2023-03-13 15:20:33
ЯНГИ-ЯНГИЙЎЛ телеграмм каналига йўлланган мурожааатга Тошкент вилояти транспорт бошқармасининг
МУНОСАБАТИ Мазкур мурожаатда Янги йўл тумани Ниҳол МФЙдан бозоргача бўлган йўналишда қатнаётган йўловчи ташувчи транспорт воситаларининг 12-13 кмли масофага 8000дан йўл кира нархини оширганлигидан норозилиги билдирилган.
Мурожаатда келтирилган ҳудуд атрофлича ўрганиб чиқилиб, “ВҲ-278 Навоий МФЙ(Ниҳол)- Янги йўл бозор”йўналиши назоратга олинди ва “Янгийўл Максимал МЧЖ” раҳбари Н. Маматқуловдан кафолат хати олинди. Унда Тошкент вилояти транспорт бошқармаси томонидан тасдиқланган йўл кира ҳақи жадвалига асосан фаолият олиб борилиши таъминланиши айтилди.
Қайд этиб ўтамизки, Транспорт вазирлиги Тошкент вилояти Транспорт бошқармасига йўл кира нархи ошганлиги хусусидаги мурожаатлар сони ортиб бормоқда. Ҳар бир мурожаат атрофлича ўрганиб чиқилмоқда.
Айни кунларда юртимизда аномал совуқ сақланиб туриши натижасида аҳоли яшаётган хонодонларни узлуксиз газ билан таъминлаш мақсадида ёқилғи қуйиш шахобчаларида, АГТКС (Автомобилларни газ билан тўлдириш станциялар)ларда метан гази танқислиги юзага келиши кузатилмоқда. Айни кунларда уларнинг фаолияти тўхтатилган.
Шу сабабли, йўловчи ташиш фаолияти билан шуғулланувчи транспорт воситалари амалда фойдаланишда бўлган ёқилғи туридан нархи юқори бўлган бензиндан фойдаланганлиги, йўлларда содир бўлган яхмалаклар ортидан ҳаракатланиш қийин бўлганлиги сабабли йўналишларда йўлкира ҳақининг сунъий равишда кўтарилишига олиб келди.
Юқоридаги ҳолатларнинг олдини олиш мақсадида, Тошкент вилояти транспорт бошқармаси ходимлари томонидан йўналишларда корхона раҳбарлари ва ҳайдовчилар ўртасида тегишли тушунтириш ишлари олиб борилмоқда. Ва бу ишлар туну кун давом эттирилаяпти.
Тошкент вилояти транспорт бошқармаси Ахборот хизмати Янгийўл ҳақида энг тезкор маълумотлар канали
@YANGI_YANGIYULL
3.8K viewsedited 12:20