyida saqlanadi. Ichki o‘rindoshlik chog‘ida xodimning mehnat daftarchasiga yozuv uning yozma arizasi asosida kiritiladi.

BATAFSIL

Kanalga ulanish https://t.me/mehnatvazirligi

Vazirlikning rasmiy sahifalari
Mehnat.uz Facebook Instagram I Twitter
Telegram YouTube Ochish/sharhlash