Vodiy gavhari - Farg'onam

2023-02-06 17:14:11 #Огоҳ_бўлинг

ОГОҲ БЎЛИНГ!

Айрим ноисломий диний ташкилотларнинг миссионерлик ва прозелитик ғояларига алдов йули билан кириб қолманг.

Бошқа динга ёлғон йўл билан ўтказиш ёки жалб этиш тўғрисидаги қонунчиликни бузган шахслар белгиланган тартибда жавобгарликка тортилади.

Яқинларингизга ҳам улашинг, уларни ҳам огоҳлантиринг!

Канал манзили: @Vodiy_gavhari_Fargonam Ochish/sharhlash

2023-02-05 11:13:53 #Янгиликлар

Turkmaniston O‘zbekistonga suyultirilgan gazni bepul yetkazib beradi

Bu haqda Turkmaniston prezidenti Serdar Berdimuhammedov 3-fevral kuni tegishli farmoyishni imzolagan.

Xabarda do‘stlik va birodarlik ramzi sifatida berilayotgan gazning aniq miqdori haqida ma’lumot keltirilmagan.

Канал манзили: @Vodiy_gavhari_Fargonam Ochish/sharhlash

2023-02-03 15:00:51 #Ўтказиб_юборманг
БУГУН СОАТ 19:30 ДА ОНЛАЙН
ДИНИЙ САВОЛ-ЖАВОБ БЎЛИБ ЎТАДИ

Бугун, 03 февраль куни
кечки соат 19:30 да (Ўзбекистон вақти билан),
Ўзбекистон мусулмонлари идораси фатво маркази уламоси, Тошкент ислом институти катта устози МУҲАММАД АЙЮБ ДОМЛА ҲОМИДОВ билан диний савол-жавоб дастурининг навбатдаги сони бўлиб ўтади.

Қуйидаги ижтимоий тармоқларимиз орқали савол-жавоб дастурини тўғридан-тўғри кузатинг ва бевосита иштирокчисига айланинг!

Youtube орқали томоша қилиш

Facebook орқали томоша қилиш

Instagram орқали томоша қилиш

Telegram voice орқали эшитиш

ITV орқали томоша қилиш (tas-ix)

Ўзбекистон мусулмонлари идораси Матбуот хизмати
Muslim.uz | https://taplink.cc/muslimuz
@muslimuzportal | @mp3muslim | @diniysavollar

Канал манзили: @Vodiy_gavhari_Fargonam Ochish/sharhlash

2023-02-03 08:10:26 #Жума_муборак

Ассалому алайкум ва раҳматуллоҳи ва барокатуҳу. Сайидул айём Жума муборак!

ЕТИМНИНГ БОШИНИ СИЛАНГ!

Пайғамбаримиз Муҳаммад соллаллоҳу алайҳи васаллам етимни кафилликка олган кишига жаннатда ўзлари билан бирга бўлишини башорат бериб шундай дедилар: “Мен билан етимни кафилликка олган киши жаннатда мана шундай ёнма-ён бўламиз”. Муттафақун алайҳ.

Набий алайҳиссалом шу гапни айтганларида кўрсаткич ва ўрта бармоқлари билан ишора қилдилар-да, уларнинг орасини бироз очдилар.

ЕТИМ ЙИҒЛАСА...

Қатор-қатор масжид солинг, бари бекор,
Қимматбаҳо гилам солинг, бари бекор,
Жойнамозда ухлаб қолинг, бари бекор,
Маҳаллада битта етим йиғлаб турса!

Гарчи бексиз, ошиғингиз доим олчи,
Дунё деган, ўтар кетар ёлғон фолчи,
Аршни ларзон қилар экан битта томчи,
Маҳаллада битта етим йиғлаб турса!

Мол топасиз, кўз тутмайсиз эртасига,
Шариатда рухсат бор деб тўрттасига,
Уй қурасиз, жаҳаннамнинг ўртасига,
Маҳаллада битта етим йиғлаб турса!

Ҳою-ҳавас, ўтар кетар дунё фоний,
Ожизанинг сўроғлари ҳукми олий,
Кўзидаги жола эмас, азоб оний,
Маҳаллада етим аёл йиғлаб турса!

Канал манзили: @Vodiy_gavhari_Fargonam Ochish/sharhlash

2023-02-02 14:44:37 Ёлғиз яшаш оғир касалликларни келтириб чиқариши айтилмоқда

Ёлғизлик ва ёлғиз яшаш жиддий касалликларга олиб келиши мумкин. Хусусан, ортиқча вазн, семизлик ва алкоголизм ва овқатланишнинг бузилиши шулар жумласидан.

Бу ҳақда ОАВга шифокор ва клиник психолог Aнтон Поляков маълумот берган.

Мутахассиснинг сўзларига кўра, ёлғизлик узоқ давом етадиган стресс билан бирга кечади, бу сурункали чарчоқ, хотира ва консентрациянинг пасайиши шаклида намоён бўлиши мумкин.

Ҳар қандай стресс хотира мустаҳкамлашга ёрдам берадиган моддаларнинг йўқолишига сабаб бўлиши мумкин. Натижада инсонда хотира сусаяди.

Бундан ташқари, кортизол(гормон, организмни стрессдан ҳимояя қилади)нинг кўтарилиши фонида одамлар кўпинча ортиқча овқатланадилар. Натижада инсулин қаршилиги кучаяди. Шунинг учун ёлғиз одамлар тез-тез семиришади.

Шунингдек, ёлғизларда кайфият учун жавобгар гормон бўлган нейротрансмиттерларнинг ишлаб чиқарилиши сезиларли даражада камаяди. Натижада, қувонч гормонининг пасайиши, ташвиш ва ваҳиманинг кучайиши кузатилиши мумкин.

Канал манзили: @Vodiy_gavhari_Fargonam Ochish/sharhlash

2023-02-02 13:48:33 Президент Шавкат Мирзиёев бугун Фарғона вилоятида бўлиб турибди.

Давлатимиз раҳбари 2022 йил май ойида вилоятга ташрифи чоғида «Global textile infinity» кластерининг ишлаб чиқариш лойиҳаси билан танишган эди. Ўшандаги кўрсатмалар асосида лойиҳа жадаллаштирилиб, декабрда ишга туширилди.

Бу галги ташрифда Қўштепа туманидаги мазкур тўқимачилик корхонаси кўздан кечирилди.

Бу ерда пахта етиштириш ва уни қайта ишлашнинг тўлиқ жараёни йўлга қўйилган. 132 миллион евро эвазига катта фабрика ташкил этилиб, Швейцариянинг «Rieter machine works» ускуналари ўрнатилган.

Корхона йилига 18 миллион метр аралаш мато ҳамда 10 миллион дона тайёр маҳсулот ишлаб чиқариш қувватига эга. Европа давлатлари ва Хитойга 85 миллион евролик маҳсулот экспорт қилиш режалаштирилган. Бунинг учун корхонада сифат лабораторияси ташкил этилган.

Президент тайёр маҳсулотлар турини кўпайтириш, таниқли брендлар билан ҳамкорлик ўрнатиш зарурлигини таъкидлади.

Канал манзили: @Vodiy_gavhari_Fargonam Ochish/sharhlash