O`zLiDeP Шайхонтоҳур туман Кенгаши ва British management university ҳамкорликда Ўзбекистон Республикаси Олий Мажлиси Қонунчилик палатаси депутати Нодир Жумаев, Халқ депутатлари Шайхонтоҳур туман Кенгашидаги O`zLiDeP депутатлик гуруҳи раҳбари Одилжон Аширов, ўқитувчи ва талабалар иштирокида “Конституция меники, сеники, бизники!”, “Конституция ўзимизники!” шиори остида “Ўзбекистон Республикаси Конституцияси тўғрисида”ги Ўзбекистон Республикаси Конституциявий қонуни лойиҳасининг мазмун-моҳиятига бағишланган тадбир ташкил этилди.
Учрашув жараёнида депутатлар иштирокчиларга тўлиқ ва батафсил маълумотлар бериб ўтишди. Талабалар ўзларини қизиқтирган саволлар билан маърузачиларга мурожаат қилишди. Учрашув сўнгида депутатлар барчани халқимиз тақдири ва эртанги кунини белгилаб берадиган тарихий Қонунга бефарқ бўлмасдан, 30 апрелда бўлиб ўтадиган референдумда фаол иштирок этишга чақириб қолишди.
