Yangiliklar_24

2022-09-01 11:28:18 Тайван ҳарбийлари Цзиньмэнь ороллари узра Хитой дронини уриб туширди — Reuters.

Аввалроқ Reuters бу хабарга ўзгартириш киритиб, номаълум дрон уриб туширилганини ёзган эди. Ochish/sharhlash

2022-09-01 09:18:06 Тоқаев "Қонли январь" иштирокчилари учун амнистия эълон қилди

"Амнистия тартибсизликларни уюштирган асосий шахсларга, шунингдек, давлатга хиёнат ва ҳокимиятни зўравонлик билан алмаштиришга уринишда ҳамда "Терроризм" моддаси бўйича айбланаётган шахсларга таъсир қилмайди", дейилади хабарда. Ochish/sharhlash

2022-09-01 08:56:47 Ироқнинг Басра вилоятида Имом Муқтада ас-Садр тарафдорлари ва шиаларнинг ҳарбийлаштирилган "Асаиб Аҳл ал-Ҳақ" гуруҳи вакиллари ўртасида қуролли тўқнашувлар бўлиб ўтмоқда, деб хабар берди AAl Jazeera.

Тўқнашувлар натижасида бир киши ҳалок бўлди, икки киши яраланди. Вилоят губернатори Асъад ал-Айданий хавфсизлик кучларига тартибсизликлар ҳудудига қўшимча бўлинмаларни олиб чиқишни буюрди. Ochish/sharhlash

2022-09-01 08:12:46 #ибрат

Бир масжид пештахтасидаги ёзув

"Фарзандларингизга ибодат қилишдан аввал одоб ва аҳлоқли бўлишни ўргатинг. Акс холда…
• намоз ўқийдиган бир ўғри;
• рўза тутадиган бир бузуқ;
• ҳажга борадиган ёлғончи;
• қурбонлик қиладиган бир судхўр;
• шаҳодат келтирадиган бир терорчи бўлиб етишиши мумкин…" Ochish/sharhlash

2022-09-01 07:07:35 Лос-Анжелес ҳукумати қашшоқликка қарши кураш доирасида маҳаллий аҳолига уч йил давомида ҳар ой минг доллар тўлай бошлади. Жами 180 мингдан ортиқ киши нафақа олиш учун ариза топширган бўлса, ҳозиргача улардан фақат минг нафари танланган.

Қарор АҚШда истеъмол нархларининг кучли ўсиши туфайли қабул қилинди, бу эса қашшоқлик даражасининг ошишига олиб келди. Ochish/sharhlash

2022-09-01 07:07:03 Қўшма Штатлар Исроил, Саудия Арабистони ва Яқин Шарқнинг бошқа давлатлари билан биргаликда денгизни кузатиш ва Эрон ҳарбий фаолиятини тўхтатиб туриш учун 100 та дронлар тармоғини ташкил қилмоқда, деб ёзади Wall Street Journal.

Тармоқ Сувайш каналидан Эрон денгиз чегараларигача бўлган ҳудудда 2023 йилнинг ёзигача жойлаштирилиши режалаштирилган. Дронлар олти ойгача автоном тарзда ишлай олади. Келажакда худди шундай тармоқларни АҚШ ҳарбийлари фаолият юритадиган дунёнинг бошқа минтақаларида ҳам жойлаштириш режалаштирилган. Ochish/sharhlash

2022-09-01 07:06:47 Shavkat Mirziyoyev 2026-yilgacha eng avvalo e’tibor qaratiladigan 5 ta asosiy sohani sanab o‘tdi

Birinchisi — ta’lim

Ikkinchisi — sud.

Uchinchisi — tadbirkorlik.

To‘rtinchisi — sog‘liqni saqlash.

Beshinchisi — aholini toza ichimlik suvi bilan ta’minlash. Ochish/sharhlash

2022-08-31 14:19:59 Гаитида ҳукуматга қарши намойишлар ўтказилмоқда

Мамлакатда инфляция охирги 10 йилдаги энг юқори даражага етди. Бундан ташқари, жиноятчилик сезиларли даражада ошган. Кўпчилик бензин тақчиллиги ошиб бораётгани, шунингдек, Марказий банкдан доллар олиш қийинлигидан норози. Ochish/sharhlash

2022-08-31 13:23:53 АҚШ Эрондан Россияга дронлар етказиб берилгани ҳақидаги ОАВ хабарларини тасдиқлади

19 август куни "Мохажер-6", "Шаҳед-129" ва "Шаҳед-191" дронлари Россияга жўнатилгани хабар қилинган эди.

Эроннинг дрон дастури 1980 йиллардан буён ривожланиб келаётган бўлсада, мамлакат санкциялар остида ва кўплаб дронлар асосан хорижий мосламалардан кўчирилади, дейди экспертлар.

"Украинадаги можаро пайтида дронларнинг кескин танқислигига дуч келган Россия Эронга мурожаат қилишга мажбур бўлди, чунки бошқа мамлакатларда бундай ускунани сотиб олиш имконияти деярли йўқ эди ва Россияда ушбу тоифадаги дронларини ишлаб чиқариш йўлга қўйилмаганди", дейилади хабарда. Ochish/sharhlash

2022-08-31 11:58:48 Туркия ички ишлар вазири Сулаймон Сўйлу офицер ва сержантларга шундай насиҳат қилди:

Ота-оналарингиз ўзи емаган нарсасини едириб, ичмаганини ичириб катта қилди...

Сизларни Оятал Курсийни ўқиб, дуолар қилиб кузатиб қўйди...

Сиз миллатнинг ғурурини, Ватанимизнинг борлиги ва бирлигини, байроғимиз осмон узра ҳирпирашининг, азони Муҳаммадиянинг Аллоҳу акбар, Аллоҳу акбар деган садолари ҳар ерда янграшини асосий таъминотчисидирсиз...

Сизларга бир акангиз сифатида насиҳат қиламан, хизматга чиқар экансиз, таҳорат қилиб, Оятал Курсийни ўқиб, кейин чиқинг...

Унитмангки, Аллоҳу таоло Сизни паноҳида асрайди. Ochish/sharhlash