2022-09-19 21:05:44
Bugun Turkiyaning bilim chinorlaridan biri, jahon shumerologlarining onasi darsimizga kirdi. Muazzaz İlmiya Chig', 108 yoshli professor shumerolog, arxeolog va tarixchi.
Garchi darsimiz Qadimgi Dunyo Tarixi fanidan leksiya bo'lsa ham, domlaga bergan savollarimizning bari hayot haqida bo'ldi. Bu chinordek o'ychan, ilm dunyosining tirik obidasi bilan faqat hayot haqida gaplashdik...
Bizga nevaralarim, deb javob berdilar.
Otaturk avval xotin-qizlar o'qishi mumkin bo'lmagan Maktabi Lisoni Oliyani Til-Tarix fakulteti o'laroq Anqara universitetiga qo'shganini, endi u yerda qizlarning ham o'qishi mumkinligini eshitib, qishlog'imdan yo'lga tushdim. Fransuz tili va adabiyoti o'qimoqchi edim. Biroq, kechikdim. Ular faqat shumer tili va tarixi bo'limidagina joy qolganini aytishdi. O'qidim...
Shu bilan Muazzaz, navqiron respublikaning navnihol qizi dunyodagi ilk shumerologlardan biriga aylandi. Keyinchalik Oksford va Kembrijda o'qidi, qadimgi shumer, hett tillarini ilk bor tarjima qildi, qadimgi xalqlar madaniyati bo'yicha yuzlab kashfiyotlar qildi...
Bugun esa bizga darsga kirdi. Umr haqidagi ikki soatlik darsda shuni tushundikki, insonning qancha yashashi uncha muhim emas ekan. Asosiysi, bu qisqa hayotda qanday yashash.
108 yillik hayot, 108 yillik tarix... Rasmga tushishni yoqtirishmas ekan, afsuski. Hamon darslarga kirayotganlari esa chindan mo'jiza.
Otaturk, sekulyarizmning ahamiyati, qadimgi va hozirgi jamiyatlar orasidagi farqlar haqida gaplasha turib, bir surbetroq savol berdik: hamon yashashni istaysizmi?
Domlaning javobi esa shu bo'ldi: Men charchadim, bolam...
9 views&&BOOKVAMPER KUNDALİGİ&&, 18:05