𝗨𝘇𝗗𝗲𝘂𝘁𝘀𝗰𝗵𝗹𝗮𝗻𝗱

2023-05-18 15:08:45 . Leistung für Bildung und Teilhabe. Agar siz oylik daromadingiz kamligi uchun yuqoridagi Kinderzuschlag yoki Wohngeld olayotgan bo'lsangiz, qo'shimcha ravishda Bildung und Teilhabe dasturidan yordam olsangiz bo'ladi. Lekin bu yordam sizga pul ko'rinishida emas, Leistung ko'rinishida taqdim etiladi. Misol uchun, agar siz farzandingizni suzish to'gagariga yoki boshqa sport turiga, yoki bironta fandan qo'shimcha darsga bermoqchi bo'lsangiz, o'sha kurs pulini Bildung und Teilhabe dasturi to'lab berishi mumkin. Bu dasturdan asosiy maqsad, daromadi kam oilalarning farzandlariga ham boshqa bolalar qatorida teng imkoniyatlarni yaratib berish. Agar farzandingizni hech qanday kursga jo'natmasangiz, u holda ushbu dastur sizga hech qanday yordam bermaydi.

. Wohnberechtigungsschein (WBS). Bu ham daromadi kam oilalarga yengillik yaratib berish maqsadida qilinadigan yordamlardan biri. WBS sizga o'z shahringizda arzonroq kvartira topishingizga yordam beradi. Misol uchun, Dortmund shahrida 70 kv metr kvartiralarning o'rtacha narxi 700€ Kaltmiete. Agar sizning daromadingiz kam bo'lsa (Misol uchun, 2 kishilik oila uchun yiliga 23000€ dan kam), WBS olishingiz mumkin. O'sha WBS bilan esa 70 kv metr kvartirani ancha arzon narxga olsangiz bo'ladi. Deylik 700€ emas, bor yo'g'i 400-500€ ga. Buning sababi siz WBS orqali qisman davlat tomonidan moliyalashtiriladigan kvartiradan foydalanish huquqini qo'lga kiritasiz. Ya'ni davlat qaysidur uy egalariga, tashkilotlarga yangi uylar qurishda, uylarni ta'mirlashda moliyaviy yordam beradi. Evaziga o'sha uy egalari/tashkilotlar uylarni WBS ga ega bo'lgan oilalarga bozor narxidan arzon narxga ijaraga beradi. Ya'ni siz WBS bilan o'zingiz xohlagan kvartirani ijaraga ololmaysiz, balki WBS ga ega bo'lgan oilalarga taklif qilinayotgan uylardan birini tanlashingiz kerak bo'ladi. Uy sizga yoqsa ko'chib o'tasiz, yoqmasa, o'zizga yoqadigan uy chiqquncha qidirsangiz bo'ladi. Hech kim sizni "WBS olibsan, nimaga haliyam arzon uyga ko'chmading" deb bezovta qilmaydi. WBS narxi 10-20€ atrofida va bir yilga amal qiladi. O'sha bir yil ichida kvartira topishingiz lozim.

Yuqorida yozilganlardan tashqari boshqa moliyaviy yordamlar ham mavjud, misol uchun Bayernda Krippengeld olish mumkin yoki har bir universitetda Familienservicelar bo'ladi, talabalar o'sha yerdan ham yordam olsa bo'ladi.

Yuqorida Wohngeld, Elterngeld va Kinderzuschlag uchun qilingan hisob kitoblar taxminiy xalos. Aniq hisob-kitobni faqatgina o'z shahringizdagi tegishli tashkilot qila oladi. Chunki daromad va xarajatdan tashqari e'tiborga olinishi kerak bo'lgan boshqa holatlar ham mavjud, misol uchun xomiladorlik, nogironlik va hkz. Shuning uchun, aniq hisob-kitobni bilish uchun o'sha tashkilotlarga murojaat qilish eng to'g'ri yo'l.

E'tiboringiz uchun tashakkur. Savollar, e'tirozlar va takliflarni kommentga yozishingiz mumkin.

@uzDeutschland Ochish/sharhlash

2023-05-18 15:08:45 Muhim : Yuqorida yozilgan Kindergeld, Elterngeld, Familiengeld uchun sizning oylik daromadingiz qancha ekanligi ahamiyatsiz. Ya'ni oyiga 1000€ topsangiz ham, 10000€ topsangiz ham ushbu pullarni bemalol olishingiz mumkin. (Elterngeld uchun yillik daromadingiz 300 ming € dan kam bo'lishi kerak).

Bulardan tashqari yillik daromadingizga bog'liq bo'lgan yordam pullari ham mavjud ya'ni ularni olish olmasligingiz, qancha miqdorda olishingiz siz topayotgan pulga va xarajatlaringizga bog'liq. Endi ushbu pullar haqida ma'lumot berib o'tsam :

. Kinderzuschlag. Usbu pul oylik daromadi nisbatan kam bo'lgan oilalar uchun to'lanadigan yordam puli. Pulni olish uchun oilaning oylik daromadi eng kami 900€ bo'lishi talab etiladi. Undan tashqari, oilaning oylik daromadi ma'lum chegaradan oshmasligi kerak. Bu chegara esa oilada necha kishi yashashiga va kvartira narxi qancha ekanligiga bog'liq. Misol uchun, oilada 3 kishi yashaydi, ota-ona va bitta farzand. Kvartiraga esa 700€ Warmmiete to'lashadi. Ana shu holatda oilaning oylik daromadi ~1800€ dan ortiq bo'lmasligi kerak. Kinderzuschlagning maksimal miqdori 250€, oylik daromadga qarab 250€ dan kam bo'lishligi ham mumkin. Kinderzuschlagga hujjatni ham Familienkassega jo'natish lozim.

. Wohngeld. Wohngeld ham xuddi Kinderzuschlag kabi oylik daromadi kamroq oilalarni qo'llab quvvatlashga mo'ljallangan. Sizga wohngeld berilishi yoki berilmasligi ham daromadingizga, uyda nechta odam yashashiga va kvartirangizning narxiga bog'liq. Shaharlardagi kvartira narxlari bir-biridan ancha farq qilgani uchun, deylik Münchenda 70kv metr kvartira o'rtacha 1200€ bo'lsa, Mülheimda shu hajmdagi kvartirani o'rtacha 600€ ga olish mumkin. Shuning uchun har bir shaharga Mietenstufe beriladi va Wohngeld ham shunga qarab hisob-kitob qilinadi. Mietenstufe 1 dan 7 gacha bo'ladi, 7-chi Mietenstufe eng qimmat shaharlarga (Misol uchun, München), 1-chi Mietenstufe esa eng arzon shaharlarga (Misol uchun, Coburg) beriladi.

-Wohngeld eng ko'pi qancha miqdori beriladi? Eng ko'pi bilan oyligim qancha bo'lishi mumkin?

-Bu yuqorida aytganimdek Mietstufega, kvartiraning narxiga va kvartirada nechta odam yashashiga bog'liq. Misol uchun, München shahrida yashayotgan 3 kishilik oilaning kvartira narxi 1000€ (Kaltmiete). Faqat ota ishlaydi va oyiga 2600€ Brutto (Kindergeld qo'shilmaydi) oladi deb hisoblasak, bu oila taxminan 450-500€ atrofida Wohngeld olish huquqiga ega. Agar oilaning daromadi 4000€ dan ko'p bo'lsa, u holda Wohngeld berilmaydi. Har bir shahar uchun alohida alohida hisob kitob qilinadi. Deylik, Münchenda yuqoridagi oila 3500€ topgan taqdirda ham Wohngeld olish huquqi bo'lsa, Coburgda xuddi o'sha oila xuddi o'sha kvartira narxi va oylik daromad bilan Wohngeld ololmaydi.

-Wohngeld uchun eng kam oylik daromad (Mindesteinkommen )qancha bo'lishi kerak?

-Wohngeld olish uchun eng kamida qancha daromadingiz bo'lishi kerakligi ham oilada necha kishi yashayotganiga va kvartiraning narxiga bog'liq. Yana yuqoridagi 3 kishilik oyiga 1000€ Kaltmiete (1300€ Warmmiete) to'layotgan oilani misol tariqasida oladigan bo'lsak, ular Wohngeld olishi uchun eng kamida 2500€ atrofida daromadga ega bo'lishi kerak. (Kindergeld, Elterngeld qo'shib hisoblanadi. Deylik 2000€ brutto oylik, 250€ Kindergeld va 300€ Elterngeld bilan Mindesteinkommenga erishish mumkin).

-Yuqoridagi hisob-kitoblarni uncha tushunmadim. Qayerdan o'zim uchun osongina hisob-kitob qilishim mumkin?

-Sizga qancha miqdorda Wohngeld berilishini ushbu saytdan taxminiy hisoblasangiz bo'ladi. Sayt negadur Mindesteinkommenga yetgan yetmaganingizni tekshirmaydi, uni o'zingiz hisoblashingiz kerak. Ochish/sharhlash

2023-05-18 15:08:45 Qancha Elterngeld olishingiz sizning bola tug'ilishidan oldingi va bola tug'ilgandan keyingi daromadlaringizga bog'liq. Misol uchun, bir talaba farzandi tug'ilishidan oldin yarim stavka ishlab 1200€ oylik olardi, farzandi tug'ilgandan keyin ishni kamaytirdi va 1000€ olyabdi. Tug'ruqdan oldingi va tug'ruqdan keyingi oylikning farqi 200€, lekin shu holatda ham unga 300€ Elterngeld beriladi. Agar uning oyligi o'zgarmagan taqdirda ham 300€ olishi mumkin. Agar oyligi kamayishni o'rniga ko'paysa ham, 300€ olishi mumkin. Muhimi haftasiga 32 soatdan ko'p ishlamasa bo'ldi.

Endi yana bir misolni olsak, tug'ruqdan oldin to'liq stavkada ishlayotgan akamiz 3500€ brutto (StK III, 2600€ netto) oylik olar edi. Farzandi tug'ilgandan keyin bola bilan ko'proq vaqt o'tkazishni xohladi va yarim stavkada ishlashni reja qildi. Yarim stavka vaqtida esa 2000€ brutto (1600€ netto) oylik ola boshladi. Shu holatda akamizning tug'ruqdan keyingi va tug'ruqdan oldingi daromadining farqi 1000€ bo'ladi. Elterngeldning miqdori o'sha farqning 67% atrofida bo'ladi, ya'ni akamizning holatida 670€. Akamiz 12 oy davomida yarim stavkada ishlab, har oy 670€ Elterngeld olishi mumkin.

Uchinchi misol, vrach bo'lib ishlayotgan hamyurtimiz, farzandli bo'ldi va ishga umuman chiqmaslikka qaroq qildi. Bir yil davomida faqat farzand tarbiyasi bilan shug'illanmoqchi. Ana shu holatda hamyurtimizga 1800€ Elterngeld beriladi, chunki tug'ruqdan oldingi daromad 3000€ bo'lsa, uni 67%i 1800€ dan ko'p. Lekin Elterngeld uchun maksimal chegara 1800€ bo'lgani uchun, vrach hamyurtimiz ko'proq pul ololmaydi.

-Elterngeld necha oy beriladi?

-Elterngeld ota va ona uchun birgalikda 14 oyga beriladi. Ya'ni bu oylarni o'zingiz xohlagandek taqsimlab olishingiz mumkin. Deylik, ota va ona har biri 7 oydan Elterngeld oladi. Yoki ota 2 oy, ona 12 oy. Yoki ota 4 oy, ona 10 oy va hkz. Muhimi, bir kishi maksimum 12 oy Elterngeld olishi mumkin.

-Elterngeld olish uchun Elternzeitga(dekret) chiqish majburiymi?

-Yo'q, lekin haftasiga 32 soatdan ortiq ishlaganlarga Elterngeld berilmaydi.

Yuqorida yozganlarim ElterngeldBasis ga tegishli, undan tashqari ElterngeldPlus varianti ham bor. Bu holatda siz 14 oyni o'rniga 28 oy Elterngeld olishiz mumkin, lekin oladigan pulingiz ham kamayadi. Deylik, 300€ ni o'rniga 150€ olasiz, yoki 1800€ ni o'rniga 900€.

-ElterngeldPlusni qanday foydasi bor?

-ElterngeldPlusni eng katta foydasi bu tug'ruqdan oldin to'liq stavkada, tug'ruqdan keyin yarim stavkada ishlayotganlar uchun. Yuqoridagi yarim stavkada ishlayotgan akamiz 12 oy ElterngeldBasis olsa oyiga 670€ atrofida Elterngeld olishini aytgandim. Aynan o'sha akamiz 24 oy ElterngeldPlus olsa ham 670€ atrofida bo'ladi. Ya'ni akamiz 12 oyni o'rniga 24 oy 670€ dan oladi. Agar o'sha akamiz shu postni o'qimasdan, ElterngeldBasisga hujjat topshirib yuborsa, 8040€ dan (12*670€) quruq qolar edi. Qancha Elterngeld olishingiz mumkinligini shu saytdan hisoblab olsangiz bo'ladi.

-Elterngeld olish uchun farzand necha yosh bo'lishi kerak?

-ElterngeldBasis faqat farzand 14 oyga to'lgunicha beriladi, ElterngeldPlus esa farzand 32 oylik bo'lgunicha. Agar sizning farzandingiz bu yoshdan o'tgan bo'lsa, unda Elterngeld ololmaysiz.

Elterngeldni olayotganda e'tibor berilishi kerak bo'lingan boshqa jihatlari ham mavjud, hammasini bu postda yozish imkonsiz. Shunga Elterngeld olishdan oldin ma'lumotlarni yaxshilab o'qib chiqishni maslahat beraman.

. Familiengeld. Bu pul faqat Bayern viloyatida yashovchilar uchun beriladi. Farzandingiz 12 oyga to'lganidan 36 oyga to'lgunicha har oyda 250€ qo'shimcha pul beriladi. Bu pul Kindergelddan alohida to'lanadi. Agar siz Elterngeld olish uchun ariza jo'natgan bo'lsangiz, u holda Familiengeld uchun alohida ariza jo'natish shart emas. Elterngeldga qo'shib, uni ham o'zlari beradi. Agar siz Elterngeldga ariza jo'natmagan bo'lsangiz,u holda ushbu saytdan Familiengeldga ariza topshirishingiz mumkin. Ochish/sharhlash

2023-05-18 15:08:45 #Moliyaviy_Yordamlar
#Finanzielle_Hilfe

Assalomu alaykum hurmatli kanal obunachilari. Yaqinda sizlardan kanalda qanday mavzular bo'yicha ma'lumotlar berilishini xohlashingizni so'ragandim. Ko'pchilik Germaniyada farzandli oilalarga beriladigan bola puli (Kindergeld) va shunga o'xshash pullar haqida ma'lumot yozilishini so'ragandi. Undan tashqari, Germaniyada yosh o'zbek oilalari kundan kunga ko'payib bormoqda, shuni inobatga olgan holda, bugun shu yosh oilalarga qo'ldan kelgancha foydali ma'lumotlar berishga harakat qilaman.

Bugungi mavzu asosan Germaniyada oilalilarga beriladigan pullar haqida bo'ladi. Agar sizga ushbu mavzu qiziq bo'lsa, unda postni oxirigacha o'qing.

. Bundesstiftung Mutter und Kind tomonidan beriladigan bir martalik moliyaviy ko'mak.

Ushbu yordam puli xomilador ayollar uchun mo'ljallangan. Pulni olish yoki olmasligingiz, qancha miqdorda olishingiz mumkinligi sizning oilaviy daromadingizga bog'liq. Germaniyada yashayotgan yosh oilalarning aksari hali ham talaba yoki Ausbildungda ekanini inobatga olsak, ular bemalol ushbu yordam pulini olishlari mumkin. Pulni olish uchun xomilador vaqtingizda o'z shahringizdagi Schwangerschaftsberatungsstellega murojaat qilishingiz mumkin (websaytning pastki qismida Schwangerenberatung degan bo'limni tanleng). Bola tug'ilgandan so'ng ushbu pulni olishni ilojisi yo'q. Tanishlar o'rtacha 900-1100€ atrofida yordam puli olishgan. Bitta farzand uchun faqat bir marta pul olish mumkin.

-Bu pulni olish uchun qaysi viza bilan Germaniyada yashayotganini ahamiyati bormi?

-Yo'q, ushbu pulni talabalar ham, azubilar ham, ishchilar ham bemalol olishlari mumkin. Muhimi Germaniyada qonuniy yashayotgan bo'lishi va milliy vizaga ega bo'lishlari lozim. Turistlarga, Ferienjobga kelganlarga ushbu pul berilmaydi.

. Kindergeld. Bu Germaniyada yashayotgan har bir farzand uchun to'lanadigan bola puli, har oyda 250€ miqdorida beriladi. Pulni olish uchun o'z shahringizdagi Familienkassega murojaat qilishingiz mumkin. Bola puli farzand 18 yoshga to'lguncha beriladi, ba'zi holatlarda (Ausbildung, Studium) bola 25 yoshga kirguncha ham Kindergeld olish mumkin. Agar bola O'zbekistonga ketadigan bo'lsa, buni Familienkassega xabar qilishingiz zarur. Chunki bolaning asosiy yashash joyi Germaniyada bo'lmasa, bola puli berilmaydi. Bola hali O'zbekistondan Germaniyaga kelmagan bo'lsa ham, Kindergeld olishni ilojisi yo'q.

-Kindergeld olish uchun vizani ahamiyati bormi?

-Bor. Agar siz Germaniyada Au Pairlik, FSJ/BFD, Ish izlash vizasida yurgan bo'lsangiz, sizda tug'ilgan farzandingiz uchun Kindergeld olish huquqi yo'q. Agar siz talaba bo'lsangiz, unda yoki ishlayotgan bo'lishingiz yoki Elternzeitda bo'lishingiz zarur. Ya'ni agar talaba bo'lib, hech qayerda ishlamasangiz, farzandingiz uchun Kindergeld ololmaysiz. Avvallari ishlaydigan talabalarga ham Kindergeld berilmas edi, 2020-yildan ushbu qoidalarga o'zgartirish kiritilgan. Lekin ba'zi Familienkasselar hali ham ishlayotgan talabalarga ham farzandi tug'ilganida Kindergeld bermayotgan ekan. Agar siz ham Kindergelddan Ablehnung olgan bo'lsangiz, u holda Widerspruch yozib, ularga yangi qoidalarni o'rgatib qo'ying :) Shaxsan o'zimda shunday holat kuzatildi, talabalik vizasi bilan yurganim uchun, Familienkasse avvaliga Kindergeld berishni xohlamadi (Ablehnung), keyin Widerspruch yozib, ularga yangi qoidalarni eslatib qo'ydim. Shundan keyin Kindergeld berishni boshladi.

. Elterngeld. Farzand tug'ilgandan keyin olish mumkin bo'lgan pullardan yana biri bu Elterngeld hisoblanadi. Elterngeldning miqdori 300€ va 1800€ orasida, ya'ni siz minimum 300€ yoki maksimum 1800€ Elterngeld olishiz mumkin.
Elterngeld olish uchun siz Elternzeitga chiqqan bo'lishingiz yoki haftasiga 32 soatdan kamroq ishlashingiz lozim. Agar haftasiga 32 soatdan ko'p ishlasangiz, sizga Elterngeld berilmaydi. Ochish/sharhlash

2023-05-13 21:16:15 #Deutsche_Bahn
#Streik

Ikki kun oldin Deutsche Bahn norozilik namoyishlari o'tkazilayotgani uchun yakshanba soat 22:00 dan seshanba 24:00 gacha ko'p poezdlar bekor qilinishi aytilgandi.

Bugun esa o'sha Deutsche Bahn ni o'zi norozilik namoyishini bekor qildi. Ya'ni poezdlar normal holatda yurishi rejalashtirilmoqda.

Internetda yozishmoqda :

"Mal wieder typisch Bahn.
Sogar der Streik fällt aus…" Ochish/sharhlash

2023-05-12 19:48:55 #Deutsche_Bahn_Streik

Deutsche Bahn yana yakshanba, 14-may soat 22:00 dan boshlab 16-may soat 24:00 gacha norozilik namoyishi o'tkazilishini e'lon qildi (Streik).

Shuning uchun, butun Germaniya bo'ylab ICE/IC (Fernverkehr) poezdlari xarakati to'xtatildi.

RE, RB, S-Bahn lar esa juda katta cheklov (stark eingeschränkt) bilan yurishi rejalashtirilgan, ya'ni kech qolishlar, bekor bo'lishlar(Ausfälle) ko'p kuzatiladi.

Ishga, o'qishga qanday qilib borishni hozirdan aniqlab oling. Alternativ variantni topib qo'ying.

O'sha kuni Germaniyaga kelayotgan tanishlaringizni ham ogohlantirib qo'ying. Ochish/sharhlash

2023-04-22 15:32:50 Agar imtihondan yiqilsangiz, xuddi yuqorida yozilganidek o'rtacha 417€ to'lab, imtihonni qayta topshirish kerak bo'ladi

. Endi tez-tez so'rab turiladigan savollarga (FAQ) javob berib o'tsam :

-O'zbekistonda olingan haydovchilik guvohnomasi Germaniyada qancha muddat yaroqli hisoblanadi?

-Faqatgina 6 oy. Germaniyaga kelgan kuningizdan boshlab, faqat 6 oy Uzbda olingan prava bilan mashina haydash mumkin. Korona vaqtida muddatni 1 yil qilishgandi, lekin hozir yana olti oy.

-Germaniyada prava olish namuncha qimmat, 2 oyga ta'til (Urlaub) olib, O'zbekistonga borib prava obkelsamu keyin uni umschreiben qilsam bo'ladimi?

-Yo'q. Agar hozir siz Germaniyada yashayotgan bo'lsangiz, O'zbekistonga borib olib kelgan haydovchilik guvohnomasi umuman tan olinmaydi, pravangiz yo'q hisobida bo'ladi. Qachonki siz 6 oydan ortiq muddat O'zbekistonda yashab, o'sha vaqtda haydovchilik guvohnomasi olsangiz, ana o'shandagina u tan olinadi. Ta'tilda borib, ovora bo'lib prava olib yurmang.

-Haydovchilik guvohnomasi olish uchun qancha vaqt kerak bo'ladi?

-Bu o'zingizga bog'liq. Ba'zi Fahrschulelar 1-2 haftalik VIP kurslar ham taklif qiladi, odatdagidan ancha qimmat narxga. O'rtacha 4-5 oyda bemalol prava olsangiz bo'ladi.

-Agar menda EU-Davlati (Polsha, Latviya, Estoniya...) pravasi bo'lsa ham, uni umschreiben qilishim kerakmi?

-Yo'q shart emas. Agar muddati o'tib ketmagan bo'lsa, u bilan bemalol mashina haydab yurishingiz mumkin.

-O'zbekistondan olingan pravani umschreiben qilganda, Probezeit yana 2 yil bo'ladimi?

-Yo'q, agar O'zbekistondan olingan pravaga 2 yil to'lgan bo'lsa, u holda sizga hech qanaqa Probezeit shart emas.

-Agar nemis tilini yaxshi bilmasa, nazariy imtihonni boshqa tilda ham topshirsa bo'ladimi?

-Albatta, imtihonni ingliz tilida, rus tilida, turk tilida, arab tilida ham topshirish mumkin. Lekin amaliy imtihonni faqat nemis tilida topshirsa bo'ladi.

-Nazariy va amaliy imtihondan yiqilsa, uni necha marta qayta topshirish mumkin?

-Pulini to'lab qo'yib, xohlagancha qayta qayta topshirishingiz mumkin. Imtihonlar orasida kamida 14 kun o'tsa bo'ldi. Lekin juda ko'p marta yiqilsangiz, sizdan tibbiy va ruhiy tekshiruvga borishni so'rashlari mumkin.

-Men shifokor bo'lsam ham Erste-Hilfe-Kursga qatnashishim kerakmi?

-Agar sizda Approbation yoki Berufserlaubnis bo'lsa, Erste-Hilfe-Kurs siz uchun majburiy emas.

Qo'shimcha ravishda Probezeit, Germaniyada mashinada qoidabuzarlik sodir etilganda qo'llaniladigan jarimalar haqida, sug'urta, texnik ko'rik narxlari haqida ham yozmoqchi edim lekin qarasam shundog'am uzun post bo'lib ketibdi. Ular haqida boshqa kuni yozarman.

Agar qo'shimcha savollar, e'tirozlar bo'lsa, bemalol kommentga yozishingiz mumkin. Ochish/sharhlash

2023-04-22 15:32:50 Fahrschule uchun Grundbetrag : 300€ deb olamiz. (500-600€ bo'lishi ham mumkin)
Fahrschulega o'rganish materiallari uchun(misol uchun, sizga App uchun Zugang bersa yoki kitoblar) : o'rtacha 80€
Straßenverkehtamtga Antrag : 10€
Erste-Hilfe-Kurs : 60€ (Anbieterga qarab farqlanadi)
Nazariy imtihon : 23€
Amaliy imtihon : 117€
Nazariy imtihonga anmelden (Vorstellung zur theoretischen Prüfung) : 60€ (Fahrschulega qarab farq qiladi)
Amaliy imtihonga anmelden (Vorstellung zur praktischen Prüfung, ya'ni siz imtihon topshiryotganda yonizda o'tirgan o'qtuvchizni xizmat haqqi, Fahrschule sizni anmelden qilgani) : 200€
12 ta Sonderfahrstunden (har biri 45 minut) : bitta Sonderfahrt uchun 50€ deb olsak, 12 tasi uchun 600€ (Fahrschulega qarab ozgina farq qiladi).

Eng muhimi : qobilyatingizga bog'liq bo'lgan amaliy dars (Fahrstunden) : har bir 45 minutlik dars uchun 50€ deb olsak, kimgadir 30 ta dars ham kam, kimgadir 10 ta yetadi. Keling o'rtacha 15 ta darsni hisoblaylik : 15x50€ = 750€ (agar 30 ta dars olsangiz, 1500€)

Yuqoridagilar faqat o'rtacha hisob kitob, ya'ni Fahrschulega qarab farq qiladi. Bizni holatimizda 2200€ bo'ldi, ya'ni har bir haydovchilik guvohnomasi olmoqchi bo'lgan odam shu atrofda pul sarflashi kerak bo'ladi. Yuqoridagilardan tashqari, Fahrschulening boshqa mayda chuyda xarajatlari ham bo'ladi(5-15€ lik), ularni yozib o'tirmadim. Bir tanishim, haydovchilik guvohnomasi uchun 5000€ dan ko'p pul sarfladi va hali ham haydovchilik guvohnomasi ololgani yo'q. Juda ko'p amaliy Fahrstunden qildi, imtihondan 3 marta yiqildi, shunga shunaqa ko'p pul sarfladi.

11. Agar amaliy imtihondan yiqilsa nima bo'ladi?

U holda yana pul to'lab, imtihonni boshqattan topshirishingizga to'g'i keladi. 117€ TÜV/DEKRA, 200€ Fahrschule agar yana 2 ta Fahrstunde qilsangiz 100€ (imtihondan bekorga yiqilmagansiz, yana pul to'lab, yana amaliy dars olish kerak bo'ladi odatda). Umumiy hisobda 417€. Ya'ni imtihondan har safar yiqilganingizda, siz o'rtacha 417€ to'lab, yana imtihon topshirishingiz mumkin.

. O'zbekistonda haydovchilik guvohnomasi olib kelganlar qanday qilib nemis pravasini olishlari mumkin? (Umschreiben).

Yuqorida batafsil jarayonni yoritganim uchun, pravasi borlarga qisqaroq ma'lumot berishga harakat qilaman.
Avvalo O'zbekistondan haydovchilik guvohnomasini olib kelganlar uchun muhim ma'lumotlarni aytib o'tsam :

-O'zbekistondan olib kelingan haydovchilik guvohnomasining muddati o'tib ketmagan bo'lishi kerak. Agar muddati o'tib ketgan bo'lsa, Uzbga borib yangilab keling yoki Germaniyada xuddi pravasi yo'qlardek hammasini boshidan boshlashingizga to'g'ri keladi.

-Ularga nazariy darslarga qatnashish majburiy emas.

-Ularga Sonderfahrten qilish majburiy emas.

-Pravasi borlarga amaliy darsga qatnashish ham majburiy emas (lekin Fahrschule har doim amaliy darsga qatnashishni so'raydi, chunki ular siz rostdan ham mashina hayday olishingizga ishonch hosil qilishlari kerak).

-Ular nazariy imtihondan va amaliy imtihondan o'tishlari shart.

- Germaniya haydovchilik guvohnomasini olayotganda, O'zbekistondan olingan haydovchilik guvohnomasini topshirish kerak

2.1. O'zbekistondan prava olib kelganlarga Germaniyada pravani umschreiben qilish qanchaga tushadi?

O'rtacha: Grundbetrag : 300€, Vorstellung zur theoretischen Prüfung 60 €
Vorstellung zur praktischen Prüfung 200€, Antrag Straßenverkehtamt 40€, Erste-Hilfe-Kurs 60€, nazariy imtihon 23€, amaliy imtihon 117€, 2 ta ixtiyoriy Fahrstunden 100€. Umumiy hisobda o'rtacha 870€, lekin men tanigan deyarli hamma bundan ko'proq sarflagan, shunga o'rtacha 1200-1500€ mo'ljallaganiz yaxshi. (Aslida O'zbekistondan haydovchilik guvohnomasi olib kelganlar, Fahrschulega bormasdan pravani umschreiben qilishlari ham mumkin, ya'ni yuqoridagi 300€ Grundbetragni to'lamasdan, ammo imtihon vaqtida yoningizda Fahrlehrer o'tirishi shart, Fahrlehrerni esa Fahrschuledan topasiz, shunga Fahrschulega borishga baribir majbursiz. Borganda "menga faqat imtihon vaqtida Fahrlehrer kerak xalos" deb, narxni yanada arzonlatishga harakat qib ko'ring, agar o'zingizga juda ham ishonsangiz) Ochish/sharhlash

2023-04-22 15:32:49 5. Xohlasangiz 14 ta nazariy darsdan keyin, xohlasangiz ertaroq amaliy darsni (Praxis Fahrstunde, mashina minishni o'rganish) boshlashingiz mumkin. Ba'zi Fahrschulelar Praxisni boshlashdan oldin qanchadur nazariy darsga qatnashishni majburiy qilib qo'yishadi, misol uchun 123fahrschuleda 10 ta nazariy darsga qatnashganingizdan keyingina amaliy darslarni boshlash mumkin. Boshqa Fahrschuleda boshqacha qoidalar bo'lishi mumkin.

6. Yuqorida nazariy imtihonda qatnashish uchun 14 ta darsga qatnashish majburiy ekanini aytgandim. Mashina minishni tekshiruvchi amaliy imtihonga qatnashish uchun nechta amaliy darsga qatnashish kerak? Bu savolga aniq javob berishni ilojisi yo'q, chunki qonunan hech qanday minimum chegara yo'q. Ya'ni kimdir 5 ta 90 minutlik darsdan keyin zo'r mashina haydashni o'rganib olishi mumkin, kimdir esa 25 ta darsdan keyin ham erkin mashina hayday olmasligi mumkin. Bu albatta sizning qobilyatingizga bog'liq.

7. Ammo amaliy imtihonga borishdan oldin, eng kamida 12 ta Sonderfahrstunden (har biri 45 minut) qilish majburiy hisoblanadi, ya'ni siz haydovchilik guvohnomasini olish uchun, eng kamida 3 martta kechasi (Nachtfahrten), 4 martta Avtobanda va 5 martta Bundes- oder Landstraße (Überlandfahrten) mashina haydab ko'rishingiz kerak bo'ladi. Buni kamaytirishni ilojisi yo'q, qanchalik zo'r mashina haydashingizdan qa'tiy nazar, 12 ta Sonderfahrstunden qilishingiz shart.

8. Endi yana nazariy bilimlarga qaytamiz. 14 ta darsga qatnashdingiz, Germaniyadagi yo'l qoidalarini yaxshilab o'rganib oldingiz, endi navbat Theorieprüfungga(nazariy imtihon). Ba'zi Fahrschule qo'shimcha ravishda sizdan App orqali Prüfungssimulation qilishni talab qiladi, ya'ni siz haqiqiy imtihondan o'ta olasizmi yoki yo'qmi, shuni yaxshiroq bilib olishingiz va shunga qarab qaror qabul qilishingiz uchun. Theorieprüfungda sizga 30 ta savol beriladi. Har bir savol uchun turli xil ball beriladi, ba'zilariga 2 ball, ba'zilariga 3 ball, eng ko'p 5 ball. Siz umumiy tarzda maksimall balldan 10 ball past olishingiz mumkin. Deylik, imtihonda 3 ta 3 ballik savolga javob bera olmadingiz (9 ball kam), lekin imtihondan o'tgan hisoblanasiz. 2 ta uch ballik va 1 ta 5 ballik savolga javob bera olmasangiz (11 ball kam) imtihondan yiqilgan hisoblanasiz. Internetda va Fahrschule beradigan Appda imtihon savollari bo'ladi, 1000 ta savollar bor, shulardan faqat 30 tasi tushadi, shunga nazariy imtihondan o'tish qiyin bo'lmaydi. Imtihon kompyuterda yoki tabletda bo'ladi, oddiy test savollar.

9. Nazariy imtihondan o'tdingiz, endi haydovchilik guvohnomasini olishning eng asosiy bosqichi qoldi - praktische Prüfung (amaliy imtihon, nazariy imtihondan keyin 12 oyni ichida topshirish kerak, aks holda nazariy imtihonni yana topshirishga to'g'ri keladi). Imtihon 45 minut bo'ladi, siz rolda, yoningizda sizga mashina haydashni o'rgatgan ustozingiz, orqa o'rindiqda esa imtihon oluvchi shaxs (imtihonni TÜV/DEKRA ni hodimi oladi). U sizga "uyoqqa yur, buyoqqa yur, u yerdan o'ngga burul, buyerdan chapga qayril" deb buyruq berib turadi, siz uni gaplariga qarab mashinani boshqarishingiz kerak bo'ladi. Agar yo'lda qo'pol xatoga yo'l qo'ysangiz, "mashinani chetga ol" deydi, ya'ni imtihondan o'ta olmagan bo'lasiz. Imtihondan o'tsangiz, sizga o'sha vaqtni o'zida haydovchilik guvohnomasi beriladi.

10. Haydovchilik guvohnomasi olish uchun jarayon qanday kechishini bilib oldik, endi narxlari haqida tanishib olsak. Mashina minishni bilmaydigan odam Führerschein olish uchun qancha xarajat qilishi kerak bo'ladi?

Yuqorida aytib o'tganimdek, narxlar Fahrschuledan Fahrschulega qarab farq qiladi, ba'zi shaharlarda narxlar qimmatroq, ba'zilarida arzonroq. O'rtacha narxlarni hisoblab chiqamiz: Ochish/sharhlash

2023-04-22 15:32:49 #Haydovchilik_Guvohnomasi

Assalomu alaykum hurmatli kanal obunachulari. Oramizda Germaniyadagi har doim kech qolib keladigan jamoat transportlaridan norozilar ko'p bo'lsa kerak. Ishga, o'qishga shoshib ketayotganingda, poezd kech qolsa yoki umuman kelmasa ertalabdan kayfiyat buziladi. Ana shu holatda ko'pchilikda "Tezroq haydovchilik guvohnomasi (Führerschein) olishim kerak" degan hayol o'tgan bo'lsa kerak. Bugun sizlarga Germaniyada qanday qilib haydovchilik guvohnomasi olish mumkinligi haqida ma'lumot bermoqchiman.

Post uch qismdan iborat bo'ladi, birinchi qismida hali umuman haydovchilik guvohnomasi olmaganlar uchun ma'lumot beriladi. Ikkinchi qismida esa O'zbekistonda allaqachon haydovchilik guvohnomasi olib, endi uni nemislarning guvohnomasiga almashtirmoqchi bo'lganlar (umschreiben) uchun ma'lumot berilsa, uchinchi qismida haydovchilik guvohnomasi haqida tez-tez so'rab turiladigan savollarga (FAQ) qo'ldan kelgancha javob berib o'taman.

. Hali haydovchilik guvohnomasi olmaganlar uchun jarayon qanday bo'ladi? O'qish va imtihon umumiy hisobda qancha?

1. Germaniyada haydovchilik guvohnomasi uchun qilinadigan eng birinchi ish bu Fahrschule topish. O'z shahringizdagi Fahrschulelarni qidirib ko'ring, ularni narxlari bilan tanishib, o'zaro taqqoslang. Adashmasam, O'zbekistonda avtomaktablarni narxi unchalik farq qilmaydi lekin Germaniyada Fahrschulelar o'zlari ko'rsatayotgan xizmat uchun, o'zlari ixtiyoriy narx qo'ya oladi. Shuning uchun, Fahrschule bilan shartnoma tuzishdan oldin, har doim uch-to'rtta Fahrschulening narxlarini taqqoslab ko'ring, shunga qarab qaror qiling.

2. Fahrschule topdingiz, endi ular bilan shartnoma tuzish kerak bo'ladi. Shartnomada qaysi Führerschein uchun anmelden bo'lganingiz va Fahrschule sizga taklif qilgan xizmatlari uchun narxlar yozilgan bo'ladi.

3. Shartnomani tuzib, pulini to'lab bo'lganingizdan so'ng o'qishning Theorie (nazariy) qismini boshlasangiz bo'ladi. Agar siz B(B197) pravaga o'qiyotgan bo'lsangiz, umumiy hisobda 14 ta darsga(12 ta Grundstoff va 2 ta Zuzatsstoff) majburiy qatnashishingiz kerak bo'ladi. Darslarga qatnashish uchun bemalol o'zingizga qulay vaqtlarni tanlashingiz mumkin. Ba'zi Fahrschulelar har kuni 3-4 tadan darslar taklif qiladi, ba'zilari esa haftada 3-4 ta. Shuning uchun, shartnoma tuzishdan oldin, Fahrschule qaysi kunlari va qaysi soatlarda dars taklif qilishini yaxshilab bilib oling. Sizda faqat dushanba va seshanba 17-20 oralig'ida vaqt bo'lsayu, lekin Fahrschule faqat chorshanba-Juma dars taklif qilsa, u holda darslarga qatnasha olmasligiz mumkin. Har bir dars 90 minut davom etadi. 14 ta Theorie darsida 14 xil mavzu haqida ma'lumot beriladi, lekin qaysi darslarga qatnashishni o'zingiz hal qilasiz. Ya'ni xohlasangiz 14 ta darsda 14 xil mavzuga qatnashasiz, xohlasangiz bitta mavzuni 12 martta (2 ta Zuzatsstoff majburiy, qolganlari ixtiyoriy) qaytarasiz (bu ahmoqlik, lekin shunaqa qilsa ham bo'ladi). Mavzular shu oddiy mashina minish qonun qoidalari, yo'l belgilari, mashinaning tuzilishi va hkz haqida bo'ladi. Yuqorida aytib o'tganimdek, 12 ta dars faqat "yo'l belgilari" mavzusiga qatnashishingiz ham mumkin, nu har bir mavzuga qatnashishni maslahat berardim.

4. Theorie darslarga borish mobaynida (yoki undan oldin) haydovchilik guvohnomasini olish uchun Straßenverkehrsamtga Ariza (Antrag) topshirishingiz kerak bo'ladi. Buning uchun sizga 3,5 ga 4,5 biometrik rasm, Sehtest (ko'rish qobilyatingizni tekshiradi, Fielmann da bepul qildirsez bo'ladi) va Erste-Hilfe-Kurs-Bescheinigung (Primeros, DRK da qilish mumkin, narxi 40-80€ atrofida) kerak bo'ladi. Ariza topshirish narxi 10€. Arizani o'zingiz topshirsangiz ham bo'ladi, buning uchun Straßenverkehrsamtdan termin olasiz. Yoki Fahrschulega 20-30€ bersangiz, o'zlari siz uchun Arizani topshirib berishadi. Ochish/sharhlash