21 ёшга тўлган шахс ЯТТ сифатида таксичилик фаолияти билан шуғ | Xushnudbek.uz
21 ёшга тўлган шахс ЯТТ сифатида таксичилик фаолияти билан шуғулланиши мумкин бўлди
Президентнинг тегишли қарори билан 2021 йил 15 майдан 2022 йил охиригача қуйидагиларни назарда тутувчи эксперимент (синов) ўтказилади:
йўловчиларни ҳайдовчидан ташқари тўрттадан ортиқ бўлмаган ўриндиқларга эга бўлган енгил автотранспортларда ташиш якка тартибдаги тадбиркорлар шуғулланиши мумкин бўлган фаолият турлари рўйхатига киритилади;
якка тартибдаги тадбиркорлар томонидан йўловчиларни енгил автотранспортларда ташиш лицензия варақасига асосан амалга оширилади;
ҳайдовчи 21 ёшга тўлган бўлиши керак;
такси сифатида фойдаланилиши кўзда тутилган автомобилнинг эксплуатация қилинаётганига 10 йилдан ортиқ бўлмаган бўлиши керак.
автомобилда йўловчиларни ташиш билан шуғулланадиган якка тартибдаги тадбиркорлар “Aккредитация маркази” ДУКда аккредитациядан ўтган техник хизмат кўрсатиш станцияларида 6 ойда камида 1 маротаба транспорт воситасини техник кўрикдан ўтказиши шарт;
ҳайдовчилар махсус текширув пунктларида ойлик тиббий кўрикдан ўтиши шарт;
якка тартибдаги ташувчиларга йўловчиларни автомобиль транспортида ташиш фаолияти доирасида ходимларни ишга ёллашга рухсат этилмайди;
2021 йил 1 сентябргача якка тартибдаги ташувчиларни давлат рўйхатидан ўтказганлик учун давлат божи ундирилмайди;
якка тартибдаги ташувчилардан лицензия варақаси берилганлиги учун давлат божи йилига БҲМнинг бир баробари (245 минг сўм) миқдорида ундирилади. Давлат хизматларини кўрсатганлик учун йиғим ундирилмайди;
якка тартибдаги ташувчилар қатъий белгиланган миқдорда жисмоний шахслардан олинадиган даромад солиғини 3 тоннагача юк кўтариш имкониятига эга автомобиль транспортида юкларни ташиш фаолияти билан шуғулланувчи якка тартибдаги тадбиркорлар учун белгиланган ставкада тўлайди.
