2023-01-10 21:16:55
Bakiro телеграм канали ёзишича «Trastbank»нинг ислом шариатлари асосида молиявий хизмат кўрсатадиган «Trast Muamalat» компанияси ўз фаолиятини бошлади
2019 йил 22 август куни «Trstbank» хусусий акциядорлик банки ва Хусусий Секторни Ривожлантириш бўйича Ислом Корпорацияси (ICD) ўртасида «Маслаҳат ёрдами тўғрисида»ги шартнома имзоланди. Унга кўра, банк тизимига «Ислом дарчаси» хизматларини жорий этиш режалаштирилмоқда.
Бу борада ходимларнинг билим ва кўникмасини бойитиш каби масалаларга ҳам устувор аҳамият қаратилди. Шу жумладан, Банк ходимларининг билим ва малакасини ошириш мақсадида ICD ва Ислом тараққиёт банки гуруҳига кирувчи Ислом илмий-тадқиқот ва ўқув институти (IRTI) мутахассислари иштирокида исломий молиялаштириш хизматларини жорий этиш бўйича амалий машғулотлар ўтказилди.
Лойиҳани муваффақиятли амалга ошириш учун ICD’нинг тавсиясига биноан «Трастбанк» ХАБ етакчи ислом банкининг дастурий таъминот компанияларидан бири Иорданиянинг ICC Financial Systems компанияси билан шартнома тузди. Дастурий таъминотнинг имкониятлари ва функционаллигини ўрганиш мақсадида ICCFC мутахассислари банк ходимлари учун уч ойлик амалий машғулотлар ўтказдилар.
2023 йил 10 январь куни «Trastbank» хусусий акциядорлик банки шўба лизинг компанияси – «Trast Muamalat» масъулияти чекланган жамиятининг очилиш маросими бўлиб ўтди. «Trast Muamalat» МЧЖнинг асосий вазифаси — амалдаги қонунчилик доирасида самарали «Мурабаҳа (Насия савдо)» ва «Ижара (Лизинг)» операцияларини амалга ошириш орқали молиявий хизматларни кенгайтириш стратегиясини амалга ошириш, шунингдек, халқаро ислом молия институтлари билан ҳамкорликни кенгайтиришдан иборат.
Мамлакатимизда банклар орасида илк бор бундай амалиёт жорий этиляпти. Ўйлайманки, бу юртдошларимиз учун чинакам туҳфа бўлди. «Trastbank» исломий молиялаштириш бўйича пешқадам бўлди.
@MubashshirAhmad
8 viewsUlug’bek, 18:16