"VERUM" адвокатлик фирмаси / "VERUM" Адвокатская фирма

2022-10-05 15:39:08 ​​ Вояга етмаганлар ўз маблағларини мустақил тасарруф қила оладиларми?

Фуқаролик кодексининг 27-моддасига кўра, 14 ёшдан 18 ёшгача бўлган вояга етмаганлар ота-оналари, фарзандликка олувчилар ва ҳомийларининг розилигисиз мустақил равишда қуйидаги ишларни амалга ошира оладилар:

ўз иш ҳақи, стипендияси ва бошқа даромадларини тасарруф этиш;
фан, адабиёт ёки санъат асарининг, ихтиронинг ёхуд ўз интеллектуал фаолиятининг қонун билан қўриқланадиган бошқа натижаси муаллифи ҳуқуқини амалга ошириш;
қонунга мувофиқ кредит муассасаларига омонатлар қўйиш ва уларни тасарруф этиш;
майда маиший битимларни ҳамда бошқа битимларни тузиш.

14дан 18ёшгача бўлган вояга етмаганлар, юқорида санаб ўтилганлардан ташқари битимларни ўз ота-оналари, фарзандликка олувчилари ёки ҳомийларининг ёзма розилиги билан тузадилар.

14 ёшдан 18 ёшгача бўлган вояга етмаганлар қонунда белгиланган тартибда ўзлари тузган битимлар бўйича мустақил равишда мулкий жавобгар бўладилар.

" VERUM Law Firm" — сизнинг ҳуқуқларингиз ҳимоячиси!

Мурожаат учун телефон:
+998712310100

Instagram | Facebook | YouTube | Tik-tok Ochish/sharhlash

2022-10-04 12:51:12 Адвокатлик лицензиясини олиш учун талаблар қандай?

Адвокатлик фаолиятини лицензиялаш фуқаролик ва иқтисодий, маъмурий ва жиноий суд ишларини юритиш ихтисосликлари бўйича амалга оширилади.

Лицензия олиш учун талабгор шахс:
1) юридик мутахассислик бўйича камида икки йил иш стажига эга бўлиши керак;
2) адвокатлик тузилмасида камида олти ой стажировка ўтаган бўлиши керак;
3) малака имтиҳонини топшириши шарт.

Стажировка ўталадиган адвокатлик тузилмалари:
- адвокатлик бюроси;
- адвокатлик фирмаси;
- адвокатлар ҳайъати;
- юридик маслаҳатхона.

Ихтисослик фақат фуқаролик, иқтисодий, маъмурий ва жиноят ишларини юритишда адвокатлар томонидан малакали юридик ёрдам кўрсатишда талаб қилинади.

Адвокат танланган ихтисослик йўналишларидан қатъи назар:
- ҳуқуқий масалалар бўйича маслаҳатлар ва тушунтиришлар, қонун ҳужжатлари юзасидан оғзаки ва ёзма маълумотномалар бериш,
- ҳуқуқий хусусиятдаги аризалар, шикоятлар ва бошқа ҳужжатларни тузиш,
- давлат органларида (суд органларидан ташқари), жисмоний ва юридик шахслар олдида вакилликни амалга ошириш,
- тадбиркорлик фаолиятига юридик хизмат кўрсатиш ҳуқуқига эгадирлар.

Ҳар бир адвокат тегишли ихтисосликни мустақил танлаш ва у бўйича белгиланган тартибда малака имтиҳони топшириш ҳуқуқига эга.

Ушбу маълумотлар "Адвокатура тўғрисида"ги қонун маълумотлари асосида тайёрланди.

" VERUM Law Firm" — сизнинг ҳуқуқларингиз ҳимоячиси!

Мурожаат учун телефон:
+998712310100

Instagram | Facebook | YouTube | Tik-tok Ochish/sharhlash

2022-10-04 11:57:51 ​​ Ногиронлиги мавжуд бўлган одамга қараганлик учун ҳам иш стажи ёзиладими?

“Фуқароларнинг давлат пенсия таъминоти тўғрисида”ги қонуннинг 37-моддасида кўра иш стажига қўшиб ҳисобланадиган меҳнат фаолияти турлари келтирилган бўлиб, унга биноан И гуруҳ ногиронига ёки 16 ёшгача бўлган ногирон болага, шунингдек ўзгаларнинг парваришига муҳтож бўлган 80 ёшга тўлган қарияларга қараб турилган вақт иш стажига қўшиб ҳисобланади.

Ушбу муддатлар иш стажига қўшиб ҳисобланиши учун умумий иш этажи камида 7 йил бўлиши лозим.

Демак, ногиронлиги мавжуд бўлган инсонга қараганлиги даври умумий иш стажи 7 йилдан кам бўлмаган шахсларнинг иш стажига қўшиб ҳисобланади.

" VERUM Law Firm" — сизнинг ҳуқуқларингиз ҳимоячиси!

Мурожаат учун телефон:
+998712310100

Instagram | Facebook | YouTube | Tik-tok Ochish/sharhlash

2022-10-03 17:12:41 ​​​​ Икки ойлик фарзанди бўлган эр-хотин ажрашиш учун судга ариза бериши мумкинми?

Оила кодексининг 39-моддасига кўра, хотинининг ҳомиладорлик вақтида ва бола туғилганидан кейин бир йил мобайнида эр хотинининг розилигисиз никоҳдан ажратиш тўғрисида иш қўзғатишга ҳақли эмас.

Ўзбекистон Республикаси Олий суди Пленумининг 2011-йил 20-июлдаги 06-сонли “Судлар томонидан никоҳдан ажратишга оид ишлар бўйича қонунчиликни қўллаш амалиёти тўғрисида”ги қарорига кўра, никоҳдан ажратиш тўғрисидаги даъво аризасини қабул қилишда Оила кодексининг 39-моддасига мувофиқ эр хотинининг розилигисиз унинг ҳомиладорлиги вақтида ва бола туғилганидан сўнг бир йил мобайнида никоҳдан ажратиш тўғрисида иш қўзғатишга, гарчи у туғилиш тўғрисидаги ёзувлар дафтарида боланинг отаси сифатида ёзилмаган бўлса ҳам, ҳақли эмаслиги айтиб ўтилган. Мазкур қоида бола ўлик туғилган ёки бир ёшга тўлмай вафот этган ҳолларга ҳам татбиқ этилиши белгиланган.

Шуни айтиб ўтиш лозимки, хотинининг ҳомиладорлик вақтида ва бола туғилганидан кейин бир йил мобайнида эр никоҳдан ажратиш тўғрисида иш қўзғатолмайди. Аммо, бу никоҳдан ажратиш тўғрисидаги даъво хотин томонидан қўзғатилишига тўсқинлик қилмайди.

" VERUM Law Firm" — сизнинг ҳуқуқларингиз ҳимоячиси.

Мурожаат учун телефон:
+998712310100

Instagram | Facebook | YouTube | Tik-tok Ochish/sharhlash

2022-10-01 18:20:42 Қонунчиликда ўқитувчиларга берилган айрим имтиёзлар

1 октябрь “Ўқитувчи ва мураббийлар куни” этиб белгиланган ҳамда ушбу кун байрам (дам олиш) куни ҳисобланади.

Ўқитувчилар тиббий кўрикдан ўтиш учун пул тўламайди.

Мактаб директорларига ҳам ойлик устамалар тўланиши мумкин.

Ўқувчилари ОТМга кўп кирган мактаблар раҳбарияти рағбатлантирилади.

Ўқитувчи бўлиб ишлаётган халқаро олимпиадалар ғолибларига ҳар ой 150 фоиз устама тўланади.

Пенсия ёшидаги педагоглар навбатдаги аттестацияга жалб этилмайди.

Инклюзив таълим синфлари ўқитувчиларига қўшимча устама тўланади.

Қишлоқлардаги мактабларда жисмоний тарбия ўқитувчиси бўлиб ишлаётган аёлларга устама тўланади.

PhD ва унга тенглаштирилган бошқа илмий даражага эга мутахассисларга устама тўланади.

Спортчи-тренерларга имтиёзлар берилади.

Таълим сифати паст мактабларда бошқа ҳудудлардан келиб дарс бераётган ўқитувчилар учун махсус устамалар жорий қилинган.

Математика, физика, кимё ва биология фанлари бўйича халқаро ва республика олимпиадалари ғолибларини тайёрлаган профессор-ўқитувчиларга пул мукофоти берилади.

Айрим жисмоний тарбия ўқитувчиларига малака тоифаси аттестациясиз берилади.

Халқ таълими тизими педагог ходимларига истеъмол кредитлари ва автотранспорт сотиб олиш учун имтиёзли кредитлар берилади.

Тиббиёт соҳаси профессор-ўқитувчиларига даволаш-ташхис ишларини бажарганликлари учун қўшимча ҳақ тўланади.

Таълим муассасаларининг чет тиллар фанлари ўқитувчиларига ойлик устамалар берилади.

Ўқитувчиларнинг фаолиятига аралашганлик учун жавобгарлик бор.

" VERUM" адвокатлик фирмаси — сизнинг ҳуқуқларингиз ҳимоячиси.

Telegram | Instagram | YouTube | Tiktok Ochish/sharhlash

2022-10-01 14:41:05 Маҳаллада деҳқончилик маҳсулотларини сотиш учун солиқ тўланиши керакми?

Тадбиркордан савол:
Ўзимнинг ҳовлимда қулупунай етиштираман. Етиштирилган ҳосилни маҳалламдаги қўчада сотсам, мен қанча ва қандай солиқ тўлайман?

ЮРИСТ ЖАВОБИ:

Солиқ кодексининг 378-моддасига асосан, уй хўжалигида деҳқончилик маҳсулотларини табиий ва қайта ишланган ҳолда сотишдан олинадиган даромадлар бўйича имтиёз берилган бўлиб, бунда мазкур даромадлардан жисмоний шахслардан олинадиган даромад солиғи ундирилмайди.

Демак, сиз бу вазиятда солиқ тўлашдан озод этилгансиз.

" VERUM" адвокатлик фирмаси — сизнинг ҳуқуқларингиз ҳимоячиси.

Telegram | Instagram | YouTube | Tiktok Ochish/sharhlash

2022-10-01 06:39:36 БИЛИБ ҚЎЙГАН ЯХШИ

Нуқсонли товар сотилганда истеъмолчи ҳуқуқлари:
• товарни шундай маркали товарга алмаштириб олиш;
• товарни бошқа маркали (моделли) товарга алмаштириб, нархини қайта ҳисоб-китоб қилиш;
• нуқсонларни бепул бартараф этишни ёки харажатларни қоплашни талаб қилиш;
• нархни камайтиришни талаб қилиш;
• шартномани бекор қилиш ва кўрилган зарарни қоплашни талаб қилишга ҳақли.

Мазкур ҳуқуқларни амалга ошириш учун товарнинг нуқсони қуйидаги муддатларда аниқланган бўлиши лозим, яъни:
товарнинг кафолат муддати ёхуд яроқлилик муддати мобайнида;
кафолат муддати ва яроқлилик муддати белгиланмаган товарлар бўйича 6 ой мобайнида;
кўчмас мулк истеъмолчига сотилган кундан бошлаб 2 йил ичида.

Нуқсонли товар сотувчига қуйидагилар билан бирга қайтарилади:
• товарнинг касса (товар) чеки;
• товарнинг техник паспорти (айрим товарлар учун).

Истеъмолчи сифатсиз озиқ-овқат товари сотиб олса, 24 соат ичидагина уни:
алмаштириш;
нархини камайтириш;
нуқсонни бартараф этиш ва зарарни қоплаш талабини қўйиш ҳуқуқига эга.

Истеъмолчи сифатли ноозиқ-овқат товарини (масалан, совун, идиш-товоқ, ўйинчоқлар, канцелярия моллари ва шу кабилар) сотиб олган кунидан бошлаб 10 кун ичида айни шундай товарга алмаштириб олишга ҳақли.
Агар сотувчида бундай товар мавжуд бўлмаса, истеъмолчи тўланган пулни қайтариб олиши мумкин.
Алмаштирилаётган товарларнинг нархида тафовут бўлса, қайта ҳисоб-китоб қилинади.

Этибор беринг! Cотувчи томонидан нуқсонли товарни алмаштириб бериш рад этилса:

• ваколатли органларга мурожаат этиш;
• суд органларига мурожаат этиш мумкин.

" VERUM" адвокатлик фирмаси — сизнинг ҳуқуқларингиз ҳимоячиси.

Telegram | Instagram | YouTube | Tiktok Ochish/sharhlash

2022-09-30 18:44:26 Юридик шахсларнинг турлари

Фойда олишни ўз фаолиятининг асосий мақсади қилиб олган (тижоратчи ташкилот) ёки фойда олишни ана шундай мақсад қилиб олмаган ташкилот (тижоратчи бўлмаган ташкилот) юридик шахс бўлиши мумкин.

Тижоратчи ташкилот бўлган юридик шахс хўжалик ширкати ва жамияти, ишлаб чиқариш кооперативи, унитар корхона ва қонун ҳужжатларида назарда тутилган бошқача шаклда тузилиши мумкин.

Тижоратчи ташкилот бўлмаган юридик шахс жамоат бирлашмаси, ижтимоий фонд ва мулкдор томонидан молиявий таъминлаб туриладиган муассаса шаклида, шунингдек қонун ҳужжатларида назарда тутилган бошқача шаклда ташкил этилиши мумкин.

Тижоратчи бўлмаган ташкилот ўзининг уставда белгиланган мақсадларига мос келадиган доираларда тадбиркорлик фаолияти билан шуғулланиши мумкин.
Юридик шахслар уюшмалар (иттифоқлар)га ва бошқа бирлашмаларга Қонунга мувофиқ бирлашишлари мумкин.

Юридик шахс Фуқаролик кодекси, бошқа қонунчилик ҳужжатлари, шунингдек устав ва бошқа таъсис ҳужжатлари асосида иш олиб боради.

" VERUM" адвокатлик фирмаси — сизнинг ҳуқуқларингиз ҳимоячиси.

Telegram | Instagram | YouTube | Tiktok Ochish/sharhlash

2022-09-30 17:01:30 Электрон тижорат тўғрисида”ги Қонун Президент томонидан имзоланди

Қонунга кўра, электрон тижоратда шартнома тарафлар ўртасида шартнома шартларини электрон ҳужжатлар ва (ёки) хабарларни тасдиқлаш йўли билан келишиш орқали электрон ҳужжат шаклида расмийлаштирилади.

Электрон тижоратдаги электрон ҳужжатлар қоғозда расмийлаштирилган ва ўз қўли билан имзоланган ҳужжатларга тенглаштирилади.

Электрон тижоратда сотувчилар қуйидагилардан иборат:

Электрон савдо майдончасида товарларни (ишларни ва хизматларни) чакана ва (ёки) улгуржи сотиш бўйича фаолиятни амалга оширувчи юридик шахслар ва якка тартибдаги тадбиркорлар;
Электрон савдо майдончасида товарларни (ишларни, хизматларни) чакана сотиш бўйича фаолиятни амалга оширувчи ўзини ўзи банд қилган шахслар.

Соҳада тўловлар қуйидаги усулларда амалга оширилади:

Нақд пул маблағлари билан – нақд пул маблағлари тўлов воситаси тарзида виртуал терминаллар (E-POS) орқали қабул қилинганлигини тасдиқлайдиган ҳужжатларни ҳамда сотувчи ва сотилган товар тўғрисидаги ахборотни ўзида акс эттирадиган ҳужжатларни харидорга тақдим этиш орқали;

Пул маблағларини банк ҳисобварағидан ўтказиш орқали – пул маблағларини банк ҳисобварағидан ўтказиш воситасида, шу жумладан шахсий кабинет орқали ёки тўлов ташкилотининг тизими орқали ўтказиш;

Электрон пуллардан фойдаланган ҳолда – электрон пуллар тизимида очилган электрон ҳамёндаги пул маблағларини ўтказиш воситасида.

Савдо майдончаларининг операторлари, тўлов хизматларини етказиб берувчилар ва товарларни етказиб бериш хизматларини кўрсатувчи юридик шахслар ўз ахборот тизимларига ёки банк ҳисобрақамларига “эскроу” хизматини жорий этиши мумкин.

Товарлар учун харидор томонидан тўловни амалга ошириш чоғида “эксроу” хизматини кўрсатувчи тўланган пул маблағларини харидор товарлар олинганлигининг тасдиғи олингунига қадар сақлаш ҳуқуқига эга. Агар товар етказиб берилмаса ёки тавсифга мос келмаса, “эксроу” хизматини кўрсатувчи пул маблағларини харидорга қайтаради ёки, агар товар хоридор томонидан қабул қилинган бўлса, пул маблағлари сотувчининг ҳисобварағига ўтказилади.

Қонун расмий эълон қилинган кундан эътиборан уч ой ўтгач кучга киради.

" VERUM" адвокатлик фирмаси — сизнинг ҳуқуқларингиз ҳимоячиси.

Telegram | Instagram | YouTube | Tiktok Ochish/sharhlash

2022-09-30 07:45:31 Бугун барча ходимлар иш жойидан камида 1 соат эртароқ кетишлари мумкин

Меҳнат кодексининг 121-моддасига кўра, байрам (ишланмайдиган) кунлари арафасида кундалик иш (смена) муддати барча ходимлар учун камида 1 соатга қисқартирилади.

Эртага ишланмайдиган байрам куни, яъни «1 октябрь — Ўқитувчи ва мураббийлар куни» Демак, бугун - барча ходимлар одатдагидан 1 соат вақтлироқ уйига кетишлари мумкин.

" VERUM" адвокатлик фирмаси — сизнинг ҳуқуқларингиз ҳимоячиси.

Telegram | Instagram | YouTube | Tiktok Ochish/sharhlash