Oʻzbekcha Vikipediya

2022-07-05 08:03:22 #viki_xushxabar

Ishtirokchilaruuuu, bu yoqqa qaranglarchiii, kunni ajoyib xushxabardan boshlaylik!

Endilikda Siz “Maqolamni Vikipediyaga qanday joylayman”, “buncha qiyin”, “yo‘g‘e, qatnashmayman” degan savollar bilan to‘xtab qolmaysiz!

Vikiadministratorlarimiz tomonidan tayyorlangan ushbu videoqo‘llanma maqolangizni osongina joylashtirishga o‘rgatadi va yuqoridagi savollarni butkul esingizdan chiqarasiz!

Ishonmaysizmi? Ko‘ring va harakatni boshlang, axir vaqt ketyapti!



#Tilimizuchun
@wikistipendiya Ochish/sharhlash

2022-07-04 15:54:20 Vikipediyada o‘zbek tilidagi maqolalar soni 150 mingdan oshdi

“Wiki-stipendiya” loyihasi boshlangandan beri 3-iyul holatiga ko‘ra, oʻzbekcha Vikipediyada yaratilgan maqolalar soni 150 000 taga yetdi. Oʻzbekcha Vikipediya ayni paytda 150 082 ta maqola bilan barcha tillardagi Vikipediyalar orasida 58-oʻrinda bormoqda.

Shuningdek, o‘zbek tili turkiy tillardagi Vikipediyalar orasida turkcha, tatarcha, janubiy ozarbayjoncha, ozarbayjoncha va qozoqcha Vikipediyalardan keyin 6-oʻrinda bormoqda.

30-iyun — Yoshlar kunida Prezidentimiz “Wiki-stipendiya” loyihasi haqida gapirib o‘tganlaridan so‘ng, loyihaga qiziquvchilar va o‘zbek tilidagi maqolalar sonini ko‘paytirishga hissa qo‘shishni istagan yoshlarimiz safi sezilari darajada oshib ketdi.

“Wiki-stipendiya” loyihasi ishga tushgach, avval o‘zbekcha Vikipediyada mavjud bo‘lmagan juda ko‘plab maqoalalar joylandi. Masalan, “Yangi O‘zbekiston bog‘i”, “Zakovat” intellektual o‘yini, Samarqand noni, O‘zbekiston Qahramoni Lola Murotova haqidagi maqolalar shular jumlasidandir. Loyiha doirasida joylangan maqolalar bilan tanishish uchun havola.

Loyihada ishtirok etish uchun @Wikistipendiya_bot Telegram boti orqali roʻyxatdan o‘ting va siz ham Vikipediyada oʻzbek tilidagi maqolalarni boyitishda faol bo‘ling.

@alisher_sadullaev Ochish/sharhlash

2022-07-02 10:00:41 #viki_sarhisob

“WikiStipendiya” marafoni start olganiga ham bir oydan oshdi. Xo‘sh, bu vaqt davomida biz nimalarga erishdik? Natijalar qanday? Maqsadimizchi?

Savollarning barchasiga javob batafsil videoda, ko‘ring va o‘zingiz baho bering!

#TilimizUchun
Telegram | Facebook | Instagram | YouTube Ochish/sharhlash

2022-07-02 06:00:23 Студия 24 | Ёшлар - учинчи ренессанс бунёдкорлари
#1july #uzbekiston24

mtrk.uz | Youtube | Facebook | Telegram | uztv.tv Ochish/sharhlash

2022-07-01 00:32:31 #viki_xushxabar

30-iyun — Yoshlar kuni “WikiStipendiya” marafoni uchun unutilmas sanaga aylandi. Loyiha bilan yaqindan tanishgan Prezidentimiz o‘zlarining bayram tabrigida quyidagilarni ta’kidladilar:

“Men hozirgina uchrashgan Mehrinoz Abbosova boshchiligidagi bir guruh tashabbuskor yoshlar tomonidan dunyoning eng ommabop elektron ensiklopediyasi – Vikipediyaga 10 mingdan ortiq o‘zbek tilidagi maqolalar joylanganini eshitib xursand bo‘ldim. Hammangizning nomingizdan bu jamoaga minnatdorlik bildirmoqchiman.

Vikipediyada o‘zbek tilidagi maqolalar sonini 100 mingtaga yetkazish va xorijiy tillarda ham O‘zbekiston haqidagi ma’lumotlarni joylashtirish yaxshi samara berishi shubhasiz. Ushbu maqsadlar uchun 10 milliard so‘m mablag‘ yo‘naltiriladi”.

Endi marrani yanada kengroq olib, Prezidentimizning bildirgan ishonchini oqlashga astoydil harakat qilamiz!
Olg‘a!

#Tilimizuchun
@wikistipendiya Ochish/sharhlash

2022-06-25 17:54:41 #viki_muloqot

Bugun 20:00 da Sizlar bilan audiochat orqali jonli suhbat quramiz!
Barcha savollaringizga javob berishga, sizlarni tinglashga hamisha tayyormiz! Havola kanalda ulashiladi.

Aytgancha, xushxabarlarimiz bor!

#TilimizUchun
Telegram | Facebook | Instagram | YouTube Ochish/sharhlash

2022-06-21 18:34:20 Wikipediada oʻzbek tilidagi maqolalar koʻpayishda davom etmoqda #repost

Bundan roppa-rosa bir oy oldin “Wiki-stipendiya” marafoniga start bergandik. Bir oy davomida Wikipediada oʻzbek tilidagi maqolalar boʻyicha katta oʻsish kuzatilgan: maqolalar soni 5 932 taga, faol foydalanuvchilar soni 343 taga, umumiy tahrirlar soni esa 78 989 taga oshgan.

Shuningek, marafon may oyining ikkinchi yarmida boshlangan boʻlishiga qaramay, Wikipediada oʻzbek tilidagi maqolalar boʻyicha aprel oyiga solishtirganda katta oʻzgarishlar kuzatilgan: barcha sahifalarga tashriflar soni 1,36 foizga oshib, 15 millionga yetdi; barcha tahrirlar soni 640,64 foizga oshib, 70 mingga yetdi; tahrir qilingan sahifalar soni esa 398,76 foizga oshib, 18 mingga yetdi.

Loyiha koordinatorlari Mehrinoz Abbosova, Gulbegim Xolmirzayeva, Nodir Ataev, Nikolay Artemev, Jamshid Nurqul va Azizjon Sharipovlarga minnatdorchilik bildiramiz. Juda katta loyiha boshladingiz. Loyihani davomli amalga oshirishda Yoshlar ishlari agentligi jamoasi doim qoʻllab-quvvatlashga tayyor!

Loyihada ishtirok etish uchun @Wikistipendiya_bot Telegram boti orqali roʻyxatdan o‘ting va siz ham Wikipediada oʻzbek tilidagi maqolalarni boyitishda faol bo‘ling. Maqolalarni oʻqish uchun havola.

@alisher_sadullaev Ochish/sharhlash

2022-06-18 17:52:46 WikiStipendiya marafoni boshlanganidan beri Vikipediyamiz tez suratda o'smoqda: https://uz.wikipedia.org/wiki/Vikipediya:WikiStipendiya_marafoni/Statistika Ochish/sharhlash

2022-06-17 07:13:28 WikiStipendiya loyihasidan xabardormisiz?)

Qizlar ovozi hamda WikiStipendiya hamkorlikda "Ayollar vikiloyihasi"ga START beradi.

Loyihadan ko'zlangan maqsad - vikipediyada o'zbek tilida ayollar bilan bogʻliq mavzularni, xususan, ayollarning huquqlari, jamiyatdagi oʻrni hamda faoliyatini yoritish.

Loyihada qatnashing va LAPTOP yutib olish imkoniga ega bo'ling.

Sizni qiziqtirgan savollarga javob olish uchun 17-iyun kuni soat 15:00 da bo'lib o'tadigan suhbatimizga taklif etamiz.

Ishtirok etish bepul
Manzil: "Kitob olami" majmuasi (Toshkentdagi Yoshlar ishlari agentligi binosi yonida)

Ro'yxatdan o'tish

Imkoniyatni qo‘ldan boy bermang!

@qizlar_ovozi_rasmiy Ochish/sharhlash

2022-06-16 16:48:11 Oʻzbekcha Vikipediya administratorlari nomidan javob:

Originali lotin yozuvidagi ismlar oʻzbekcha Vikipediyada lotin yozuviga transliteratsiya qilinmaydi. Masalan, Bill Gates yoziladi, Bill Geyts emas. Shu qoidaga rioya qilib nomlangan maqolalarda maqolaning eng boshida ismdan keyin qavs ichida shaxsiyat ismining talaffuzini yozish kerak. Shuningdek, transliteratsiya qilib yozilgan ismdan tegishli maqolaga yoʻnaltiruvchi (inglizcha: redirect) ham qoʻyish zarur. Masalan: Maykl Jekson → Michael Jackson.

Ushbu qoidaga quyidagi omillar asos boʻlgan:

1. Lotin yozuvini ishlatadigan deyarli barcha tillarda shaxsiyat ismining originali lotinda yozilsa, bu ism transliteratsiya qilinmaydi. Masalan, turk tilida tr:Michael Jackson yoziladi, Maykl Cekson emas. Bu qoidaga amal qilmaydigan tillar orasida ozarbayjon tili (az:Maykl Cekson) hamda Vikipediya va boshqa viki loyihalar tashqarisida oʻzbek tili bor.
2. Umumjahon til huquqlari deklaratsiyasi 34-moddasiga binoan, „Har kim barcha jabhalarda oʻz ismini oʻzining tilida ishlatish, hamda lozim boʻlsa, boshqa yozuv tizimida oʻz ismining eng mos fonetik transkripsiyasini ishlatish huquqiga ega.“ Yaʼni, har qanday shaxs oʻz ismi boshqa tillarda qanday yozilishini belgilash huquqiga ega. Ismi lotin yozuvida yoziladigan shaxs lotin yozuvini ishlatadigan boshqa tillarda ismi aslidek yozilishini afzal koʻradi.
3. Originali lotinda yoziladigan ismni ruslarga taqlid qilib transliteratsiya qilish mantiqqa zid. Masalan, ozarbayjon tilida ism talaffuzi asos oʻlaroq olinmaydi, balki oʻsha ismning ruscha versiyasi olinib, transliteratsiya qilinadi. Masalan, Vasco da Gama ismi ozarbayjon tilida az:Vasko da Qama (Vasko da Qama) deb yoziladi, vaholanki uning ismi Vashku de Gama deb aytiladi; yaʼni ayni damda ozarbayjon tilida va oʻzbek tilida koʻr-koʻrona ruscha yozuv olinib, lotinlashtiriladi.
4. Oʻzbek tilida transliteratsiya qilish qoidalari mukammal ishlab chiqilmagan. Masalan, ayrimlar, jumladan, OAV vakillari oʻzbek tilida Ilon Mask deb yozsa, boshqalar Elon Mask deb yozmoqda. Boshqa tillardagi (fransuzcha, portugalcha va hokazo) ismlarni transliteratsiya qilish masalasida esa bundan ham koʻp qiyinchiliklar kuzatilmoqda. Oʻzbekcha Vikipediya administratorlari esa boshqa tillardagi ismlarni oʻzbek lotin yozuviga olish boʻyicha qoidalarni ishlab chiqishga masʼul emas. Shuning uchun mukammal qoidalar ishlab chiqilgunicha, Oʻzbekcha Vikipediyada ismlarni aslidek yozishga kelishilgan.
5. Oʻzbek tilida soʻzlashuvchi shaxs uchun ismning originalini yoza bilish kerakli maʼlumot topishni osonlashtiradi, xususan, Vikiombor, Vikimaʼlumotlar kabi Vikipediyaga qardosh loyihalarda.
6. Shaxsiyat haqidagi maqola lotin yozuvida originalidek yozilgani bilan, oʻzbek tilida soʻzlashuvchi oʻquvchi tegishli maqolani topishi va ismni toʻgʻri talaffuz qilishi muammo boʻlmaydi, chunki maqolaning eng boshida, ismdan keyin qavs ichida shaxs ismi talaffuzi keltiriladi. Masalan, „Michael Jackson (talaffuzi: Maykl Jekson) — amerikalik qoʻshiqchi“. Shuningdek, transliteratsiyadan maqolaga yoʻnaltirish qoldiriladi: siz oʻzbekcha Vikipediya qidiruv oynasida Maykl Jekson deb yozsangiz, avtomatik tarzda Michael Jackson maqolasi ochiladi.

Shu oʻrinda aytish joizki, oʻzbekcha Vikipediyada qabul qilingan qoidalarni, jumladan, kishilar ismlarini yozish boʻyicha qoidani oʻzgartirishga ehtiyoj tugʻilsa, oʻzgartirish mumkin. Ammo buning uchun avval forumda keng jamoa ishtirokida munozara oʻtkazilishi kerak.

#TilimizUchun
Telegram | Facebook | Instagram | YouTube Ochish/sharhlash